2 Samuel 18:9 - Nobonob Baibel

⁹ Amu ban anam heeg ugekke, Apsalom nug miul nuhig attan dayaya ukka, nug ii doyaya Dawitnu daup uɗalag teum. ⌊Nug ag uɗalag ta oolele,⌋ miul nuhig ad ok okkai laa waappa ukke, ad amu eppeg huanak amunu, Apsalom ikki amuppa aihe dayeye, miul baeg ya ii dayom; iitta ukkom amunu, Apsalom nug aguppa aiha dayom. Baeg am wan ii tappom.

2 Samuel 18:9 ပူးပေါင်းရင်းမြစ်များ

2 Samuel 13:29

Apsalom nug aum amunu, nuhikkud danab ag nug oɗe dim lamidna, Amnon qeeg mauhom. Ag qeeg mauhe, king bekkod laa oh ag baɗan, ahan, miul ahilkad attan tena, oolna goppig.

2 Samuel 14:26

Am nug ikki uɗug elabnab dayom. Anam daye ukke, haen atten atten laala, ikki uɗug am uugnab doyom, diig amunu haen amuppa nug haen anen anenppa he, danab otaɗom. Nug otaɗe ukka, ikki uɗug nug otaɗom ele amu, ikki uɗug amunu uug am 2.3 kilogram. Uug amuam king uugnu melemel meum, am amu dim lamittom.

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

2 Samuel 18:10

Apsalom nug anam aiha dayeye, Dawitnu daup laa nug amu anttowa, nug ukka, Joap amegppa aum. “Antte! Da Apsalom nug ad ok, amuppa aihom daye anidmi,” awa aum

2 Samuel 18:14

Danab amu nug anam a, Joap nug aum. “Uuppe! Da na ele nai laa ii mattimɗa,” awa aum. Nug anam anana, nug ban ewam awa, nug ban ewa, oh Apsalom momoppa ye noppig. Apsalom nug ad okppa aiha bau dayeye, nug anam heum.

2 Samuel 18:8

Amu ag ban heegeg ukke, ban tuɗitta, atu amu ohppa dayom. Amu ad kuɗum ele ban atu amuppa daye, ⌊atu amuam atu ena iitta, Dawitnu daup ag atu amubiappa ban hak dooppig amunu,⌋ Dawitnu daup ag Israel laa huanaknab aqappig.

Job 31:3

Am inam. Nau hak danab ag uug naunabppa daaglag. Ao, laa eheɗ hetteb ele, ag padal mekkulag.

Prowerb 20:20

Danab nug anig, o mameg ele nug eheɗ laa awaknu anak waappa daakkunu akku dayeb amu; nuhig bau dayak am laa lam gatatuppa qauhom bia iitta mekku.

Prowerb 30:17

Laa nug mameg awa awa qedatte; anig oɗe dim lamidkkunu, ‘Am keeke hamunab,’ dootte amu, alɗal nug ameg oolnu noakppa ya lakku. Ao, kaub ag nug beɗu lakkulag.

Jeremaia 48:44

Ge, Yawe atte. “Da Moap danab ah ahilag bu awak haenppa bu madakkul amunu, aun nug baɗak eheɗ nau anidmanu ooltte amu, nug wan moɗppa na qekku. Laa nug moɗppa na qa, eɗua dimittim doa, nug eɗua, pelemppa tekku.” Yawe Nug atte.

Matyu 27:5

Ag anam aeg amu, Judas nug men doɗo amu Kayaknu mettid lag ooppa mawe ukke, nug ukka, muɗippa aiha mauhom.

Mak 7:10

Imu antte! Moses nug aum. ‘Na mamen, anin ele binalah mate!’ Amu nug inam ele aum. ‘Danab nug anig, o mameg eheɗ laa aokkunu anak waappa daakkunu akku dayeb amu, ag qeppeg mauhaɗ!’

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

Duteronomi 21:23

nug gaɗa amu ad attan aihak dayeb ukkeb, ii wakkaɗkkuoitte. Ag nug gaɗa aihppig, deɗ amuppaib boumkkulagoitte. Ag amu haknu diig am, danab beɗu adppa aihak daatte amu, nug Kayaknu itittak nau waappa daatte. Amu ag wan, Yawe, ahilag Kayak, Nug ag aulag daakkunu madatte amu, ag kobol Kayak amunu ooppa uuaknab dootte ele, ag amu heppeg, wan amuppa dubuttid aib teum.

Duteronomi 27:16

Appeg, Lewi buɗub ag inam akkulag. “Aun laa nug mameg, o anig onig he nauhtte, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Duteronomi 27:20

Appeg, Lewi buɗub ag inam akkulag. “Laa nug mameg wau ele gappai aoglah, nug eheɗ laa awaknu anak waappa dayaɗ! Aɗinu? Nug anam hekku dayeb amu, nug mameg hunu qette bia hette,” akkulag. Appeg, danab ah oh ag, “Genab, anam dayaɗ!” akkulag.