2 Samuel 17:4 - Nobonob Baibel

⁴ Ahitopel nug anam a, Apsalom, Israel dilag ikki danab oh ele ag nai amunu ena dooppig.

2 Samuel 17:4 ပူးပေါင်းရင်းမြစ်များ

2 Samuel 17:3

Da nug qeppi mauheb, da danab ah laa oh omaladppi, nahip-ppa uɗignig. Danab laippu nug mauhkkunu oot hette amu, nug mauheb, laa oh ag maɗoɗ ele eɗun uɗiglag,” awa aum.

2 Samuel 17:5

Apsalom, Israel dilag ikki danab oh ele ag ena dooppig, amge Apsalom nug aum. “Appeg, Ark danab Husai nug uɗia, nug ele nuhig dabmak imunu ab dootu!” awa aum.

2 Stori 30:4

Ag maittak amu aoppig amu, King Hesekaia, danab ah oh appa daappig ele, ag oh maittak amunu, “Am maittak tutukku,” dooppig.

Esta 1:21

Aakku king, amu kingnu anuqak danab nuhikkud ele ag ulum nai amunu ena dooppig amunu, king nug Memukannu mattiak amu dim lamittom.

Esta 5:14

Nug anam mattiom amunu, nug wau Seres, amu laikkud oh ele ag appig. “Na heppe, danab ag balal attan danab aihadkkulagnu, nuhig elab attan tak 20 mita heppeg, buttua amu Mordekai balal amuppa aihaknu king oɗ mette! Amu oh hena malona, na goppe, ee lanak naɗi amuppa king ele aa gamag ahak naɗi dooglah,” aon appig. Ag anam appig, amu Haman nug nai amunu enanagnab doya he, danab ag balal amu heppig.

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

1 Samuel 23:21

Sip danab ah ag anam aeg, Saul nug ag amelagppa aum. “Ag dahilnu oolag dootte amunu, da Yawe Nug itittak ena ag madakkunu ool daatte.