2 Samuel 18:19 - Nobonob Baibel

¹⁹ Am Sadok bekka Ahimas nug Joap amegppa aum. “Na appe, da qaietten ukken, Yawe Nug King Dawit ehanitte, nug nuhikkud kekeɗ eppelagppa ii daatte appi dookku,” awa aum.

2 Samuel 18:19 ပူးပေါင်းရင်းမြစ်များ

2 Samuel 15:27

Dawit nug anam anan, nug nai tuɗitta mana mettak danab Sadok amegppa inam ele aum. “Na propet danab daattem amunu, na eɗun, aab okkaippa maɗoɗ ele gokkut. Na, na bekkat Ahimas, aria, Abiatar am nug bekka Jonatan ele, ag oh eɗun ukkeg!

2 Samuel 15:36

Sadok bekka Ahimas, amu Abiatar bekka Jonatan, aa ele appa mamelti ele daatteb amunu, na aɗi nai doon heppe, nid aɗit amu aa uɗiya, apeɗ dookkul,” awa aum.

2 Samuel 17:17

Amu Apsalom, nuhikkud ehanittak ele ag dabmak eheɗ aomnanu Sadok, Abiatar ele bekkalti Jonatan, Ahimas ele aa miag atiak, aab okkai ooppa uɗiya, eɗuya laih gokkulahnu elele iitta amunu, nid aɗit amu aa aab dimittim aben laa onig Enrogel, aa appa daapiɗ. Aa anam daaeheh, Sadok, Abiatar ele aa Husainu nai dooya, aa maɗi ah laa nug nid aɗit amu amelahppa ab, aa goya, King Dawit amegppa Husainu nai akkulahnu meeh ukka, amelahppa a, aa goya, Dawit amegppa apiɗ.

2 Samuel 18:20

Nug anam aum, amge Joap nug aum. “King bekka mauhom amunu, na nai amu aon gokkut am ena iitta. Na deɗ laa nai aon gokkut,” awa aum.

2 Samuel 18:23

Joap nug anam aum, amge Ahimas nug baula amegppa aum. “Da ukken, king amegppa gemunu nai appi, aɗi keeke bekku am nai iitta. Da qaietten ukken, king amegppa akkulnu aakkuib ool daatte,” awa aum. Nug anam baula aum amunu, Joap nug aum. “Ahan, qaiette!” awa aum. Nug anam aum amunu, Ahimas nug qaietta ukka, nug Jodan lenu oolnu noakppa ukka, nug Kus danab eɗittom.

2 Samuel 18:31

Nug wana dayeye, Kus danab nug uɗia, king amegppa aum. “Dahil naɗi, dahil king, nai ena da awe uɗimi amu, na nai amu doye! Yawe Nug gemu he, na laa ag na eheɗ heidkkulagnu heppig ele amu, na ag eppelagppa ii daattem,” awa aum.

Sam 10:14

⌊Amge,⌋ O Kayak, na hanhan laa nug layag guittak medatte, na amu anidttem amunu, na ag heppig amu, na anidna malame. ⌊Diig amunu amu,⌋ danab ah bodoettak ag nahipnu oolagppa genab dootteb. ⌊Amu diig amunu ele,⌋ na nid anilkad mamelkad mauhppig ele, na amu dilag aɗ itak daattem.

Sam 10:18

Na nid anilkad mamelkad mauhppig, danab ah, laa eheɗ hattak waappa daatteb ele amu, na ahilagppa nai doya mala hettoɗia epeɗia elele mettak kobol dim lamidkkutnu, na anam hettem. Ge, nau hak danab ag baula heppeg, nid anig mameg iitta ele, danab ah, laa eheɗ hattak waappa daatteb ele amu, ag baula eheɗ nau baɗamnanu na anam hettem.

Sam 7:6

O Yawe, ⌊da anam ii hemi amunu,⌋ na kekeɗ dilagnu oo nauhak doon, ahan ehaniɗkkutnu oɗ medattem! Ao, dahil kekeɗ ag dahilnu oppoɗilag be amelag kokoɗ ebatte ele amu, na eɗadkkutnu unuqidttem! Ge, O Kayak dahil, na nai doya mala hettoɗia epeɗia elele mettak kobol dim lamidna, ehaniɗkkutnu oɗ medattem!

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Sam 9:4

Aɗinu? Na da epeɗilna, ag hamu da eheɗ heiɗtteb anidme. Ao, na nahip sia kingppa daan, da eheɗ ii hemi anidna, na genab tutukku hak kobol dim lamidna ehaniɗme.

Jeremaia 51:31

Nai awa ukkak danab laa nug layag dim lamitta uɗieb, nug dimugppa laa ele uɗikku. Danab anam kuɗum uɗin, ban attem attem gotte Babilon dilag king amegppa appeg dookkunu uɗiglag, amge ag oh nai laippuib appeg dookku. Ag inam akkulag. “Kekeɗ ag Babilon aab eɗitteg, Babilon aab okkai oh ag eppelagppa daatte.

Rom 12:19

O lailadnab, laa ag ahilagppa eheɗ heppeg amu, ag nob nau aib meppig. Uuppeg, Kayak nukka heeb, nuhig oppoɗi bak amu, ag amu aoglag. Amuam Kayak naippa, nai daatte amubia. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul.” Naɗi Nug anam atte.