2 Samuel 17:8 - Nobonob Baibel

⁸ Na doottem. Na mamen, amu nuhikkud daup danab ele ag am ban haknu doyak danab. Ag bea anig, laa nug bea amu nakkud diie, bea anig amu paha ban huana hette, ag ban anam bia hetteb. Keeke laa ele amu, na mamen nug haen kuɗum banppa dayom, nug ban haknu kobol oh doya malom. Nug heeb, gemu tuqan imu nuhig daup danab oh ag ele ii niimna.

2 Samuel 17:8 ပူးပေါင်းရင်းမြစ်များ

2 Samuel 15:18

Ag anam daaegeg, Dawitnu ban daup oh anuqna nug noobppa laippuppa tappan ukkaeg, danab Dawit gumappig, amuam Keret danab, Pelet danab ele, amu danab 600 laa, ag anukka Gat appa Dawit ele daan, dimppa Dawit ele oh uɗippig amu, ag ele nug noobppa goppig.

2 Samuel 17:9

Ge, geha iikku nug ⌊nuhikkud danab ele⌋ ag men oɗe laappatai, o adekkuppatai ag lokkumak aguppa daatteb amunu, ⌊nahip daup ag goppeg,⌋ Dawit, nuhig daup ele ag lokkumak daappigppan ahan, banelag gona ban heppeg, nahipad daup laala mauhkkulag dayeb, laa nug amu doya, ‘Dawit nug Apsalomnu daup huanak aqom,’ akku.

2 Samuel 23:16

Nug anam aum, amu daup nuhig ewam amu ag doon, ag gona, wagainab mena, Pilistia eɗadna, Betlehemnu le moɗppanu le aon, ag eɗun Dawit gumidna goppig. Ag nug gumidna gona, le mettaeg, Dawit nug antta, nug lakkunu elele ii doya, nug, “O Yawe, danab ewam imu ag mauhkkulagnu henana, ag le imu aon uɗippig amunu, le imuam ag tiilag bia. Da lakkulnu elele iittanab iitta,” awa aum. Nug anam ana, nug lanak uua, nug danab wain mana mettak qaɗeppa gokkaɗa, Kayak medatte, nug amubia wanppa gokkaɗom. Ban danab ɠagattagnab ewam amu, ag anam anam heppig.

2 Samuel 23:18

Seruia bekka Joap amag Abisai, nug am Danab 30, nug amu dilag okkai dayom. Deɗ laa nug danab 300 ele ban henana, nuhig banppa aqe mauhppig amunu, nug onig am danab ɠagattagnab ewam onilag bia dayom.

2 King 2:24

Ag amu heegeg, Elisa nug eɗua neekkattatta, Yawe onigppa ag eheɗ laa awaknu anak waappa daaglagnu aum. Aria, pahanab bea aɗit atu ooppanu beya goya, nid oolagppanu nid 42 amu oh guittak okkai madapiɗ.

Prowerb 17:12

Bea anig laa, nug nakkud oh danab laa diia ukke, bea anig nug oppoɗi bak huana dootte ele, na bea anig amu gukkuidna ii wakkutoitte. Am nau; amge na danab Kayak dab-ii-maama ii dim lamidtte ele nug Kayak dab-ii-maama hak kobol haaha daatte uɗa tekkut dayeb, amuam naunab nau.

Prowerb 28:15

Nau hak danab laa nug danab ah ag ɠagattag iitta ele gumadtte dayeb; amuam laion, o bea enug qak doya, doɗ laa qa lakkunu hette, am amubia aakku.

Daniel 7:5

Doɗ ebqak aɗit am bea iɗu bia. Doɗ amuam bea bia, amge gukka laih am nakok attan daye, laih am nakok honap dayom. Doɗ amu oɗeppa am doɗ laan qetti ebehi ewam dayeye, aegppa emala dayom. Doɗ amu anam daye, laa nug, ‘Ahan, teppu am huan lappe, oot dittiaɗ!’ ” awa aum.

Hosea 13:8

Da geha bea, laa nug nag aɗidna aon ukkaeg hette bia; da banelag ukken, ban hein, kattiɗadkkul. O iitta, da laion laa enug qe, ee awa laum bia, da ahilagppa anam hekkul. Ge, doɗ dakkuɗ nug laiyag kattiɗe huppu naunau netteb, amubia da ahilagppa hekkul.

Ikki Danab 18:25

Nug anam a, Dan danab ag appig. “Na madittem amu, ig oonigppa laala oppoɗilag paha paha bette ele amunu, ag oppoɗilag beeb, ag na, amu na baenadppa ele aqappeg mauhmanade dabme!” aon appig.

1 Samuel 16:18

Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.

1 Samuel 17:50

Dawit nug ib amuppa Goliat qe mauhom. Nug ketapol men laippu eleppa eɗittom; qep elabppa ii qe mauhom.

1 Samuel 23:23

Amu ag gona, nug lokkumtte, aben amu oh italna anidna, eɗun uɗin, amelppa aig! Appeg, da nug genab appa daatte doye amu, da geha ag ele gota, da geha nug antte aɗakkul. Genab, nug Juda wanppa daatte dayeb amu, da nug aɗakkulnu, da Juda danab ohppa da nug mattie mattie antten aɗakkul,” awa aum.