2 Samuel 2:9 - Nobonob Baibel

⁹ Nug ukka he, Gileat danab, Asur danab, Jesril danab, Epraim danab, Benyamin danab, amu Israel laa oh ag Isboseth nug ahilag king daakkunu nai qagappig. ⌊Juda aakkuib ag nug ii dim lamidppig.⌋

2 Samuel 2:9 ပူးပေါင်းရင်းမြစ်များ

Genesis 30:13

Lea nug aum. “Da ool gamag ahatte. Ah laa oh ag dahilnu, ‘Gamak ahak ah,’ akkulag.” Anana amu, nug nid onig Aser ataɗom.

2 Samuel 2:10

Saul bekka Isboset, nug maɗ 40 dayaya, nug Israel dilag king ba dayom. Nug king ba, nug maɗ aɗit king dayom. Nug Israel dilag king dayom, amge Juda ag Dawit dim lamidppig.

2 Samuel 3:6

Amu laa ag Saul bekka dim lamidppig, laa ag Dawit dim lamidppig ele amu, ag ban henan daaeg ukke, Apner nug ban haaha, Saul bekka dim lamidppig oolagppan amu, nug danab onig okkai ele laa beum.

1 Stori 12:29

Benyamin buɗubppanu am 3,000. Danab amu ag Saul ele tiilag laippu. Danab uɗippig amu, ag laa king daakkunu tatam Saul buɗub, ahilagib dabmena oo metta ii uuak kobol dim lamidppig, amge gemu ag Dawit ehanidkkulagnu uɗippig.

1 Stori 12:30

Epraim buɗubppanu am 20,800. Ag oh am ban danab ag oolagppa ɠagattag doyak ele. Ag baelkadppa oolagppa danab onilag ele daappig.

Sam 108:8

Gileat danab ah am dahilad, Manase danab ah, ag ele am dahilad. Epraim danab ah ag da ikkil guittak aomanu aen hat dahil daatteb, amu Juda danab ah ag am dahil king qakun, ⌊danab ah da am king daattem dooglagnu⌋ daatteb.

Namba 1:40

Ag Aser huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Aser, huu amuppa, danab amu 41,500 daappig.

Josua 16:5

Josua, nuhig ehanittak ele ag wan imu Israel dilag huu okkai Epraim baegppan, ag aulag daakkunu madappig. Ahilag tom yau uɗitteppanu am Atarot Adar, appa digma ukkak. Atarot Adar am wan amu ooppa, laih kaɗag uɗitteppanu dayom. Appanu amu tom nug ukka Bethoron Attan appa teum.

Josua 16:8

⌊Yawalti uɗitteppanu tomnu nai laa am, tom amu kaɗag uɗitteppanu digma, qaban uɗitteppanu uɗiaknu nai, am nai amuam inam.⌋ Tapua, appanu tom amuam qaban uɗitteppanu ukka, oolnu noak onig Kana, appa ukka, oolnu noak amu dim lamitta ukka, Mediterenia yuppa ukkom. Wan amu Josua nuhig ehanittak ele ag Israel dilag huu okkai Epraim baelkadppa, ag aulag daakkunu madappig.

Josua 16:9

Ag amu mattanna, ag aab laala ele, aab naunau aab amu taliliattak ele Epraim madappig; amu aab amu laa ag Israel dilag huu okkai Manase mahaibnu wan, wan amuam ag aulag amu, am appa daappig.

Josua 17:1

Josua nuhig ehanittak ele ag om ena yaakppa Israel dilag huu okkai Manase mahaib wan madappig. Aɗinu? Danab ag Israel dilag huu okkai amunu amu, ag am Josep bekka naanaeg, Manase, nug buɗub. Moses nug Gileat, Basan ele matu Jodan le laih kaɗag uɗitteppanu Makir buɗub mattom. Aɗinu? Nug ⌊bia, nug buɗub ag⌋ am ban danab ɠagattag. Makir nug am Manase bekka naanaeg, nug am Gileat mameg. ⌊Amu Makir buɗub ag am Israel dilag huu okkai Manase mahaib laa aakku.⌋

Josua 18:11

Josua nug om ena yaak tatamnu ha antta, om ena yaak ippunittom bia nug wan maha tatamnu am Israel dilag huu okkai Benyamin baekkudppa mattom. Ahilag wan amu Josua, nuhig ehanittak ele ag Juda, Josep ele huu dilag wan gamagppa makkula mattom.

Josua 18:20

Jodan le amu, laih kaɗag uɗitteppanu, Israel dilag huu okkai Benyamin dilag wannu tom dayom. Amuam wan Josua aɗi ag Israel dilag huu okkai Benyamin baekkudppa madappig. Wan amuam ag aulag daakkunu mattak.

Josua 19:18

Aab imu ag wan amuppa daappig; Jesril, Kesulot, Sunem,

Josua 22:9

Josua ag gokkulagnu aum, amunnu Ruben danab, Gad danab, amu Israel dilag huu okkai Manase mahaib danab ele, ag aakku Israel dilag huu okkai laala, Kanan wanppa Silo appa uuadna, ahan goppig. Ag ahan, ahilag wanppanab, wan onig Gileat, appa gokkulagnu goppig. Moses nug Yawe, nug anam hekkununab aum amu, nug anam aakku ha mattom.

Ikki Danab 1:32

Danab ah Asernu ag Kanan danab ii lamatteg, Kanan danab ah amu ag wan ahilag ii uun goppig amunu, Aser ag Kanan oolagppa aakku daappig.

1 Samuel 29:1

Pilistia ag uɗin, ahilkad ban danab Apek guguittak qagmena, haen tutu dayaknu aab kalan daaegeg, Israel ag am laih Jesrilnu le qeppuɗia betteppa haen tutu dayaknu aab kalan daappig.