2 Samuel 2:1 - Nobonob Baibel

¹ Amu Saul mauhe ukke, dimppa Dawit nug Yawe oɗ mettom. “Da eɗuen, Juda wanppa aab laappa ukken daakkul, o iitta?” awa oɗ mettom. Oɗ mette am Yawe Nug eɗua amegppa aum. “Ahan, anam hekkut,” awa aum. Nug anam a amu, Dawit nug oɗ mettom. “Ge, da aab attenppa ukken daakkul?” awa oɗ mettom. Oɗ mette amu, Yawe Nug aum. “Hebron gona daakkut,” awa aum.

2 Samuel 2:1 ပူးပေါင်းရင်းမြစ်များ

Genesis 13:18

Yawe Nug anam a amu, Abram nug aha oiyaya, Hebron appa nug danab laa onig Mamre, nuhig ad ok daappig, aben amuppa nug peh lag nuhig qappowa dayom. Appa ele amu, nug Yawe noobppa dup noa binag mekkunu qaɗab qeum.

Genesis 32:2

Uɗa teeg anatta, Jakop nug aum. “Imuam Kayaknu daup,” awa aum. Nug anam anana, nug aben amu onig Mahanaim ataɗom.

2 Samuel 15:7

Apsalom nug anam heehe ukke, maɗ waɗele uue, nug king toppa teum. Ta amegppa aum. “Da Aram danab oolagppa Gesur appa dayeye, da keeke laa genabnab hekkulnu nai laa Yawe amegppa qakken inam ami. ‘O Yawe, na heppe, da eɗue tein, Jerusalem daakkul dayeb amu, da Hebron ukken, appa da na noomppa dup noin binan medakkul,’ ami amunu, na appe, da Hebron ukken, da keeke genabnab hekkulnu nai qakken ami amu, da anam bia hekkul,” awa aum.

2 Samuel 2:11

Ag nug dim lamittegeg, Dawit nug Hebron appa maɗ eblaih aɗit, kalam eblaih laippu ele Juda dilag king dayom.

2 Samuel 5:19

Ag anam daappig amunu, Dawit nug Yawe oɗ mettom. “Da Pilistia banelag tekkul am enate? Da banelag teppi amu, na ag da eppelppa maadkkutte?” awa oɗ mettom. Dawit nug Yawe anam oɗ mette, Nug nob ma aum. “Da Pilistia na eppenppa maadkkul amunu, na te!” awa aum.

2 Samuel 5:23

Ag anam heeg, Dawit nug Yawe, nug aɗi hekkunu oɗ mette, Yawe Nug Dawit amegppa aum. “Tutukku, Pilistia noolagppa tena, ban aib heme. Iitta. Na taliliadna gona, dimulagppa tena, ad balsam kuɗum ag dimulagppa daatteb amunu, na aben amuppa tena, appanu Pilistia gukkuadna goppe, ag ele ban heig!

1 King 2:11

Nug ii mauhak haenppa amu, Dawit nug Israel wanppa Israel dilag king ba, nug maɗ 40 Israel gumattom; nug Hebron appa maɗ eblaih aɗit ele king daya, Jerusalem appa nug maɗ 33 king dayom.

1 Stori 29:7

Ag Kayaknu mettid lag hekkulagnu keeke Kayak medappig. Ag inam medappig; 170,000 kilogram gol, 345,000 kilogram silwa, 610,000 kilogram bras, amu 3,450,000 kilogram aen ele.

2 Stori 11:10

Sora, Aiyalon, Hebron ele. Aab amu Juda wanppa, Benyamin wanppa ele aab okkai ɠagattag aɗ ele daappig.

Sam 143:8

Da nahipnu oolppa genab doottem amunu, na buttua oh nahip oo mauhaknab kobolnu dabmenana, ehaniɗkkutnu oɗ medattem. Da na unuqidttem amunu, na oot meɗan, nahip ib tutukku ippuniɗkkutnu unuqidttem.

Sam 27:4

Keeke laippu laa aakkuib da Yawe, da Nug meɗakkunu oɗ medakkulnu heinne daattem. Yo, keeke laippu aakkuib, da aokkulnunab ool daatte. Keeke amuam, da bau daattem haenppa, da Nug laugppa dayeye, da haen oh, anttak enanag nuhig andette daakkul. Ao, da Nug laugppa da Yawe antten dim lamidkkulnu Nug madikkul.

Esekiel 36:37

Amu Naɗi Yawe Nug inam ele atte. “Da paɗadppi, Israel danab ah ag unuqiɗppeg, da unuqittak ahilag amu doye heppi, anamib bekku. Da heppi, ag eheɗ appatna, kuɗumnab daaglag, sipsip huanak amubia.

Namba 13:22

Ag wan laih laa onig Negeb oppatna gona, Hebron aabppa teppig. Hebron appa amu Ahiman, Sesai amu Talmai, ag am Anak buɗub, ag appa daappig. Danab ag Hebron aab kalaeg, maɗ eblaih aɗit uue, Isip wanppa appa danab ag aab onig Soan kalappig.

Namba 27:21

Dimppa na mauhppe, nug attem attem hekkunu doyak aokkunu amu, nug mana mettak danab Eleasar noobppa hippaidkku, amu Elieser nug ehanittak amu aokkunu nug Urim, ⌊Tumim ele,⌋ keeke aɗit amuppa aokku. Josua, nuhig haknunab naippaib Israel danab ah oh ag keeke hekkulagnu ahan hekkulag; aria, nuhig haknunab naippaib ag keeke hekkulagnu uun ii hemana. Nug, Israel danab ah laa oh ele, ag oh anamib hekkulag.” Yawe Nug Moses amegppa anam aum.

Josua 15:13

Yawe Nug Josua amegppa Juda dilag wan laih laa Jepune bekka Kalep medakkununab aum. Nug anam aum amunu, Josua nug Kalep Aab Kiriat Arba amuam Hebron mettom. Arba am Anak alag anukkanu.

Ikki Danab 1:1

Josua mauhe dimppa amu, Israel danab ah ag Yawe oɗ mettan appig. “Israel dilag huu okkai atten am tatam banelag ukkeb, Kanan danab ele ban hekkulag?” aon oɗ meppig.

1 Samuel 10:22

Ag ii anidppig amunu, ag Yawe oɗ mettan, “Danab amu nug uɗiom daattete?” aon appig. Ag oɗ mettaeg, Yawe aum. “Yo, nug ahilag keeke ooppa, nug nukka appa lokkumom daatte,” awa aum.

1 Samuel 23:2

Dawit nug nai amu doya, nug Yawe oɗ metta aum. “Da Pilistia ban danab banelag gokkul, o iitta?” awa oɗ mettom. Nug Yawe oɗ mette, Yawe Nug nob ma aum “Ao, na gona, Keila danab ehanadna, Pilistia aqe!” aum.

1 Samuel 23:4

Nug nuhikkud ban danab ag anam aeg, Dawit nug eɗua ban amu attem hekkulagnu nug Yawe oɗ mette, Yawe nug amegppa aum. “Da geha na ehanidppi, na geha Pilistia amu eɗadkkut amunu, na ahan, Keila gona, Pilistia aqe!” Yawe Nug anam amegppa aum.