2 Samuel 19:19 - Nobonob Baibel

¹⁹ Nug king noobppa anam dayaya, nug aum. “O dahil naɗi, na da dahil eheɗ hak matunu nob meɗakkutnu ool ii daatte. Na, na am dahil naɗi, dahil king, amu na Jerusalem uun gome, deɗ amuppan hak nau dahil na dabmettem doottem, amge na da kobol da hemi ele amu, na kobol amu daut atikkunu oɗ medattem. Na heppe, am na dautppa ii daamanu ool daatte.

2 Samuel 19:19 ပူးပေါင်းရင်းမြစ်များ

2 Samuel 13:20

Nug anam he, Apsalom nug amegppa aum. “Na awan Amnon nug nahip-ppa eheɗ heum doottem. O da appinal, nug na awan, gemuib na toettan daye! Nug eheɗ heittomnu na gemu aib dabmak nittom!” awa aum. Nug anam a amu, Tamar nug awag Apsalom laugppa, oo doyak ele nukka, piɗe bia aakku dayom.

2 Samuel 13:33

O dahil naɗi, na dahil king, na nai laa begapad oh mauhppignu nai uɗiom amu, na nai amunu aib dabmeme, aib oot uug naunab dayom. Aɗinu? Amnon nugib mauhom,” awa aum.

2 Samuel 19:18

Ag Jodan leppa gona, ag king, nug baegppan oh ele omaladna, le mataɗkkulagnu, ag oo hak nuhig heppeg bekkunu ele Jodan leppa, le baag qakppa le amu mataɗna, Dawit gumidna goppig. Ag anam henana amu, Gera bekka Simei nug Jodan le mataɗowa, nug wana, king noobppa laippun gateg qaun o, gomela, iɗu wanppa meum.

Sam 32:2

Danab laa Yawe Nug nuhig hipunin uhuqa mettom daatte, bu laa aokkunu ii daatte amu, danab amu nug itittak ena awom daatte. Ao, danab laa nug ooppa hambuppuak laa ii daatte amu, nug itittak ena awom daatte.

Sam 79:8

⌊O Yawe,⌋ na ig mamenkad aɗi hipunin heppig amu, na amunu nob ig mekkamnanu oɗ medattem! Ao, na oot gai-iitta doon oot mekkan ehanigkkutnu unuqidttem. Aɗinu? Ig uug okkainabppa daattem.

Eklisiastis 10:4

Nahip okkai nug nahipnu oo nauhkku dayeb, na uɗat hekkutnu daattem, na uɗat amu aib uume; na ootppa maɗoɗ doon daye! Aɗinu? Kobol amuam kaliak okkai heeb, elele daakkunu elele.

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Jeremaia 31:34

Amu da heppi, ig nug tituana nai qakkak amu heta malota amu, danab laa nug layagtai, o awagtai, o amagtai baula amegppa, ‘Na Yawe doye!’ ii ama. Iitta. Ag anam ii amananu diig am, ag ohnab, danab onig iitta, danab onig okkai ele, ag oh da dooiɗna oiglag amunu, ag laa nug laa amegppa, ‘Na Yawe doye!’ akkunu ii hema. Aɗinu? Da ahilag nau hak uhuqen madakkul. Yo, da ahilag hipunin daul atikku.” Yawe Nug anam atte.

Namba 12:11

Antta, nug Moses amegppa aum. “Dahil naɗi, da Miriam ele i dabmak tutukku iittappa heɗa, kobol amu dim lamidɗa, hipunin imu hemuɗ, amu na hipunin amu uhuqna metakkutnu oɗ medattem.

Matyu 27:4

nug aum. “Da hipunin hemi. Da danab nug eheɗ laa ii heum amu da hamu kekeɗ eppelagppa mauhkkunu memi,” awa aum. Anam awa a doona ag appig. “Amu ihinig keeke iitta. Am nahip keeke,” aon appig.

2 Korint 5:19

Amu nai ihinig amu iikku. Kayak Nug Kristusnu uɗatppa danab ah oh ele oolag laippu daaglagnu ib babaitta, Nug ag ahilag hipuninnu nob madakkunu ii dabmeum. Aria Nug he, danab ah ag Nug ele oolag laippu bekkulagnu ib babaittak daatte, Nug nai amu mehuqaknu uɗat amu ig mekke hettem.

1 Samuel 22:15

Anukka deɗ laala da Dawit geha aɗi hekkunu, da Kayak oɗ medattami ⌊amu haen amu ohppa na dahilnu oot ii nauhom⌋. Dawit keeke eheɗ laala heum amu, da, nahip maɗi nid, da amunu nai nakok laa ii doomi amunu, na, nahip maɗi nid da, na dahilnu, ‘Nug eheɗ heum,’ aib ame. O na da mamel baekkudppa oolagppanu laa nug eheɗ heumnu ele aib ame,” awa aum.

1 Samuel 25:25

O naɗi, da na oɗ medattem; na Nabal, nug am danab nau amu, na nai nug mettom am aib dabmeme. Aɗinu? Nug onignu diig eɗuak amu inam, ‘Danab nug Kayak dab-ii-maama ii dim lamidtte ele.’ Nug onig eɗuak am anam, amu eɗuak amuam genab, nug am danab anam ele aakku. Kobol nuhig ele amu, am anamib. Amge dahilnu amu, da na, dahil naɗi, da nahipad danab na ag amelagppa ae, ag ig gumigna goppig amu, da, da maɗi ah nahip, da danab amu da ag ii anadmi.

1 Samuel 26:21

Dawit nug anam a, Saul nug aum. “Da hipunin hemi. O Dawit, na da bekkal, da baula eɗue nahip-ppa eheɗ ii hepa amunu, na eɗun uɗippe, da ele daagnihnu oɗ medattem. Aɗinu? Gemu na dahil bau dayak am keeke okkai dabmeme. Genab, da Kayak ii dabmein, ii dim lamidttitti, kobol dahil am elele iittanab iitta.” Nug anam aum.