2 Samuel 2:13 - Nobonob Baibel

¹³ Amu haen amuppa Seruia bekka Joap, ⌊Dawitnu daup okkai,⌋ nug nuhikkud daup ele ag ahan gona, le gottu Gibeon appa daatte ele, ag appa Apner aɗi ele nug uɗa teppig. Ag nug uɗa tena, Apner aɗi ag le laih daugppa daaegeg, Joap aɗi ag laih heɗep nena daappig.

2 Samuel 2:13 ပူးပေါင်းရင်းမြစ်များ

2 Samuel 2:18

Amu Seruia bekkod ewam, ag ban amuppa daappig. Ag onilag am Joap, Abisai am Asahel ele. Asahel nug doɗ gasel huana qaietta gotte, nug amubia huana qaietta gokkunu elele.

2 Samuel 20:23

Joap nug Dawitnu daup oh dilag ikki anuqak dayom. Jehoiada bekka Benaia nug danab Dawit gumappig, amuam Keret danab, Pelet danab ele, nug ahilag okkai dayom.

2 Samuel 20:8

Ag gonana, ag men okkai naɗi laa Gibeon daatte, ag appa teeg, Amasa nug ag uɗalag teum. Amu Joap nug matu bannu lamen nuhig ma, imuagppa matagiɗ ele takkom. Nug anam lamen ma, nug matagiɗppa qep laa, nuhig gaɗa ooppa ele inom. Nug anam ma dayaya, nug Amasa hambuppuak humidkkunu nug guguittak te, qep nuhig am gaɗappanu na qa wanppa niiom.

2 Samuel 23:24

Dawitnu danab ɠagattag, ag Danab 30, huu amuppa daappig onilag am inam. Joap amag Asahel; Betlehem ted onig Dodo, nug Elhanan Bekka;

2 Samuel 8:16

Seruia bekka Joap, nug ban daup ikki anuqak daye, Ahilut bekka Jehosapat nug yaak danab dayom.

1 King 1:7

Amu Adonaiya nug Seruia bekka Joap, amu mana mettak danab Abiatar ele, ag nai madippig. Ag nai mattin, danab aɗit aa nug ele, ag oolag laippu daye, aa nug ehanidkkulahnu apiɗ.

1 King 2:5

Am laa ele, Solomon, na doottem, Seruia bekka Joap nug kobol nau heehe, amuppa da uug okkai, kobol nug heum amuppa da anidmi. Nug Israel dilag ban daup ikki aɗit aqatom. Aa am Ner bekka Apner, am Jeter bekka Amasa ele. Ban haenppa danab laa nug laa qe mauhtte bia ii aqate mauhpiɗ. Iitta. Nug ban haenppa helo bia ban iitta haenppa, am maɗoɗ haenppa, nug aqate mauhpiɗ. Nug danab aɗit amu aqattom, hak nau amunu aab am nug beɗuppa daatte.

1 Stori 11:6

Dawit nug nuhikkud daup ele ag ban hekkulagnu gonana, haen amuppa nug nuhikkud daup amelagppa aum. “Aun nug ban amegppa anuqak dayaya, Jebus danab tatam qe mauhtte amu, nug dahil daup oh dilag ikki daakku,” awa aum. Haen amuppa nug anam a, Seruia bekka Joap nug Jebus laa qe, Dawit nug nuhikkud daup dilag okkai aben aokkunu meum.

1 Stori 2:16

Jesi bekkod am aakku. Ag appinalti onilah am Seruia, Abigel ele. Seruia bekkod Abisai, Joap, Asahel ele.

1 Stori 27:7

Joap amag Asahel, nug danab obatak kalam waɗeleppa daappig dilag ikki dayom. Danab 24,000 obatak amuppa daappig. Nug mauhe, nug bekka Sebadaia nug abenab awom.

Jeremaia 41:12

ag ahilkad daup diin, Netania bekka Ismael ele ban hekkulagnu nug dim lamidppig. Ag dim lamidna gonana, Gibeon appa le gottu okkai laa daatte, ag le amu guguittak Ismael gukkuidna wappig.

1 Samuel 26:6

Dawit nug ukka ta, nug Saul, nuhikkud ban danab ele ag attem niitteb am anttom amunu, nug Hit danab onig Ahimelek, amu Seruia bekka Abisai, Joap amag amu, nug aa amelahppa aum. “Aa oolahppa, aun nug geha da ele haen tutu dayaknu aab kalak imuppa goɗa, Saul gumidɗa wakkunih?” awa oɗ matom. Nug anam oɗ me, Abisai nug nob ma aum. “Da geha na ele oh gokkunih,” awa aum.