2 Samuel 19:1 - Nobonob Baibel

¹ Dawit nug Apsalomnu qanene, laa nug Joap amegppa aum. “Dawit nug Apsalom mahitta qanatte,” awa aum.

2 Samuel 19:1 ပူးပေါင်းရင်းမြစ်များ

Genesis 37:35

Nug bekkod, aɗekkud ele ag nug noobppa gona qagmena, oo maknu nai madippig, amge Jakop nug ahilag oo maknu hak dab-ii-mettom. Nug dab-ii-maama, nug aum. “Iitta! Da ukken, Josep moɗppa daatte, amubia da moɗppa daakkul,” awa aum. Nug Josepnu huan gayom.

2 Samuel 18:12

Joap nug anam aum, amge danab amu nug aum. “Laa nug 11 kilogram silwa da eppelppanab melo amu, da king bekka amu ii qeppi mauhlo! Aɗinu? King nug na, Abisai, Itai ele amelagppa inam haknunab aum. ‘Ag dahilnu dabmak anuqak aona, ag nid bau Apsalom ehanidppeg, ena dayaɗ!’ awa aum. Nug anam aum, ig laa oh doomut amunu, da nid amu, nuhigppa eheɗ laa ii hepa.

2 Samuel 18:14

Danab amu nug anam a, Joap nug aum. “Uuppe! Da na ele nai laa ii mattimɗa,” awa aum. Nug anam anana, nug ban ewam awa, nug ban ewa, oh Apsalom momoppa ye noppig. Apsalom nug ad okppa aiha bau dayeye, nug anam heum.

2 Samuel 18:20

Nug anam aum, amge Joap nug aum. “King bekka mauhom amunu, na nai amu aon gokkut am ena iitta. Na deɗ laa nai aon gokkut,” awa aum.

2 Samuel 18:33

King Dawit nug nai amu doya, nug eheɗ ottaiom. Nug ottaia, nug aha, nug aben amu uua, oo laa od attan dayom amu, nug amuppa ukka ta, gayom. Nug aguppa tekkunu taata, nug inam mahittom. “O da bekkal Apsalom! O da bekkal Apsalom! Da na abenam awen mauhlom am ena. O Apsalom, da bekkal, da bekkal,” awa mahittom.

2 Samuel 18:5

Ag anam ukkaegeg, King Dawit nug Joap, Abisai, Itai ele amelagppa inam hekkulagnu aum. “Ag nid bau Apsalomnu amu, ag dahilnu anuqak doon, nuhigppa wagai aib meppig,” awa aum. Nug anam aum amu, daup laa oh ele ag nug ban daup ikki amelagppa Apsalomnu anam aawo, ag dooppig.

2 Samuel 19:2

Amu Dawitnu daup ag, “Apsalom mauhom amunu, King Dawit nug oo uug naunab nau doyaya, mahidtte,” dooppig amunu, ag uug dooppig. Deɗ amuppa ag ahilag kekeɗ eɗadppig, amge King Dawit nug bekka mahittette, ag kekeɗ eɗadppignu oo gamag ahak am ii dooppig. Iitta. Ag oolag uug dayom.

Prowerb 17:25

Bekka laa nug Kayak dab-ii-maama ii dim lamidtte ele nug mameg guittak medatte; nug anig ooppa mua okkainab, kahipan aoɗom bia ele he bette.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.