2 Samuel 19:12 - Nobonob Baibel

¹² Amu Dawit nug atte. ‘Ag am da awalad, mamelad ele,’ awa atte. ‘Amunu aɗinu laa oh dilag mattiak dimppa king nug eɗua uɗikkunu mattiglagnu daatteb?’

2 Samuel 19:12 ပူးပေါင်းရင်းမြစ်များ

Genesis 2:23

Omala ukke amu, Adam nug aum. “Imu amu, nug da ebehilppanu, nug da ganial. Ao, imu amu nug da teppulppanu, nug genab da ganial daatte. Yawe Kayak Nug ah danabppa heum; diig amunu amu, da nug onig, ‘ah,’ ataɗttem,” awa aum.

Genesis 29:14

Laban nug aum. “Genab, na da ele i tiinih laippu,” awa aum. Aria, Jakop nug Laban ele daapiɗ.

2 Samuel 19:41

Ag anam heeg, haen elab iitta Israel laa ag ahan, king toppa uɗin, nug amegppa appig. “Aɗinu Juda danab, ag ig ele oh, ig awag amag ele amu, aɗinu ag yab danab hetteb bia heegeg, ig ii dooutut, ag na, na am ihinig king amu, ag na, na baenadppa, nahipad ban danab ele omaladna Jodan le mataɗna uɗippig?” aon oɗ medappig.

2 Samuel 19:42

Ag Dawit anam oɗ medappig, amge Juda ag ahan, nob meppig. Ag nob mena, nai inam madippig. “King nug ig ele tiinig laippunab amunu, ig hemut. Ag aɗin oolag nauhtte? Ig kingnu keeke laa ig lakkunignu aomutte? Ig nuhig keeke laa ig eppenigppa aɗat, aot gomutte?” aon appig.

2 Samuel 5:1

Amu dimppa amu, Israel dilag huu okkaippan danab oh ag Dawit gumidna, Hebron uɗippig. Ag uɗin appig. “Ig na ele ig oh tiinig laippu.

2 Samuel 8:17

Ahitup bekka Sadok, Abiatar bekka Ahimelek ele, aa am mana mettak danab daapiɗ. Seraia nug nai yaak danab dayom.

Rom 11:14

Da amu hettemnu diig am, kobol amuppa da heppi, danab da ele buɗub laippu, amuam Juda danab, da heppi, Juda danab ag, ag iitta aɗi ag gemu Kayaknu kobol enanag aotteb anidna, ag amunu ittag aqeeb, ag dabmak aona, kobol amuppa Juda danab oolagppanu laala ag Kayak baekkudppa daaglagnu dokkulagtai.

Epesus 5:30

Aɗinu Kristus Nug tamaniak atognotte? Tamaniak am Nug beɗu bia daatte, amu ig tamaniak ooppa daattem ele, ig Nug beɗunu laih naunau kuɗum bia daattem, amunu Nug tamaniak atognotte.

Ikki Danab 9:2

“Ag Sekem danab ah inam oɗ mattan doyeg! ‘Ag Jerubal, ⌊am Gideon,⌋ ag nug bekkod 70, amu oh ag gumadkkulagnu oolag daattete, o iitta, danab laippuib nug ag gumadkkute?’ Doyeg! Da ag tiilagnab!” awa aum.