2 Samuel 20:15 - Nobonob Baibel

¹⁵ Seba nug appa dayeye, Joap nuhikkud daup ele ag uɗin, ag aab Abel Betmaka oo mettan, aqaglagnu daanna, ag aab okkai amunu aɗ letaglagnu wan aɗ dimittim qagmeegeg teum. Ag amu hewona, ag ad imuag naɗippa aɗ amu heppeg nauhkkunu yaanna, henan daappig.

2 Samuel 20:15 ပူးပေါင်းရင်းမြစ်များ

2 Samuel 20:14

Amu Seba, nug Israel dilag huu okkai ohppa oiya ugakka, nug aab laa onig Abel Betmaka teum. Nug aab amuppa taata, nug Beri buɗub dilag wan atu ohppa oiye, danab amu ag ahan qagmena, nug dim lamidppig.

1 King 15:20

King Benhadat nug King Asa nai aum amu doya, nug amunu ena doyom. Nug ena doyom amunu, nug nuhikkud ban daup ikki amelagppa a, ag ban danab diieg gona, Israel dilag aab anen anen amuppa ban heppig. Ag gona ban henana, Israel dilag aab Iyon, Dan amu Abel Betmaka ele, aria wan maha onig Kineret oh, amu Naptali wan oh ele eɗadna aoppig.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

2 King 19:32

Anam bekku amunu, Yawe Nug Asiria dilag kingnu inam atte. ‘King amu nug aab okkai Jerusalem imu ooppa ii uɗima. Ao, nug lat doɗo ele eeb, ippa ii uɗima. Nug guppiɗ aɗa, aab okkai imu ele ban hekkunu ii uɗima. Ao, nug ippa uɗia heeb, nuhikkud daup ag aab imunu aɗ letaglagnu wan aɗ dimittim qagmebeppeg ii tema.

Eklisiastis 9:14

Kaya amuam inam. Haen laa aab nakok okkai laa dayom. Danab ah kuɗum aab amuppa ii daappig. Ag kuɗum ii daaegeg, atu laihppan king ɠagattag ele nug nuhikkud daup ele ag banelag uɗin, aab amu oo mattan aqaknu maadna daan, ag aab amu aoglagnu babaittak uɗat naɗinab heppig.

Aisaia 37:33

Anam bekku amunu, Yawe Nug Asiria dilag kingnu inam atte. “King amu nug aab okkai Jerusalem imu ooppa ii uɗima. Nug lat doɗo ele eeb, ippa ii uɗima. Nug guppiɗ aɗa aab okkai imu ele ban hekkunu ii uɗima. Nug ippa uɗia heeb, nuhikkud daup ag aab imunu aɗ letaglagnu wan aɗ dimittim qagmebeppeg ii tema.

Jeremaia 32:24

Antte! Kekeɗ ag aab okkai imu eɗidkkulagnu ag wan buun, aon uɗin, gokkaɗegeg beebe, aɗ eleleppa bekkunu hetteb. Aab imuppan danab ah ag qep elabppanu mauhakppa, enugnu mauhakppa, oɗe nau danab kuɗum aqe mauhtteb, mauhak amuppa ele, Babilon ag aab okkai imu eɗidna aoglag. O Yawe, na aɗi keeke bekkunu ame amu, kobol anam aakku beebe na anidttem.

Jeremaia 33:4

Aɗinu? Am genab, ag Juda, ag Babilon ele ban hena, aab okkai imu ooppa domananu, ag lag hamu, kingnu lag enanagnab laala ele loppaɗadna, men, ad keeke aabnu aɗ ɠagattag qettaglagnu uɗat mettaeg, lag daappigppa aben hamu daatte. Amu Yawe, Israel dilag Kayak, Nug lag amunu, aben ag daappignu inam atte. “Da ool nauha, oppoɗil beum daatte amunu, da heppi, Babilon dilag daup ag aab imu ooppa uɗin, danab kuɗumnab aqadppeg mauhadppeg, ag gaɗalag aben amuppa ambak daaglag. Aab okkai imuppan danab ah ag nau hak huanaknab heegeg uɗie, gemu ele hetteb amunu, da ena ii anadpa. Da heppi, nau hak ahilagnu bu nau aoglag.

Jeremaia 6:6

Am keeke amu bekkunu diig am, Yawe Nukka Ɠagattag Oh Ele Nug inam atte. “Jerusalem danab ah ag bu aoglagoitte. Ag lailkad gai-iitta daatteb ele, ag ag eheɗ hadatteb. Le moɗ laa, le appanu baabaib gotte, amubia Jerusalem danab ah ag nau henan daatteb. Jerusalem danab ah ag laa guittak mattanna heeg, nauhak okkai daatte. Aab okkai amuam danab guittak awom, o danab oɗe nau awom, am amubia daye andette daattem. Ag nau anam henan daatteb, ag bu aoglagoitte amunu, ag Juda dilag kekeɗ da ag amelagppa attem. ‘Ag Jerusalem eɗidkkulagnu ag ad oadna aɗ diigppa mena, aabnu aɗ letaɗna, aab ooppa nokkulagnu wan laihnu buun, aɗ amuppa gokkaɗppeg, aɗ elele baɗ!’

Esekiel 4:2

Na dottog amu hewona, na kekeɗ ag aab amu eɗadkkulagnu henana, ag oo mattan aqaknu maadna daaglag, na amubia hena, aab ooppan danab ag dimittim dokkulagnu ib oo nena, na wan buuak ele aon, nakok uma wanppa digmena, na wan buuak amu meppe taata, ab dottog amu aabnu aɗ ikki elele mena, na kekeɗ dilag haen tutu dayaknu aab kalaknu dottog aab amu talilidna mewona, danab ag aabnu aɗ ad imuag okkaippa yaaeg nauhtte ippu hak haknu, na ad amubia aab dottog talilittak ele me!

Luk 19:43

Amunu ag doyeg! Geha dimppa haen amu uɗieb, ahilag kekeɗ ag aqaglagnu uɗin talilidna, wan buuppeg teeb, ag aben ohppa ag oo mattan autnanab aona,