2 Samuel 18:22 - Nobonob Baibel

²² Kus danab ugekke, Sadok bekka Ahimas nug eɗua, baula Joap amegppa aum. “Da ukken, king amegppa gemunu nai appi, aɗi keeke bekku am nai iitta, amge na appe, da Kus danab dim lamitten, qaietten gokkulnu oɗ medattem,” awa aum. Nug anam aum, amge Joap nug aum. “O da bekkal, aɗinu na gokkutnu oot daatte? Na gona, keeke beumnu nai Dawit amegppa appe amu, nug nob ena laa medakkute? Iitta!” awa aum.

2 Samuel 18:22 ပူးပေါင်းရင်းမြစ်များ

2 Samuel 18:21

Joap nug Ahimas amegppa anam ana, nug eɗua, Kus danab laa antta, nug amegppa aum. “Na gona, na aɗi keeke anidme ele amu, na king amegppa amu appe doyaɗ!” awa aum. Nug Kus danab amegppa anam a, danab amu nug Joap noobppa dup noa, eɗua aha, qaietta ukkom.

2 Samuel 18:23

Joap nug anam aum, amge Ahimas nug baula amegppa aum. “Da ukken, king amegppa gemunu nai appi, aɗi keeke bekku am nai iitta. Da qaietten ukken, king amegppa akkulnu aakkuib ool daatte,” awa aum. Nug anam baula aum amunu, Joap nug aum. “Ahan, qaiette!” awa aum. Nug anam aum amunu, Ahimas nug qaietta ukka, nug Jodan lenu oolnu noakppa ukka, nug Kus danab eɗittom.

2 Samuel 18:29

Ahimas nug anam a, King Dawit nug oɗ mettom. “Ge, nid bau Apsalom, nug ena daattete?” awa oɗ mettom. Oɗ mette am Ahimas nug aum. “Da amunu tutukku ii doottem. Joap nug da, nahip maɗi nid, amu nahip maɗi nid laa ele, i meiteb uɗignihnu heehe, danab ag muttub huan qeegeg anadmi, amge diig aɗinu ag amu heppig amu, da ii doottem,” awa aum

1 King 11:22

Nug anam aum, amge Paro nug inam Hadat amegppa aum. “Na ippa daanna, na aɗi keekenu tutu meme amunu, na nahip wanppa eɗun gokkutnu attem?” awa oɗ mettom. Nug anam awa a, Hadat nug eɗua Paro amegppa aum. “Da keeke iitta, hamu dayeye gokkulnu ii attem. Iitta. Amge na da gokkulnu appe, da gokkulnu ool daatte,” awa aum.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Epesus 5:4

Ag nai oppiaawak iitta, nai dabmak tutukku iittappanu, amu qiɗ hak nai nau ele amu, ag amu mattiglagnu elele iitta. Ag amu aib madippig. Iitta. Ag amu uuna, Kayak amegppa, “Ena heme,” anan dayeg!