2 Samuel 21:1 - Nobonob Baibel

¹ Amu Dawit king dayeye, haen amuppa Israel wanppa gu ii neene, maɗ ewam anam daye, danab ah ag eenu tutu maknab daappig. Ag anam daappig amunu, Dawit nug Yawe amunu oɗ metta unuqittom. Dawit unuqitte, Yawe Nug nug amegppa aum. “Saul nug baekkudppan ele ag eheɗ hena, ag Gibeon danab ii aqadlob am aqaeg mauheg, ag tiilag, Saul nug baekkudppan ele eppelagppa daatte amunu, uug imu wan imuppa beum,” awa aum.

2 Samuel 21:1 ပူးပေါင်းရင်းမြစ်များ

Genesis 12:10

Amu haen amuppa enug haen wan amuppa ba dayom. Enug haen amuam naɗi beum amunu, Abram nug aha, Isip wanppa nakok daakkunu ukkom.

Genesis 26:1

Anukka Abraham nug wan amuppa oiyeye amu, enug haen beum. Aria, Aisaknu haenppa amu, enug haen baula be, amu Aisak nug Abimelek toppa ukkom. Abimelek nug Pilistia dilag king; Gerar aabppa dayom.

Genesis 41:57

Wan ohppa enug haen beum amunu, danab wan ohppanu ag ele Josep gumidna, Isip wanppa gona, ee daden meppig.

Genesis 42:5

Kanan wan ohppa enug haen beum amunu, Israel bekkod ag danab laala ele ee aeg daden mekkulagnu Isip goppig.

Genesis 43:1

Aria, enug haen okkai ba, anamib dayeye,

2 Samuel 16:8

Na Saul buɗub kuɗum hee mauhppig amunu, Yawe Nug kobol nahip amunu noob nau iikku medatte. Na Saul abenab aon, king daattem, amge gemu diig amunu Yawe Nug king aben na eppenppanu aɗitta awa, na bekkat Apsalom medatte. Na am danab qe mauhak danab amunu, na iikku padal mettem,” ewa aum.

2 Samuel 20:26

Amu Jair danab onig Ira, nug am Dawitnu ulum mettak danab dayom.

2 Samuel 21:5

King Dawit nug anam oɗ matte, ag nob mena appig. “Saul nug ig Gibeon danab ah ohnab mauhkkunig, ig laippu laa Israel wanppa ii daamanu dabmak awowa aha, eheɗ iqom

2 Samuel 24:1

Yawe Nug Israel dilagnu baula oo nauhak huanak doya he, ⌊Satan nug⌋ Dawit Israel uug madakkunu, Dawit amegppa aum. “Na ahan, Israel danab ah, Juda danab ah ele ebaqe!” awa aum.

2 Samuel 5:19

Ag anam daappig amunu, Dawit nug Yawe oɗ mettom. “Da Pilistia banelag tekkul am enate? Da banelag teppi amu, na ag da eppelppa maadkkutte?” awa oɗ mettom. Dawit nug Yawe anam oɗ mette, Nug nob ma aum. “Da Pilistia na eppenppa maadkkul amunu, na te!” awa aum.

2 Samuel 5:23

Ag anam heeg, Dawit nug Yawe, nug aɗi hekkunu oɗ mette, Yawe Nug Dawit amegppa aum. “Tutukku, Pilistia noolagppa tena, ban aib heme. Iitta. Na taliliadna gona, dimulagppa tena, ad balsam kuɗum ag dimulagppa daatteb amunu, na aben amuppa tena, appanu Pilistia gukkuadna goppe, ag ele ban heig!

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

1 King 18:2

Nug anam aum amunu, Elaiya nug ukka, Ahap anidkkunu gumitta ukkom. Am haen amuppa Israel wanppa enug haen nau dayeye, Samaria appa ag ahilag ee am tutunab me,

2 King 6:25

Haen amuppa, Aram dilag daup ag aab dimittim anam daaegeg, am Samaria ag ahilagppa enug haen laa be, ag eenu tutunab daappig. Aram ag aab okkai amu haen elab oo mettan, aqaglagnu maadna daaegeg, danab ag ee aon, eɗun ooppa nokkulagnu elele iitta. Anam daye, danab laa nug donki ikkiib laa daden mekkunu oo daye heum amu, nug 1 kilogram silwa daden meum. Danab laa nug ai uppuɗil beɗulag nakok biig 250 gram daden mekkunu oo daye amu, nug 55 gram silwappa daden meum.

2 King 8:1

Haen laappa Elisa nug ukka, Sunem ah, ah amuib nug bekka amu anukka mauhe, Elisa nug eɗua maɗette ahom amu, Elisa nug ah amu amegppa aum. “Yawe Nug geha ihinig wanppa enug haen beeb, geha danab ah ag maɗ eblaih aɗit ele enug haen eenu tutu daaglagnu aum amunu, na ahan, na baenadppa diippe, ag gona wan laappa daappeg, enug haen maɗ eblaih aɗit ele malakku,” awa aum.

Job 10:2

Da Kayak amegppa akkul. ‘Na diig lokkumakppanu da amelppa, na eheɗ heme, ii amananu oɗ medattem. Ao, na da eheɗ hemi akkutnu daatte dayeb amu, na da hipunin atten atten hemi appe dookkulnu unuqidttem.

Sam 27:8

O Yawe, da ool unuqagppanab, na amuppa na dahilnu, “Na da aniɗna dim lamiɗkkutnu, da mattiɗe!” ame amunu, O Yawe, da na anitten dim lamidkkulnu mattidkkul.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Lewitikas 26:26

Da geha ahilag ee heppi nauhkku amunu, geha plaua nakoknab, ah eblaih tanig ele aakkuib bret manaknu qaɗab laippuppa maiglagnu elele. Ee nagnag aakkuib daakku amunu, ag anen anen ag ee huppu nakok amuib aoglag. Ag aotteb amu, aakku lakkulag, amge ag oolag ii aɗama.

Namba 27:21

Dimppa na mauhppe, nug attem attem hekkunu doyak aokkunu amu, nug mana mettak danab Eleasar noobppa hippaidkku, amu Elieser nug ehanittak amu aokkunu nug Urim, ⌊Tumim ele,⌋ keeke aɗit amuppa aokku. Josua, nuhig haknunab naippaib Israel danab ah oh ag keeke hekkulagnu ahan hekkulag; aria, nuhig haknunab naippaib ag keeke hekkulagnu uun ii hemana. Nug, Israel danab ah laa oh ele, ag oh anamib hekkulag.” Yawe Nug Moses amegppa anam aum.

Josua 7:1

Amge Israel ag keeke Yawenuib nuhig pelemppa daappig, ag keeke amunu Kayak ippunattomnu oo metta ii uuak kobol ii dim lamitteg, laa nug keeke amunu laala awom. Danab onig Aakan nug keeke amu laa yab awom amunu, Kayak nug Israel dilagnu oo huana nauhom. Aakan nug Karmi bekka. Karmi nug Simri bekka. Simri nug Sera bekka. Aakan nug Israel dilag huu okkai Juda, amuppanu.

Josua 9:20

Ig nai ɠagattag qettata amut amu, ig amu loppaɗta, ii dim lamidkkunig dayeb, Yawe Nug ihinignu oppoɗi bekku amunu, ig uuadpput, bau daaglag.

Rut 1:1

Haen epeɗiak danab ag Israel danab ah gumadppig, haen amu ooppa deɗ laa enug haen okkai laa Juda wanppa beum. Enug haen amuppa amu Juda danab laa, Betlehem aabppanu amu, nug aha, wan laa onig Moap, appa maɗ laala dayowa, eɗua uɗikkunu dabmaama ukkom. Danab amu, nug onig Elimelek; nug wau, bekoɗ ele oh diie goppig. Nug wau onig am Naomi, amu nug bekoɗ onilah am Malon, Kilion ele. Ahilag aab ikki onig amu Eprata. Ag Juda wanppa, Betlehem aabppanu. Amu ag ahan, Moap gona, appa daanna,

1 Samuel 10:22

Ag ii anidppig amunu, ag Yawe oɗ mettan, “Danab amu nug uɗiom daattete?” aon appig. Ag oɗ mettaeg, Yawe aum. “Yo, nug ahilag keeke ooppa, nug nukka appa lokkumom daatte,” awa aum.

1 Samuel 23:11

O Yawe, da nai anam doomi amunu, da na oɗ medattem; Keila danab ah ag da Saul eppegppa meiɗkkulag, o iitta? Am da doomi bia Saul nug genab ippa uɗikkute, o iittate? O Yawe, na ig Israel, ihinig Kayak daattem amu, na da, nahip maɗi nid amu, na da amunu appe dookkulnu ool daatte,” awa aum. Dawit nug Yawe anam oɗ mette, Yawe Nug nai nob ma aum. “Geha nug uɗikku,” awa aum.

1 Samuel 23:2

Dawit nug nai amu doya, nug Yawe oɗ metta aum. “Da Pilistia ban danab banelag gokkul, o iitta?” awa oɗ mettom. Nug Yawe oɗ mette, Yawe Nug nob ma aum “Ao, na gona, Keila danab ehanadna, Pilistia aqe!” aum.

1 Samuel 23:4

Nug nuhikkud ban danab ag anam aeg, Dawit nug eɗua ban amu attem hekkulagnu nug Yawe oɗ mette, Yawe nug amegppa aum. “Da geha na ehanidppi, na geha Pilistia amu eɗadkkut amunu, na ahan, Keila gona, Pilistia aqe!” Yawe Nug anam amegppa aum.