2 Samuel 20:12 - Nobonob Baibel

¹² Amge Amasa gaɗa ib gamagppa tiig layom ele niiom amunu, daup danab oh ag uɗinna, ag Amasa gaɗa anidnana, ag baelag yaan, hippaidna daappig. Ag anam heegeg, Joapnu daup laa amu, nug ag anam heeg anatta, nug Amasa gaɗa eeɗa, ib eɗitta, nakok uma wana, gaɗa me dayeye, nug lamen awa hautom.

2 Samuel 20:12 ပူးပေါင်းရင်းမြစ်များ

2 Samuel 17:25

Ag Jodan mataɗna, ag gona, wan onig Gileat, ag appa haen tutu dayaknu aab kalappig. Am Joap nug Apsalom ele ii dim lamittom amunu, Apsalom nug Amasa nug nuhig daup dilag okkai daakkunu otiom. Amasa nug danab onig Jeter bekka. Jeter nug am Ismael buɗub, amu nug wau am Nahas aɗeg Abigel. Nug Joap anig Seruia makkeg.

2 Samuel 2:23

Apner nug anam aum, amge Asahel nug dim lamidkkunu ii uuom. Iitta. Nug dim lamitta ukka, gukkuitta ukke, Apner nug ban laih aeg iittappa Asahel oo ye, ban oo ya ooppa ukka, laih gomeppa matulom. Apner nug anam he, Asahel na qa mauha niieye, danab aun aɗi ag aben amuppa uɗippig ele amu, ag anam hippaidna daan anidppig.

2 Samuel 20:11

Aa anam gopiɗ, amu Joapnu daup laa nug Amasa gaɗa guma dayaya, nug aum. “Aun nug Joapnu oo hette, aun nug Dawit king daakkunu oo hette ele amu, nug Joap dim lamittaɗ!” awa aum.

2 Samuel 20:13

Danab nug anam he, danab laa nug Amasa gaɗa anidkkunu hibaitta ii dayom. Iitta. Joap, ag ohnab ele ag Bikri bekka Seba lamidkkulagnu goppig.

Sam 55:23

Amge, O Kayak, na nau hak danab hadappe nauhna iitta mekkulag. Laa makkuɗe mauhak danab, amu hambuppuak danab ele, ag danab bau daanna, ag mauhkkulag, amge na da padal mepanu ehaniɗkkutnu oolppa genab doottem.

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.