2 Samuel 19:21 - Nobonob Baibel

²¹ Nug anam a, Seruia bekka Abisai nug aum. “Yawe Nug Dawit king daakkunu goɗen gokkaɗakppa tituanom, amge Simei nug King Dawit eheɗ laa awaknu anak waappa daakkunu aum. Amu diig amunu nug mauhaɗ!” awa aum.

2 Samuel 19:21 ပူးပေါင်းရင်းမြစ်များ

2 Samuel 16:13

Dawit nug anam aum amunu, nug, laa nug ele goppig amu, ag oh qauko nakok daugppa ib qetakppanu ukkaegeg, Simei nug nakok attan ib iittappa ugakka, nug nai nau mattiaya, men naunau buɗiatte ahilagppa ukke, gappud ele appua e ukke layattom.

2 Samuel 16:5

Siba, Dawit ele aa anam mattieh ukke, King Dawit nug ukka ukka, Bahurim guguitta ukke, danab laa, nug Saul ele aab ikki laippu, nug aab amu nakok uua ukka, Dawit eheɗ laa awaknu anak waappa daakkunu nai mattiom. Nug am Gera bekka Simei.

2 Samuel 16:9

Simei nug anam ana e ukke ukke, Seruia bekka Abisai nug King Dawit amegppa aum. “Dahil okkai, dahil king, danab amu nug danab ena iitta, qai mauhak bia daatte, am aɗinu ig nug uupput, nug na eheɗ laa awaknu anak waappa daakkutnu nai unam atte? Na appe, da wain, duug oppi, beɗu laih ukkebeb, ikki am laih gokku,” awa aum.

Sam 84:9

O Kayak, na ihinig king, nug ig atognoigtte ele amu, na nuhig dabmekkutnu oɗ medattem! Ao, na laa na nug king daakkunu goɗen gokkaɗakppa tituanme ele amu, na ii helom bia me, na ehanittak kobol dim lamidna, nuhigppa hekkutnu unuqidttem.

Eksodas 22:28

Da am Kayak, ag dahilnu dabittak nai aib appig. Amu ag ahilag huuppan ikki danabnu, nug eheɗ laa awaknu anak waappa daakkunu aib appig.

Gayak Nai 4:20

Amu danab laa, Yawe nug ihinig king daakkunu goɗen gokkaɗakppa tituane, ig ehanikka auta autanab awom amu; kekeɗ ag ahilag pelem meeg, nug amuppa teum. Ig nuhignu, “Ig nug waappa daat; wanppan wan laa oh oolagppa ena daagnig,” dabmemut, ⌊amge iitta⌋.

1 Samuel 24:6

Dawit nug Saulnu eheɗ heum, amunu dabmak huan qeum, ⌊amge nuhikkud danab ag nug Saul qeeb mauhkkunu eɗun appig⌋ amunu, Dawit nug ag amelagppa aum. “Yawe Nug Saul, dahil okkai, am nug Israel dilag king daakkunu goɗen gokkaɗakppa tituanom amunu, da nug iinab qeppi mauhma. Iittanab! Nug Israel dilag king daakkunu Yawe Nug goɗen gokkaɗakppa tituanom amunu, da nug heppi nauhkkunu aib okkainab aakku daatte,” awa amelagppa aum.

1 Samuel 26:9

Abisai nug anam aum, amge Dawit nug nob ma aum. “Na nug aib qeppe mauhom. Aɗinu? Yawe Nug Saul, Israel dilag king daakkunu goɗen gokkaɗakppa tituanom, amu aun laa nug Saul qeeb mauhkku amu, Yawe Nug danab amu nug eheɗ heum, nug beɗuppa aab ele antta, ⌊am geha Nug danab amu nob nau medakku⌋,” awa aum.