2 Samuel 18:33 - Nobonob Baibel

³³ King Dawit nug nai amu doya, nug eheɗ ottaiom. Nug ottaia, nug aha, nug aben amu uua, oo laa od attan dayom amu, nug amuppa ukka ta, gayom. Nug aguppa tekkunu taata, nug inam mahittom. “O da bekkal Apsalom! O da bekkal Apsalom! Da na abenam awen mauhlom am ena. O Apsalom, da bekkal, da bekkal,” awa mahittom.

2 Samuel 18:33 ပူးပေါင်းရင်းမြစ်များ

Genesis 21:11

Sarah anam aum, amge Ismael ele nug Abraham bekka amunu, Abraham nug oo uugnab doyom.

2 Samuel 14:1

Amu Seruia bekka Joap nug Dawit Apsalomnu oo huana heehe, nug eɗua anidkkunu oo okkai dayom ele doyom

2 Samuel 19:1

Dawit nug Apsalomnu qanene, laa nug Joap amegppa aum. “Dawit nug Apsalom mahitta qanatte,” awa aum.

2 Samuel 19:4

Ag anam heppig, amge Dawit nug iɗu hauta, Apsalom mahitta, huana qanana aum. “O da bekkal Apsalom! O da bekkal, da bekkal Apsalom!” awa aum.

Sam 103:13

Nug am nid mamelag nug nid naunau dilag oo gai-iitta doya oo matta ehanadtte, amubia Yawe Nug danab ah ag nuhignu ebehilag oh bodoetta le mette ele, Nug amu dilagnu oo gai-iitta doya oo matta ehanadtte.

Eksodas 32:32

amge gemu da na, na ahilag hipunin amu uhuqna madakkutnu oɗ medattem. Da na anam oɗ medattem, amge na ahilag hipunin amu ii uhuqkkut dayeb amu, na danab ah nahipad onilag yaame, buk amuppa da onil daatte amu, na da onil amu obikkutnu oɗ medattem,” awa aum.

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Prowerb 17:25

Bekka laa nug Kayak dab-ii-maama ii dim lamidtte ele nug mameg guittak medatte; nug anig ooppa mua okkainab, kahipan aoɗom bia ele he bette.

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.

Jems 5:17

Elaiya nug am danab ig bianab, amu nug oo unuqagppanu gu ii nemanu Kayak unuqittom amunu, gu maɗ ewam, kalam eblaih laippu ele ii neum.