2 Samuel 19:24 - Nobonob Baibel

²⁴ Amu Saul alag Mepiboset, nug ele king uɗa tekkunu ukkom. Dawit nug Jerusalemnu aha ukkom, haen amuppa Mepiboset nug digma, ⌊Dawit mahittatta,⌋ nug baeg ii iha, id ii awa, lamen ele ii ihom ukke, King Dawit maɗoɗ ele eɗua uɗiom batak.

2 Samuel 19:24 ပူးပေါင်းရင်းမြစ်များ

2 Samuel 12:20

Ag anam aeg, Dawit nug wanppanu ahom. Nug aha, le layowa, beɗu babaitta mala, nug lamen dubuttid iitta takka, nug Yawe laugppa ukka, Yawe noobppa dup noa binag meum. Nug amu ha mala, nug eɗua, lakka ukka, nuhig maɗi nid ee mettaglagnu a, ag mettaeg laum.

2 Samuel 15:30

Aa eɗuya goya daapiɗ, amge Dawit nug ugakka, Olipnu Qauko taata gayom. Nug ikki hauta, baeg gaɗa ele ii meum. Danab ah oh nug ele goppig amu, ag ele ikkilag hautna, gonana gaappig.

2 Samuel 16:3

Siba nug anam aum, amge Dawit nug oɗ mettom. “Amge Mepiboset, nug nahip okkai Saul alag amu, nug adeppa daatte?” awa oɗ mettom. Oɗ mette, Siba nug aum. “Nug Jerusalem daatte. Aɗinu? Nug, ‘Da alal king dayom amu, gemu Israel danab ah ag heppeg, da nug dayom bia king daakkul,’ atte,” awa aum

2 Samuel 9:11

King Dawit nug Siba amegppa anam a, Siba nug aum. “Na am dahil okkai, na king. Da am nahip maɗi nid amunu, na da aɗi hekkulnunab attem amu, da hekkul,” awa aum. Dawit nug anam heum amunu, Mepiboset nug hanhan Dawitnu balalppa, king bekkod hetteb bia, nug appa ee lattom.

1 King 2:8

Am laa imu ele dabmekkut. Gera bekka Simei, Bahurim ted, Benyaminnu huu dilag wanppanu, nug ele daatte. Anukka haen Apsalom he, da oole gomi, haen amuppa da Mahanaim gokkulnu ukkaiyi, nug da eheɗ laa awaknu anak waappa daakkulnu nai mattiom. Amge haen da eɗue uɗiyi, nug na, da Jodan leppa aniɗe, da Yawe onigppa nug qep elabppa qeppi ii mauhmanu nai ɠagattag qettami.

Eksodas 19:10

Mattia male, Yawe Nug Moses amegppa inam aum. “Na gona heppe, gemu butti ele danab ah imu ag hena, ag dahilnu tituana mettak dayeg! Amu na appe, ag lamen ahilag ihadna,

Aisaia 15:2

Moap danab ah Dibon aabppa daatteb, ag amu doon, ahilag mettid lakka, ahilag kayak hambuppuak dilag mettid lag nakokppa ele tena, appa gaaglag. Ao, kekeɗ ag aab aɗit Nebo, Medeba ele, ag amu heppeg nauhpeɗ, Moap danab ah ag amunu dabmenana, ag qanaglag. Moap danab ah ag uug naunab doon gaan, ag ohnab ikkilag uɗug otaɗna, bikkalag ele daaglag. Ag id ele aoglag.

Jeremaia 41:5

deɗ amuppa danab 80 ag Sekemnu, Silonu, amu Samarianu ele uɗippig. Ag ee aegnu ofa hekkulagnu, ag kalu danab ile muttuɗig enanag bette, amu mana, Kayak mettaknu ele aon uɗippig. Ag akkaɗilag hoin, lamen pattiɗadna, gaɗalkad ele otaɗadna, ag Yawe laugppa gokkulagnu uɗippig.

Matyu 6:16

Amu haen ag ee ohnu kud men daatteb amu, ag iɗulag aib tiguguɗom. Hambuppuak danab ag ee ohnu kud men daatteb, haen amuppa danab laa oh ag anam hetteb anidkkulagnu, ag heeg, iɗulag tiguguɗtte. Da genab ag amelagppa attem. Hambuppuak danab, ag anam hetteb amu, ag ahilag hak amunu nob ena oh aakku aon malappig.

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

Hibru 13:3

Ag lailkad laa maniguittakppa daatteb ele, ag ag ele oh maniguittakppa daalob bia doon, ag amu dilag dabmenan dayeg! Ele amu, ag lailkad laa, danab laa ag eheɗ hadatteb amu, ag ele guittak amu aolob bia doon, ag amu dilag dabmenan dayeg!