2 Samuel 19:36 - Nobonob Baibel

³⁶ Da, da nahip maɗi nid amu, da na ele oh Jodan le imu mataɗa, da ib tutuib na ele oh goɗa, na gobeppe, da eɗuen uɗikkul. Na dahilnu ena hekkutnu attem, amge da aɗi kobol enanag laa hemi amunu, na anam helom?

2 Samuel 19:36 ပူးပေါင်းရင်းမြစ်များ

2 Samuel 19:35

Da maɗ dahil am 80 teum daatte. Da keeke kuɗumnu, atten am enanag, keeke atten am enaib dookkulnu elele iitta. Da, da nahip maɗi nid amu, da ee lainne, da ee o le miti tutukku dookkulnu elelete? Da danab ah ahi edatteb, da ag baalag tutukku ena dookkulnu elelete? O dahil naɗi, dahil king, da na ele oh goɗa daalop amu, da uug okkai na mettalom. Amu da anam helom am ena iitta.

2 Samuel 19:37

Da appal diigppa, mama anai ele mauheh boumatppigppa dayeye mauhkkulnu amu, na appe, da, da am nahip maɗi nid amu, da eɗuen, appal diigppa gokkulnu oɗ medattem. Da anam hekkulnu hettem, amge dahilppanu laa am iikku; nug Kimham, nug am nahip maɗi nid amu, na appe, nug na, dahil naɗi, dahil king amu, nug na ele le imu mataɗya gokkulah. Nug na ele oh goya, na nuhignu attem hekkutnu oot daakku dayeb amu, na anamib he!” awa aum.

Sam 90:10

Danab ah kuɗum ag bau daan, maɗ 70 aotteb. Ao, laib laib ag ɠagattag daan, ag maɗ 80 aotteb. Amge ig bau daatta oittem, maɗ amunu binanig maknu keeke oh, keeke amuam uug, ooppan oo doyak ele aakkuib megatte. Aɗinu? Haen elab iitta, ihinig maɗ iitta meeg, ig laih gottem.

Eklisiastis 12:1

Na kaino mena, uug digdig anidkkut. Ao, na kaino mena, na, “Da gemu dahil oiyaknu ool ittag ii qette,” akkut, amunu gemu, haen amu ii uɗiom daatte, na gemu na nid bau daanna; na laa Nug na heittom ele amu, na Nug dabmette!

Luk 6:38

Ag danab keeke madappeg amu, laa ag eɗun ag keeke mattaglag. Ag keeke ambeeb, ye noak dayeb, baubau ineb amba gokkaɗebeb aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag,” awa aum.