2 Samuel 20:21 - Nobonob Baibel

²¹ Da na amebia hekkulnu ii hettem, amge danab laa, nug Bikri bekka Seba, nug Epraim wanppa, qauko qauko daattebppan danab amu, nug heeb, King Dawit na qeeb, nug aben nuhig awa, king daakkunu hette. Danab amu uɗiom, ippa ina daatte amunu, na nug ig megappe, da heppi, ig ag uuadta gokkunig,” awa aum. Joap nug anam a, ah amu nug aum. “Ig danab amunu ikki buɗipput, aɗ dimittim uɗikku,” awa aum.

2 Samuel 20:21 ပူးပေါင်းရင်းမြစ်များ

2 Samuel 20:1

Amu danab laa onig Seba, nug Benyamin ted, Bikri bekka, nug appa dayom. Nug hanhan he, uug digdig bettom, amu nug appa dayaya, Juda dilag nai doya, nug trampet iwalala eum. “Ig Israel laa oh, ig Dawit ele laippu iitta. Ao, ig Jesi bekka Dawit, ig nug buɗub iitta. O ag Israel danab laa, da ag ele ig oh ahat, ig appanig diigppa gotu,” awa aum.

2 Samuel 20:2

Seba anam heum amunu, Israel danab oh ag Dawit uuidna, ag Bikri bekka Seba dim lamidppig. Ag amu heppig, amge Juda danab ag ahilag king, Dawit, ag nug ele daan, ag nug Jodan leppanu omalna, Jerusalem teppig.

2 Samuel 20:20

Ah nug anam a, Joap nug aum. “Iitta. Da amubia ool ii daatte. Da nahip aab heppi nauheb, ag aqappi mauhkkulagnu ii hettem.

2 Samuel 23:18

Seruia bekka Joap amag Abisai, nug am Danab 30, nug amu dilag okkai dayom. Deɗ laa nug danab 300 ele ban henana, nuhig banppa aqe mauhppig amunu, nug onig am danab ɠagattagnab ewam onilag bia dayom.

1 King 11:26

Amu ele, Nebat bekka Jeroboam, nug am Solomonnu ehanittak anuqak danab laa, nug ele King Solomon waappa daakkunu uua, nai tappe nak kobol haaha, kekeɗ mettom. Nug appag am Sereda, Israel dilag huu okkai Epraimnu. Nug anig onig am Serua, nug am ah qab.

2 King 10:7

Amge haen danab okkai amu ag Jehu uɗug yom amu aona, ag King Ahap bekkod ag gumadppig ele, ag nid 70 amu oh aqaeg mauheg, ikkilkad okkulna, kalegppa inadna, meeg Jesril appa Jehu toppa ukkom.

2 King 5:22

Naman oɗ mette amu, Gehasi nug Naman amegppa aum. “Da maɗoɗ ele uɗimi, amge danab okkai dahil nug da na amenppa akkulnu he uɗimi. ‘Gemu propet huuppan danab aɗit laa aa da laulppa uɗipiɗ. Aa amu propet ameg laa, Epraim wanppa, qauko qauko daattebppa, aa appanu uɗipiɗ. Uɗipiɗ amunu, na aa 34 kilogram silwa, am lamen aɗit ele matakkutnu oɗ medattem,’ awa atte,” awa aum.

Jeremaia 4:15

Aɗinu? Ag paha anam ii hekkulag dayeb amu, nai awa uɗiak danab Dan appanu uɗia, nai uug ele ab dooglag. Ao, laa nug Epraim wanppa, qauko daattebppanu uɗia, kekeɗ uɗin, appa digmena wan heeg nauhom ab dooglag,” awa akku.

Jeremaia 50:19

Amge da heppi, Israel danab ah ag eɗun, ag wanelagppa daaglag. Sipsip ag Karmel, am Basan ele appa gikkiɗah lanan, ena daatteb, amubia Israel ag ena daaglag. Ag Epraimnu qauko nakokppa, Gileat wanppa ele ee elele aon, oolag dittieb, elele daaglag,” awa atte.

Josua 24:33

Amu dimppa amu Aron bekka Eleasar nug mauhe, ag nug Gibea appa boumppig. Aben amuam Epraim wanppa, qauko qauko daattebppa dayom. Ag nug bekka Pinias wan amu matu mettaeg, ag Eleasar appa boumppig.

Ikki Danab 2:9

Ag nug Israel danab ah wan nug aug daakkunu medappig, amuppa boumppig. Wan amuam Timnat Sera, appa dayom. Timnat Sera am qauko Gasnu yawalti uɗitteppanu, Epraim wanppa, qauko qauko daatteppa dayom.

Ikki Danab 7:24

Amu Gideon nug nai me, Epraim wanppa, qauko qauko daattebppa ele ukkom. Nug aum. “Ag banelag nena, Midian danab aqaglagnu ban ukkeg! Nena gona, Jodan le baag qakppa, danab ag mataɗna Betbara gotteb, appa daanna heppeg, Midian ag aibnab mataɗna goppig!” Nug nai anam me ukke, Epraim danab ag nug aum bia heppig.

Ikki Danab 9:55

Abimelek mauhe amu, haen Israel danab ag nug mauhom anidna amu, ag qatin, laulkad piɗe piɗe gona daappig.

1 Samuel 24:6

Dawit nug Saulnu eheɗ heum, amunu dabmak huan qeum, ⌊amge nuhikkud danab ag nug Saul qeeb mauhkkunu eɗun appig⌋ amunu, Dawit nug ag amelagppa aum. “Yawe Nug Saul, dahil okkai, am nug Israel dilag king daakkunu goɗen gokkaɗakppa tituanom amunu, da nug iinab qeppi mauhma. Iittanab! Nug Israel dilag king daakkunu Yawe Nug goɗen gokkaɗakppa tituanom amunu, da nug heppi nauhkkunu aib okkainab aakku daatte,” awa amelagppa aum.

1 Samuel 26:9

Abisai nug anam aum, amge Dawit nug nob ma aum. “Na nug aib qeppe mauhom. Aɗinu? Yawe Nug Saul, Israel dilag king daakkunu goɗen gokkaɗakppa tituanom, amu aun laa nug Saul qeeb mauhkku amu, Yawe Nug danab amu nug eheɗ heum, nug beɗuppa aab ele antta, ⌊am geha Nug danab amu nob nau medakku⌋,” awa aum.