2 Samuel 19:29 - Nobonob Baibel

²⁹ Mepiboset nug anam a, King Dawit nug aum. “Aakku elele. Na Siba ele aa wan da nug eppegppa memi amu, aa oppatya, laih nahip dayeb, laa nuhig dayad!” awa aum.

2 Samuel 19:29 ပူးပေါင်းရင်းမြစ်များ

2 Samuel 19:28

Aɗinu? Na king, dahil naɗi, na heppe, da alal baegppan oh ig mauhlomnu elele, amge na amu ii hena, na hee, da, da am nahip maɗi nid, da nahip balalppa, laa ag iguppa daan, ee latteb ele, da ag oolagppa dayeye, ee lattem amunu, da keeke laa na eppenppa aokkulnu oɗ medakkulnu elele iitta,” awa aum.

2 Samuel 19:30

Dawit nug anam a, Mepiboset nug king amegppa aum. “Na dahil naɗi, dahil king. Na maɗoɗ ele eɗun uɗime amunu, Siba nug wan oh aweb, nuhig daakku am nai iitta. Da anidttem amu, na ena anam eɗun uɗime amuib am keeke okkai,” awa aum.

2 Samuel 9:2

Dawit nug anam oɗ matte, ⌊ag Saulnu maɗi nid laa dayom onig Siba anidna,⌋ ag nug uɗia Dawit toppa tekkunu aeg uɗie, King Dawit nug Siba oɗ mettom. “Na Sibate?” awa oɗ mettom. Nug anam a, Siba nug nob ma aum. “Ao, da Siba, nahip maɗi nid,” awa aum.

2 Samuel 9:7

Mepiboset nug Dawit amegppa anam a, Dawit nug aum. “Da na mamen Jonatannu dabmak anuqak awen, nahipnu oo mauhaknab kobol doye dim lamidkkulnu hettem amunu, na aib baɗame! Na alan Saulnu wan oh amu, da eɗue, na eppenppa mekkul. Laa amu, na hanhan dahil balalppa ee lakkut,” awa aum.

2 Samuel 9:9

Mepiboset nug anam a, King Dawit nug Saulnu maɗi nid Siba onigppa e uɗie, nug amegppa aum. “Da gemu keeke oh Saulnu dayom, nug baegppan dilag ele dayom amu, da keeke amu oh nug alag Mepiboset mette malami.

Sam 101:5

⌊Da am king⌋. Da heppi, aun laa nug nai nau nuhig mudippan layag onig heeb nauhkkunu atte amu, nug baula ii hema. Da laa ag dada hena laa eɗittaknu dabmak aotteb, ag dada kobol laala ele hetteb amu, da hadappi, ag kobol amu tuɗidna ii hemana.

Sam 82:2

“Ag epeɗiak danab, ag danab eheɗ heppignu, ‘Ag eheɗ ii heppig,’ atteb; amu haen gane laa ele ukkeb, ag kobol nau amu ag uuglag? Ao, ag nau hak danab anadna, ag bu aomnanu ehanadtteb; amu haen gane laa ele ukkeb, ag kobol nau amu uuglag? Sila.

Prowerb 18:13

Danab nug dab-ii-mettowa, nai nob mette amu; danab amu nug Kayak dab-ii-maama hak hette, nug uɗa nak kobol hette.

Aposel 18:15

Amge ag uɗin, ag nai onignu, onig laalanu ele amu ag akka ahilag ɗonu ele da oɗ meɗatteb amunu, da amu ii hepa; ag akka babaitteg! Da keeke amu epeɗikkulnu, da uumi!” awa aum.