2 Samuel 19:17 - Nobonob Baibel

¹⁷ Benyamin danab 1,000 ag nug ele oh uɗippig. Amu Saulnu ehanittak okkai Siba, nug, nug bekkod 15, amu nuhikkud maɗi nid 20 ele ag ele uɗippig. Simei, Benyaminppan danab 1,000 laa amu, Siba aɗi ele oh ag paha Jodan leppa, King Dawit ehanidkkulagnu uɗippig.

2 Samuel 19:17 ပူးပေါင်းရင်းမြစ်များ

2 Samuel 16:5

Siba, Dawit ele aa anam mattieh ukke, King Dawit nug ukka ukka, Bahurim guguitta ukke, danab laa, nug Saul ele aab ikki laippu, nug aab amu nakok uua ukka, Dawit eheɗ laa awaknu anak waappa daakkunu nai mattiom. Nug am Gera bekka Simei.

2 Samuel 19:18

Ag Jodan leppa gona, ag king, nug baegppan oh ele omaladna, le mataɗkkulagnu, ag oo hak nuhig heppeg bekkunu ele Jodan leppa, le baag qakppa le amu mataɗna, Dawit gumidna goppig. Ag anam henana amu, Gera bekka Simei nug Jodan le mataɗowa, nug wana, king noobppa laippun gateg qaun o, gomela, iɗu wanppa meum.

2 Samuel 3:16

Ag Mikal aɗidna aon goppig, amge Paltiel nug waunu oo doye, nug dim lamitta gayaya ukkom. Gayaya ugekke, ag Bahurim tena, Apner nug aum. “Na eɗun, lakka ukke!” awa aum. Nug anam aum amunu, Paltiel nug eɗua ukkom.

2 Samuel 9:10

Da nug mettami amunu, na, na begapad, nahip maɗi nid ele ag wan amuppa ee eppan, meu aonna, Mepiboset baekkudppa laa oh ag keeke ele daaglagnu nug mettaglag, amge nahip okkai alag Mepiboset, nug hanhan balal dahilppa ee lakku,” awa aum. Siba nug bekkod 15, maɗi nid 20 ele.

2 Samuel 9:2

Dawit nug anam oɗ matte, ⌊ag Saulnu maɗi nid laa dayom onig Siba anidna,⌋ ag nug uɗia Dawit toppa tekkunu aeg uɗie, King Dawit nug Siba oɗ mettom. “Na Sibate?” awa oɗ mettom. Nug anam a, Siba nug nob ma aum. “Ao, da Siba, nahip maɗi nid,” awa aum.

1 King 2:8

Am laa imu ele dabmekkut. Gera bekka Simei, Bahurim ted, Benyaminnu huu dilag wanppanu, nug ele daatte. Anukka haen Apsalom he, da oole gomi, haen amuppa da Mahanaim gokkulnu ukkaiyi, nug da eheɗ laa awaknu anak waappa daakkulnu nai mattiom. Amge haen da eɗue uɗiyi, nug na, da Jodan leppa aniɗe, da Yawe onigppa nug qep elabppa qeppi ii mauhmanu nai ɠagattag qettami.