2 Samuel 2:19 - Nobonob Baibel

¹⁹ Asahel nug anam haknu elele dayom, Dawitnu daup ag Apner aɗi ele eɗatteg, Apner aɗi laa ii mauhppig ag oolna ukkaegeg, Asahel nug Apner tutukku dim lamittom. Nug tutukkunab Apner baeg matta, dim lamitta ukkom.

2 Samuel 2:19 ပူးပေါင်းရင်းမြစ်များ

2 Samuel 2:18

Amu Seruia bekkod ewam, ag ban amuppa daappig. Ag onilag am Joap, Abisai am Asahel ele. Asahel nug doɗ gasel huana qaietta gotte, nug amubia huana qaietta gokkunu elele.

2 Samuel 2:20

Aa anam qaiettaya goyaya, Apner nug ugakka, nug eɗua neekke ukke, Asahel antta, oɗ mettom. “Na Asahelte?” oɗ mettom. Oɗ mette am Asahel nug aum. “Ao, am daib,” awa aum.

2 Samuel 2:21

Nug anam a amu, Apner nug aum. “Na da aib dim lamiɗme. Na naɗiap-ppa, o iitta na nanehppa eɗun gona, nid bau laa anidppe, nug ele ban heya, eɗidna qeppe mauheb, nuhig lamen, qep keeke nahipnu awe! Amge aib da dim lamiɗme,” awa aum. Nug anam aum, amge Asahel nug uuom. Nug Apnerib dim lamidkkunu haaha, dim lamittom.

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

2 Samuel 3:30

Amu diig aɗinu Joap, nug amag Abisai ele aa Apner qeeh mauhom? Apner aɗi ag Gibeon appa ban henana, appa Apner nug Joap, Abisai ele amalah Asahel qe mauhom, amunu aa anam hepiɗ.

2 King 22:2

Josaia nug Yawenu neekkakppa kobol genab tutukku ele dim lamittom; nug alag Dawit kobol oh heum bia, nug heum. Nug ib ena dim lamittom. Nug ib eheɗppa ii ukkom.

Prowerb 4:27

Na ib tutukku, amuib mattan oiye! Na aib naɗiap-ppa, o iitta, nanehppa gome. Na kobol eheɗ aib heme.

Josua 1:7

Ge, na ɠagattag daan, na ootppa ɠagattagnab doye! Na aɗi aɗi hekkutnu henana, na enaib hekkutnu na ɗo oh, dahil maɗi nid Moses na mettom ele amu, na amu oh dim lamitte! Na ib apiɗidna, na naɗiap-ppa, o nanehppa aib gome.

Josua 23:6

Amunu ag ɠagattag dayeg! Nai dim lamittaknu amu, ag Ɗo Nai Buk Kayak Nug Moses amegppa a, Moses nug bukppa yom amu, ag buk amuppa yaak oh daatte amu dabmettan autna aon, dim lamitteg! Ag ɗo nai amu uun, laih naɗiap-ppa, o laih nanehppa aibnab goppig.