2 Samuel 18:5 - Nobonob Baibel

⁵ Ag anam ukkaegeg, King Dawit nug Joap, Abisai, Itai ele amelagppa inam hekkulagnu aum. “Ag nid bau Apsalomnu amu, ag dahilnu anuqak doon, nuhigppa wagai aib meppig,” awa aum. Nug anam aum amu, daup laa oh ele ag nug ban daup ikki amelagppa Apsalomnu anam aawo, ag dooppig.

2 Samuel 18:5 ပူးပေါင်းရင်းမြစ်များ

2 Samuel 16:11

Dawit nug anam anan, nug Abisai, nuhikkud ehanittak anuqak danab ele oh amelagppa nai tuɗitta aum. “Da bekkalnab, da nug menumi ele, nug da iweb mauhkkulnu hette. Danab imu nug Benyaminppanu danab, nug Saul ele tiig laippu, nug da eheɗ laa awaknu anak waappa daakkulnu dabmekkun elele amunu, uuppeg dayaɗ! Yawe Nug nug anam akkunu aumtai amunu, ig uupput haɗ!

2 Samuel 17:14

Husai nug anam a, Apsalom, Israel danab laa oh ele ag appig. “Ark danab Husainu ulum nai am Ahitopelnu ulum nai eɗidtte,” aon appig. Ag doon, dabmena appignu diig am, Yawe Nug Ahitopelnu ulum nai elelenab na qeeb, Apsalom nug padal mekkunu dabmak awe ɠagattag eppom daye, Nug Husai ehanittom.

2 Samuel 18:12

Joap nug anam aum, amge danab amu nug aum. “Laa nug 11 kilogram silwa da eppelppanab melo amu, da king bekka amu ii qeppi mauhlo! Aɗinu? King nug na, Abisai, Itai ele amelagppa inam haknunab aum. ‘Ag dahilnu dabmak anuqak aona, ag nid bau Apsalom ehanidppeg, ena dayaɗ!’ awa aum. Nug anam aum, ig laa oh doomut amunu, da nid amu, nuhigppa eheɗ laa ii hepa.

2 Samuel 19:1

Dawit nug Apsalomnu qanene, laa nug Joap amegppa aum. “Dawit nug Apsalom mahitta qanatte,” awa aum.

Sam 103:13

Nug am nid mamelag nug nid naunau dilag oo gai-iitta doya oo matta ehanadtte, amubia Yawe Nug danab ah ag nuhignu ebehilag oh bodoetta le mette ele, Nug amu dilagnu oo gai-iitta doya oo matta ehanadtte.

Luk 23:34

((Ag anam heeg, Jesus Nug unuqitta aum. “Mame, na ahilag hipunin imu uhuqna matte! Ag hetteb imu amu,, ag pehettak ii doona hetteb,” awa aum.)) Amu daup amu ag nuhig lamen aoglagnu otina, ameg waɗele mewona, aun nug ameg atten aokku amu, ag om yaakppa hena aoppig.