2 Samuel 19:35 - Nobonob Baibel

³⁵ Da maɗ dahil am 80 teum daatte. Da keeke kuɗumnu, atten am enanag, keeke atten am enaib dookkulnu elele iitta. Da, da nahip maɗi nid amu, da ee lainne, da ee o le miti tutukku dookkulnu elelete? Da danab ah ahi edatteb, da ag baalag tutukku ena dookkulnu elelete? O dahil naɗi, dahil king, da na ele oh goɗa daalop amu, da uug okkai na mettalom. Amu da anam helom am ena iitta.

2 Samuel 19:35 ပူးပေါင်းရင်းမြစ်များ

2 Samuel 13:25

Apsalom nug anam a amu, King Dawit nug aum. “O bekkal, iitta! Ig oh gokkunig dayeb, na ihinignu ee keeke bappaidkkutnu am uug okkai na mettagnig,” awa aum. Dawit nug anam a, Apsalom nug gokkulagnu wagai meum, amge Dawit nug nuhig dabmak ii eɗuom. Dabmak nuhig ii eɗue, ii gomananu tuɗitta aum, amge nug Apsalom hobul amu hekkunu itittak ena mettom.

2 Samuel 15:33

Nug uɗa te, Dawit nug amegppa aum. “⌊Na paha gokkutnu elele iitta amunu,⌋ na da ele oh gokkunih am uug laa dahilppa ana bekku bia.

2 Samuel 19:36

Da, da nahip maɗi nid amu, da na ele oh Jodan le imu mataɗa, da ib tutuib na ele oh goɗa, na gobeppe, da eɗuen uɗikkul. Na dahilnu ena hekkutnu attem, amge da aɗi kobol enanag laa hemi amunu, na anam helom?

Esra 2:65

Ebqak anam dayom, amge ahilkad maɗi nid, maɗi ah ele, ahilag ebqak am 7,337, am danab ah laa ahi edappig ele dilag ebqak 200 ele, ag ebqak amu ooppa ii daappig.

Nehemaia 7:67

Ebqak anam dayom, amge ahilkad maɗi nid, maɗi ah ele, ahilag ebqak am 7,337, am danab ah laa ahi edappig ele dilag ebqak 245 ele, ag ebqak amu ooppa ii daappig.

Job 12:11

Ig daunigppa nai doottem. Ao, ig lemaɗunigppa eenu miti doottem.

Job 6:30

Da hambuppuak nai laa madittemte? Ao, da keeke laa anttena, da keeke amunu kobol nau, o kobol ena anidkkulnu, da oo maittak awaknu ehah iittate?

Sam 90:10

Danab ah kuɗum ag bau daan, maɗ 70 aotteb. Ao, laib laib ag ɠagattag daan, ag maɗ 80 aotteb. Amge ig bau daatta oittem, maɗ amunu binanig maknu keeke oh, keeke amuam uug, ooppan oo doyak ele aakkuib megatte. Aɗinu? Haen elab iitta, ihinig maɗ iitta meeg, ig laih gottem.

Eksodas 12:4

Am danab laa nug baekkudppa kuɗum ii daatteb dayeb, ag sipsip nag laippu lae nekkulagnu elele iitta amu, aria mamelag nug danab laa, nug baekkudppa ele nug guguittak miag daatteb amu, nug ag oɗ matteb doppeg, aa baeltippa ele oh ag doɗ amu otin laig! Amu ag doɗ amu oh lae nekkulagnu, ag danab gane daaglagnu elele, danab gane, ah gane, nid naunau ele gane amu, ag amu doona, ag daaglagnu daatteb ele amu, ag anen anen doɗ teppu attem latteb am doona, amu ag eleleppaib daanna lakkulag.

Eksodas 2:8

Nug anam a amu, Paro aɗeg nug aum. “Amu elele, na anam he!” Nug anam aum amunu, nid appinag nug ukka, nid anig omala uɗiom.

Eklisiastis 2:8

Da silwa, gol ele dahilnu huanak awen, aria wan laappan king aɗi, prowins anen anen danab okkai ele, da ag eppelagppanu en naɗi aomi. Da danab ah ele ag ahi edattappig ele, ag da noolppa daan, ahi ettaglagnu diiatten, da ele ah kuɗum diiadmi. Keeke amu oh amu ag heeg, danab nug enanagnab dootte.

Hibru 5:14

Amge ee ɠagattag am danab kalulag ele, ahilagnu daatte. Danab anam amu, ahilag dabmak am okkai meum, ag dabmak elele aon oitteb amunu, ag kobol ena, nau ele epeɗin dooglagnu elele.