2 Samuel 2:5 - Nobonob Baibel

⁵ Aeg doya, Dawit nug Jabes Gileat danab dooglagnu nai imu me, ahilagppa ukkom. “Ag Saul, ihinig okkai, ag nuhignu oo mauhaknab doon, ag nug gaɗa aon uɗin boumppig amunu, da Yawe Nug ag itittak ena madakkunu ool daatte.

2 Samuel 2:5 ပူးပေါင်းရင်းမြစ်များ

Genesis 14:19

Mattowa amu, nug Abram inam itittom. “Kayak Attannab Laa Oh Eɗattak Nug hab, wan ele haatom amu, Nug na itidkkunu ool daatte.

Genesis 14:22

Sodom dilag king nug anam a amu, Abram nug Sodom dilag king oɗeppa awa aum. “Genabnab da Yawe, Nug Kayak Attannab Laa Oh Eɗattak, Nug hab, wan ele oh heum amu, da eppel nuhigppa humen, da inam hekkulnu Kayak onigppa dahil nai ɠagattag qetten, inam ami.

2 Samuel 15:20

Na tumainab iikku da ehaniɗkkutnu uɗime. Amu gemu da heppi, na ig ele ɗo danab, lag iitta bia da atu atten, da amu ii doottem ele, na ig ele anam oignig am ena iitta amunu, na, na baenadppa ele ag eɗun gokkulag am nai iitta. Amu Kayaknu oo bodoettak kobol, nuhig oo metta ii uuak kobol ele nahip-ppa daakkunu ool daatte.” Dawit nug Itai amegppa anam aum.

2 Samuel 21:12

Dawit doya amu, nug Jabes Gileat ukka, Saul ebehi, Jonatan ebehi ele danab appanu eppelagppanu awom. Pilistia danab ag Saul, Jonatan ele Gilboa appa aqateg mauheh, ag gaɗalti aon gona, aab onig Betsan, appa haɗap-ppa, aihateg daaeheh, Jabes Gileat danab ag lokkumna gona, gaɗalti aon uɗin, Jabes Gileat appa boumatppig.

Sam 115:15

Yawe, Nug hab, wan ele heum amu, Nug ag itadkkunu ool daatte.

Josua 2:14

Nug anam a amu, lokkumakppa atu italak danab aa apiɗ. “Aakku! Ig Israel, ig wan imu aopput, na, nahipad ele ag mauhkkulag dayeb amu, Yawe Nug i niteb mauhkkunihnu oonig daatte! Na auntai laa i aɗi aɗi hettepnu, na nug amegppa ii akkut dayeb amu, haen Yawe Nug wan imu ig mekkebeb, ig nahipnu oo bodoettak doota, ena hetata, oo metta ii uuak kobol ele nahipnu dim lamidkkunig,” aoya apiɗ.

Ikki Danab 21:8

Am diig amunu ag oɗmak imu heppig. “Haen ig Mispa appa, ig Yawe noobppa qagmeta, ig Benyamin huunu attem haknu maidmut amu, aun laala ag Israel dilag huu okkai attenppanu ii daappig?” Ag oɗmak anam henana hettoɗippig amu, ag auntai laa Jabes Gileatnu laa qagmakppa ii dayom dooppig.

Rut 1:8

Ag ib aon gonana, Naomi nug baeg ya, hibaitta dayaya, ahipoɗ amelahppa inam aum. “Aa eɗuya gopeɗ, aa anilti ele dayeg! Aa dahilnu, amu aa gamulti dilahnu ele enanag hepiɗ, amubia Yawe Nug ahilahppa oo mauhaknab dookkunu ool daatte.

Rut 2:20

Rut nug anam mattie, Naomi nug aum. “Yawe Nug Boas itidkkunu ool daatte,” awa aum. Awowa, nug Rut amegppa aum. “Yawe Nug ihinti danab mauhpiɗ ele amu, aa bau daapiɗ haenppa ahilahnu oo mauhaknab doya, gemu amu Nug ihinihnu ele oo mauhaknab dootte,” awa aum. Nug anam anana, nug nai tuɗitta aum. “Boas, Elimelek ele amu, aa am tiig laippu, tiig amuppanu laa ag i ehanitkkulagnu daatteb ele amu, ag oolagppanu laa am nug aakku,” awa aum.

Rut 3:10

Rut nug anam a amu, Boas nug aum. “O aɗel, Yawe itidkkunu ool daatte. Na ahipannu oo mauhaknab doon ehanidnana, gemu kobol amu tuɗidna, kobol ena okkainab hettem. Aɗinu? Na nid bau, danab enub ele, o danab enub iitta amu, na nid bau amu laa aolomnu daame, amge na amu oh na uuna, dahilppa uɗime.

1 Samuel 11:1

Aria, nakok dimppa Amon dilag king onig Nahas, nug nuhikkud daup ele ag uɗin, Gileat wanppan aab laa onig Jabes, ag aab amu oo mattan, aqaglagnu maadna daaegeg, Jabes danab ag Nahas amegppa appig. “Na ig ele nug tituanta nai qakkagnig dayeb amu, ig nahip maɗi nid daagnig,” aon appig.

1 Samuel 11:9

Israel oh ag anam heeg, Saul aɗi ag nai awa ukkak danab, tatam Jabes Gileatnu uɗin, Amon heppignu aeg dooppig ele amu, ag ag amelagppa inam appig. “Ag eɗun Jabes gona, Jabes danab amelagppa ‘Butti, aam ɠagattag neeb amu, ag ehanittak aoglag,’ appeg doyeg!” aon appig. Aria, ag anam akkulagnu aeg doona, ag gona, Jabes danab amelagppa aeg doon, ag oolag gamag eheɗnab ahom.

1 Samuel 15:13

Amu Samuel nug nai amu doya, nug Saul dim lamitta ukka te, Saul nug Samuel amegppa aum. “Yawe Nug na itidkkunu ool daatte. Da Yawenu nai aakku dim lamitten, Nug da aɗi hekkulnu aum amu, da aakku hemi,” awa aum.

1 Samuel 23:21

Sip danab ah ag anam aeg, Saul nug ag amelagppa aum. “Ag dahilnu oolag dootte amunu, da Yawe Nug itittak ena ag madakkunu ool daatte.

1 Samuel 24:19

Haen danab laa nug nuhig kekeɗ anidtte amu, nug guittak iite medatte? Ao, nug guittak medatte. Danab laa nug kekeɗ antta, geha nug, nug amegppa, ‘Na appanppa eɗun ukke!’ akkute? Iittanab iitta amunu, da ool inam daatte. Geha Yawe Nug kobol ena oh na dahilnu heme amu antta, Nug nob ena na medakku.