2 Samuel 20:10 - Nobonob Baibel

¹⁰ Joap nug anam he, Amasa nug qep Joap eppeg nanehppa dayom am ii dabmeum amunu, Joap nug qep amuppa Amasa oo ye, Amasa biig wanppa neum. Joap nug Amasa haen laippu aakkuib qep-ppa ye, Amasa mauhom. Joap nug anam he, nug amag Abisai ele aa Bikri bekka Seba dim lamidpiɗ.

2 Samuel 20:10 ပူးပေါင်းရင်းမြစ်များ

Genesis 4:8

Nug anam aum, amge geha Kain nug Abel amegppa aum. “I dad okkaippa noɗu!” awa aum. Anam a amu, aa goya oiyya, Kain nug ban ha, amag Abel makkuɗe mauhom.

2 Samuel 2:23

Apner nug anam aum, amge Asahel nug dim lamidkkunu ii uuom. Iitta. Nug dim lamitta ukka, gukkuitta ukke, Apner nug ban laih aeg iittappa Asahel oo ye, ban oo ya ooppa ukka, laih gomeppa matulom. Apner nug anam he, Asahel na qa mauha niieye, danab aun aɗi ag aben amuppa uɗippig ele amu, ag anam hippaidna daan anidppig.

2 Samuel 20:9

Qep anam niieye, Joap eppeg nanehppa bahia awa, nug Amasa amegppa aum. “O lai, na attem daattem?” awa oɗ mettom. Oɗ metta, nug Amasa ootuqidkkunu nug eppeg naɗiap-ppa Amasa akkaɗi aɗom.

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

1 Stori 12:2

Danab amu ag lat, ketapol ele aɗan, ag lat doɗo, men ele eppelag naɗiap-ppa o nanehppa ele ekkulagnu elele. Ag Israel dilag huu okkai Benyaminnu danab, Saul ele tiilag laippu.

Jeremaia 41:2

Netania bekka Ismael nug danab eblaih laih ele, nug ag ele oh ahan, Ahikam bekka Gedalaia, nug am Sapan alag, ag nug qep elabppa qeeg mauhom. Ge, ag laa Babilon dilag king nug Juda wannu gawana daakkunu tituanom amu, ag nug qeeg mauhom.

Namba 35:20

Danabte, o ahte nug oo aeg bak doyaya oiyaya, laa ehaleb, o keeke laa buɗieb ukka, laa qeeb mauhkku, o iitta nug laa kekeɗ metta, eppeg bitakka, laa makkuɗeb mauhkku amu, nug amu, nug aakku qe mauhak danab daatte. Ag laa nug amu heum, ag nug qeppeg mauhaɗ! Laa nug qe mauhak danab nob ma qeeb mauhkkunu daatte ele, nug antta, qe mauhak danab amu qeeb mauhkku.

Ikki Danab 3:15

Anam daye amu, Israel ag Yawe ag ehanadkkunu baula gaaegeg, Yawe Nug danab laa ag ehanatta, Moap eppelagppanu eɗua diikkunu qappom. Nug onig amu Ehud. Nug Gera bekka; nug am Israel dilag huu okkai laa Benyamin, amuppan danab. Ehud nug am naneh danab. Am Israel ag Ehud meeg, Moap dilag king Eklon toppa ahilag en takis bia medakkunu ukkom.

Ikki Danab 3:21

amu Ehud nug eppeg naneh bahia, nug qep elab tuɗi naɗiap-ppan eeɗa awa, king biigppanab yom.

1 Samuel 26:8

Amu Abisai nug Dawit amegppa aum. “Gemu Kayak nug nahip kekeɗ na eppenppa meum. Na appe, da geha haen laippuib ban imuppa yaappi, ban aeg ukka, wan ele yeeb, nug mauhkku. Da haen aɗit ii yaapa. Iitta,” awa aum.