2 Samuel 18:32 - Nobonob Baibel

³² Nug anam a, king nug oɗ mettom. “Ge, nid bau Apsalom, nug ena daattete?” awa oɗ mettom. Nug oɗ mette, Kus danab nug aum. “Na dahil naɗi, dahil king, nahipad kekeɗ laa oh ag na eheɗ heidkkulagnu ahaglag ele amu, ag oh nid bau amubia daaglagnu ool daatte,” awa aum.

2 Samuel 18:32 ပူးပေါင်းရင်းမြစ်များ

2 Samuel 18:21

Joap nug Ahimas amegppa anam ana, nug eɗua, Kus danab laa antta, nug amegppa aum. “Na gona, na aɗi keeke anidme ele amu, na king amegppa amu appe doyaɗ!” awa aum. Nug Kus danab amegppa anam a, danab amu nug Joap noobppa dup noa, eɗua aha, qaietta ukkom.

2 Samuel 18:29

Ahimas nug anam a, King Dawit nug oɗ mettom. “Ge, nid bau Apsalom, nug ena daattete?” awa oɗ mettom. Oɗ mette am Ahimas nug aum. “Da amunu tutukku ii doottem. Joap nug da, nahip maɗi nid, amu nahip maɗi nid laa ele, i meiteb uɗignihnu heehe, danab ag muttub huan qeegeg anadmi, amge diig aɗinu ag amu heppig amu, da ii doottem,” awa aum

Sam 109:20

Danab ag nai nauppa yaaiɗtteb amu, Yawe Nug ag nob anam madakkunu ool daatte. Ao, laa ag dahilnu nai nau maditteb amu, Nug anam hekkunu ool daatte.

Daniel 4:16

Heppeg, danab amunu dabmak danab bia aib dayom; doɗ bia dayaɗ! Nug amubia dayeb ukkeb, maɗ eblaih aɗit ele ukkeb, nug eɗua ena dayaɗ!

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Ikki Danab 5:31

Amu Yawe, kekeɗ nahipad oh ag Sisera mauhom bia mauhkkulagnu ool daatte. Anam amge, laa ag nahipnu oolag mauhtte, ag aam ɠagattag ba amahaltte bia amahalkkulagnu ool daatte.” Anam daye, maɗ 40 amu, wan amuppa maɗoɗ dayom.

1 Samuel 25:26

Amu O naɗi, Yawe Nug nahip ib oo ne, na nakka, na eppenppa laa nob nau ii mettan qee mauhom amu, Yawe Nug genab bau daatte, na ele genab bau daattem, genab amubia Yawe Nug heeb, nahip kekeɗ laa oh ag eheɗ heidkkulagnu hetteb ele amu, ag Nabal, ⌊gemu laa dilag neekkakppa nauib daatte,⌋ ag anamib daaglagnu ool daatte.