2 Samuel 20:1 - Nobonob Baibel

¹ Amu danab laa onig Seba, nug Benyamin ted, Bikri bekka, nug appa dayom. Nug hanhan he, uug digdig bettom, amu nug appa dayaya, Juda dilag nai doya, nug trampet iwalala eum. “Ig Israel laa oh, ig Dawit ele laippu iitta. Ao, ig Jesi bekka Dawit, ig nug buɗub iitta. O ag Israel danab laa, da ag ele ig oh ahat, ig appanig diigppa gotu,” awa aum.

2 Samuel 20:1 ပူးပေါင်းရင်းမြစ်များ

Genesis 46:21

Benyamin bekkod onilag am Bela, Beker, Asbel, Gera, Naman, Ehi, Ros, Mupim, Hupim, Art ele.

2 Samuel 15:10

Nug Hebron teum, amge nug lokkumakppa he, nuhig nai awa ukkak danab ag Israel wan ohppa gona, ag Israel danab amelagppa appig. “Ag trampet baag gaappeg doon, ag danab ah laa oh dooglagnu, ‘Apsalom nug Hebron appa king daatte,’ aig!” aon appig.

2 Samuel 16:11

Dawit nug anam anan, nug Abisai, nuhikkud ehanittak anuqak danab ele oh amelagppa nai tuɗitta aum. “Da bekkalnab, da nug menumi ele, nug da iweb mauhkkulnu hette. Danab imu nug Benyaminppanu danab, nug Saul ele tiig laippu, nug da eheɗ laa awaknu anak waappa daakkulnu dabmekkun elele amunu, uuppeg dayaɗ! Yawe Nug nug anam akkunu aumtai amunu, ig uupput haɗ!

2 Samuel 16:7

Simei nug nai nau amu mattiaya, ewa aum. “Na qe mauhak danab, na ahan ukke! Na danab hamu, nahip-ppa ena laa ii daatte.

2 Samuel 18:17

Ag ban uun, ag Apsalom gaɗa aon, moɗ okkai atu amuppa dayom, amuppa ag gaɗa buɗieg no, ag men akkan, Apsalom gaɗa tonan, men meegeg ta, qagmak okkai dayom. Ag anam heppig, amge Israel dilag daup laa, ag Apsalom dim lamidppig amu, ag oolna, laulkadppa teppig.

2 Samuel 20:2

Seba anam heum amunu, Israel danab oh ag Dawit uuidna, ag Bikri bekka Seba dim lamidppig. Ag amu heppig, amge Juda danab ag ahilag king, Dawit, ag nug ele daan, ag nug Jodan leppanu omalna, Jerusalem teppig.

2 Samuel 20:22

Ah nug anam awowa, nug eɗua ukka, ulum nai doyak dabmak ena ele aab amuppan danab ah amelagppa a, ag ahan, Bikri bekka Seba duug ona, ikki okkulna, buɗieg, aɗ dimittim Joap aokkunu noum. Ag anam heeg, Joap trampet iwale, nuhikkud daup oh ag ahan gona, appalkad diigppa anen anen goppig. Ag anam ukkaegeg, Joap nug King Dawit anidkkunu Jerusalem teum.

2 Samuel 23:6

Amuam anam bekku, amge Kayak Nug heeb, danab nau ag nauhkkulag. Aɗinu? Ag qaun danab eppeg he nauhtte, ag amubia daatteb.

1 King 12:16

Aria, Rehoboam nug anam a, Israel danab ah oh, ⌊amuam Israel dilag huu okkai laa oh, Juda, Benyamin aakkuib iitta⌋, ag aakku dooppig, king bau amu nug nai ahilag dookkunu uuom. Ag anam dooppig amunu, ag king amegppa inam appig. “Ig Israel laa oh, ig Dawit ele laippu iitta. Ao, ig Jesi bekka Dawit, ig nug buɗub iitta. Anam amunu, ig Israel danab, ig oh eɗut, aabppa gotu. Ao, Dawit bekkod ag akka nug gumanna dayeg!” Israel ag anam anana, ag oh qatin, appalagppa ukkadppig.

1 King 21:10

Dayebeb, aria ag danab nau aɗit laa, Nabot daakku, amu guguittak maatppeg daayya, aa Nabot nug Kayak, king ele aa eheɗ laa awaknu anak waappa daaglahnu aum, amu Nabot beɗuppa yaapeɗ, ag doon, dimppa Nabot aon, aab okkai dimittim gona, menppa makkuɗppeg mauhaɗ!” Nug uɗugppa anam yom.

2 Stori 10:16

Aria, Rehoboam nug anam a, Israel danab ah oh, ⌊amuam Israel dilag huu okkai laa oh, Juda, Benyamin aakkuib iitta⌋, ag aakku dooppig, king bau amu nug nai ahilag dookkunu uuom. Ag anam dooppig amunu, ag king amegppa inam appig. “Ig Israel laa oh, ig Dawit ele laippu iitta. Ao, ig Jesi bekka Dawit, ig nug buɗub iitta. Anam amunu, ig Israel danab, ig oh eɗut, aabppa gotu. Ao, Dawit bekkod, ag akka nug gumanna dayeg!” Israel ag anam aon anana, ag oh qatin, appalagppa ukkadppig.

2 Stori 10:6

Ag ukkaeg amu, King Rehoboam nug ikki danab laala, danab amu ag anukka nug mameg Solomon dabmak ena medattappig ele, nug ag onilagppa e doeg, nug nai amunu oɗ matta, inam aum. “Israel danab ag da mamel heum bia ii hepanu atteb, amu ag attem dabmetteb? Da nai amu attem amelagppa nob mein, aɗi akkul?” awa aum.

Sam 17:13

O Yawe, na ahan, na ag banelag daan eɗadppe, ag nena qekkulagnu oɗ medattem! Ao, nahip qep elab amuppa da ehaniɗppe, da nau hak danab eppelagppa ii daapanu unuqidttem!

Sam 34:19

Uug kuɗum am genab tutukku hak danab dilagppa uɗitteb, amge Yawe Nug uug amu ohppan ehanatte, ag padal ii metteb.

Prowerb 25:8

Na paha paha nai laa aon, hettoɗiakppa aib meme; na anam hekkut dayeb, dimppa nahip mudippan laippu nug heeb, nahip nai am hambuppuak, anam miag atieb amu, na attem hekkut?

Prowerb 26:21

Aab o hamad aab aɗuppa eokkunu aabppa metteb; amubia, nug mehqak danab nug nug qak digmette.

Mak 3:24

Ɗo maɗoɗ laippuppan danab ag ahan oppatna, ameg aɗit bena, nug qekkulag amu, wan amu nug ena ii daama.

Luk 19:14

Amge nug wanebppan danab ⌊laa⌋ ag nuhignu nau ninig ele dooppig amunu nug ukke, am danab amu ag heeg, ag oolagppan danab laa ag nug dim lamidnana ag inam appig. ‘Ig danab imu nug ihinig king daakkunu ig oonig ii daatte,’ aon appig.

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

Jon 13:8

Awa a amu Pita aum. “Naɗi, na da bael iinab ihamna; gemu butti aɗi ele iinab ihamna,” awa aum. A am Jesus Nug aum. “Da na baen ii ihakkul dayeb amu, na dahil iitta,” awa aum.

Ikki Danab 19:22

Ag daanna, gamag ahak doon, nug gamag aon heegeg amu, nau hak danab laa aab okkai amuppanu, ag lag eidna talilidna daanna, ag digmena od huanaknab qeqalnana, danab kaino, lag amu mameg, ag nug onigppa eppig. “Na danab uɗie, na ele daattep aon doppe, ig nug ele gappai aotu!” anana eppig.

Ikki Danab 3:27

Haen nug ukka, Epraim wanppa, qauko qauko daattebppa ta amu, nug Israel danab ag oh qagmena, bannu gokkulagnu trampet iwalom. Nug trampet amu iwale, gumidna ukkaeg, nug Israel dilag bannu huu laa qauko nakok amuppanu omalatta noum.

Rut 2:3

Naomi nug anam aum amunu, Rut nug aha ukka, maɗi nid dad laappa uɗat heppig ele amu, nug ag dim lamatta, bali digma akkom. Dad amuam Boasnu, amge Rut nug amu ii doyaya, appa bali digma akkom. Boas, Elimelek ele, aa am aab ikki laippu.

1 Samuel 13:2

Saul nug Israel danab 3,000, ag nuhig daupnab daaglagnu tituanattom. Nug anam tituanatta, nug he, danab 2,000 ag nug ele aab onig Mikmas appa, amu laih qauko qauko ele, aab onig Betel taliliak, danab 2,000 ag nug ele aben aɗit amuppa daaglagnu aum. Aria, 1,000 laa amu, ag nug bekka Jonatan ele Benyamin wanppa aab onig Gibea, ag appa daaglagnu aum. Saul nug anam awowa, nug danab laa oh ag eɗun, lakka gona daaglagnu a, ag eɗun goppig.

1 Samuel 2:12

Elkana, Hana ele aa goya aabppa daaeheh, Samuel nug Eli ele Silo appa daapiɗ. Aa anam daaeheh, Eli bekoɗ, aa onilah am Hopni, Pinias ele, aa mana mettak uɗat hepiɗ, amge aa am danab nau; aa Yawenu, “Nug am keeke hamu,” doopiɗ.

1 Samuel 30:22

Dawit nug anam heum, amge nuhikkud danab amu oolagppa danab laib laib laa ag danab nau, haen kuɗum ag heeg uug bette, danab amu ag appig. “Danab amu ag ig ele banppa ii gomut amunu, ig ban heta, keeke aomut, ig amunu laih ag ii mattamta,” appig. “Keeke imu aakkuib ag aoglag; anen anen ag ahilkad ah, nid naunau ele diiadna, ag diin ukkeg!” appig.