2 Samuel 18:11 - Nobonob Baibel

¹¹ Danab amu nug Joap amegppa anam a, Joap nug eɗua amegppa aum. “Na Apsalom anidme? Aɗinu na nug ii qeme? Na anam helom amu, da na 115 gram silwa, ban daupnu let ele mettalom,” awa aum.

2 Samuel 18:11 ပူးပေါင်းရင်းမြစ်များ

2 Samuel 18:10

Apsalom nug anam aiha dayeye, Dawitnu daup laa nug amu anttowa, nug ukka, Joap amegppa aum. “Antte! Da Apsalom nug ad ok, amuppa aihom daye anidmi,” awa aum

2 Samuel 18:12

Joap nug anam aum, amge danab amu nug aum. “Laa nug 11 kilogram silwa da eppelppanab melo amu, da king bekka amu ii qeppi mauhlo! Aɗinu? King nug na, Abisai, Itai ele amelagppa inam haknunab aum. ‘Ag dahilnu dabmak anuqak aona, ag nid bau Apsalom ehanidppeg, ena dayaɗ!’ awa aum. Nug anam aum, ig laa oh doomut amunu, da nid amu, nuhigppa eheɗ laa ii hepa.

2 Samuel 19:13

Aa Juda dilag ikki danab amelagppa anam awoya, aa Amasa amegppa ele inam apeɗ doyaɗ! ‘Na da ele, i tiig laippunu, amu da heppi, na Joap abenppa daan, dahil ban daup ikki anuqak hanhan daakkut. Da anam ii hekkul dayeb amu, Kayak Nug bu okkainab meɗakkunu ool daatte.’ ” Dawit nug nai amu Sadok, Abiatar ele dooglahnu me ukkom.

Sam 143:3

Dahil kekeɗ ag da lamiɗna, ag da oiɗeg, wanppa noin qei, ag da laa ag mauhak moɗ gatatu eleppa daatteb, ag da amubia daakkulnu hetteb.

Prowerb 1:19

Amuam danab ag keeke kuɗumnu oolag he, kobol eheɗppa aoglagnu hetteb ele, ahilagppa bette; oo hak nau ahilag amu he, ag mauhtteb.