2 Samuel 19:8 - Nobonob Baibel

⁸ Joap nug anam aum amunu, King Dawit nug aha ukka, aabnu aɗ odppa dayom. Nug appa dayeye, laa ag nuhikkud daup amelagppa, “King nug aabnu aɗ odppa daatte,” aeg doon, ag oh uɗin, nug noobppa daappig. Dawit aɗi ag anam heppig, amge ag anam heegeg, Israel laa ag Apsalom dim lamidppig ele ag oolna, ag laulkadppa teppig.

2 Samuel 19:8 ပူးပေါင်းရင်းမြစ်များ

2 Samuel 15:2

Nug anam ha, nug ele haen oh buttuanab aha, aab okkainu aɗ od guguittak ib giginppa daattom. Dayeye, laa nug layag nuhignu eheɗ heumnu dabmaama, king nug nai am doya bappaidkkunu uɗieye, Apsalom nug danab amu antta, amegppa, “Na atteg ted?” awa oɗ mette, danab amu nug aab diig, Israel dilag huu okkai attenppa dayom amu, nug Israel dilag huu okkai amu onig diia, “Da am nahip uɗat nid, da Israel dilag huu okkai imuppan danab,” awa nob ma attom.

2 Samuel 18:17

Ag ban uun, ag Apsalom gaɗa aon, moɗ okkai atu amuppa dayom, amuppa ag gaɗa buɗieg no, ag men akkan, Apsalom gaɗa tonan, men meegeg ta, qagmak okkai dayom. Ag anam heppig, amge Israel dilag daup laa, ag Apsalom dim lamidppig amu, ag oolna, laulkadppa teppig.

2 Samuel 18:24

Am laa ag ban heegeg, Dawit nug aab laa amuppa dayaya, nug ukka, aab amuam aɗ aɗit ele, laa am laa talilittom, aɗit oh am od ele amu, nug od aɗit amu gamagppa dayom. Nug anam dayeye, aɗi uɗitte anittaknu danab nug aɗ attan ta, nug neekke ukke, danab nug nukka qaietta uɗieye anttom.

2 Samuel 18:4

Ag anam appig amunu, King Dawit nug aum. “Ag ahilag dabmakppa ag da aɗi kobol hekkulnu ena dootteb ele amu, da anamib hekkul,” awa aum. Nug anam aum, ag nug aabppa daakkunu ena dooppig amunu, ban ahe, ag ban hekkulagnu ukkaegeg, King Dawit nug aabnu aɗ odppa dayeye, ag nug noobppa huu 100 ele, huu 1,000 ele, ag daappig anam daanna, huu anen anen ag laippu tappan goppig.

2 Samuel 19:3

Ag kekeɗ eɗadppig, amge ag oolag uug daye, ag eɗun, danab ag baɗan, banppa daaglagnu uun oolna, appalkadppa uɗa nak ele tetteb bia, Dawitnu daup ag anam aakku aab okkai Dawit dayomppa teppig.

1 King 22:36

Aria, aam nokkunu heehe amu, ban danab ag baalag okkaippa inam aon eppig. “Ig oh eɗut, aab ihinigppa, ihinig wanppa gota, appan appan gotu!” aon eppig.

2 King 14:12

Ag ban hena, Israel dilag daup ag Juda dilag daup eɗatteg, Juda dilag daup ag oolna, laulkadppa goppig.

2 King 8:21

Ag anam heppig amunu, Jehoram nug nuhikkud bannu karis oh amu diie, aab Sair appa Edom ele ban hekkulagnu ukkom. Nug nuhikkud daup ag bannu karis gumadtteb ele ag gona tena daaegeg, Edom ag uɗin, ag oo mattan aqaglagnu heppig. Ag anam heeg, Jehoram nug nuhikkud daup ag bannu karis gumatteb ele, ag tuqan ahan, ban ɠagattagnab hena, Edom nakok eɗadna goppig, amge nuhig ban danab laala ag ban hak uun, oolna ag wanelagppa goppig.

1 Samuel 4:10

Pilistia dilag daup ag akka akka anam awona, ag ban henana, ag Israel eɗatteg, Israel dilag daup ag oolna, laulkadppa goppig. Amge ag ban henana, Pilistia ag Israel dilag daup huanaknab aqappig. Ag aqaeg ukke ukke, Israel dilag daup 30,000 mauhppig.