2 Samuel 17:28 - Nobonob Baibel

^28-29 Ag uɗin, ag heɗig, tappiɗ, waa keeke, aon uɗippig. Ag keeke amu aon uɗin, ag wit aeg, bali aeg, wit ganuɗak ele, ee aeg manik ele, bin, am bin diig laa onig lentil, uppuh leppu, huh ɠagattag eppom, sipsip, amu sis makau huhppa hak ele aon uɗippig. Am Dawit aɗi ag atu taɗakppa oiyegeg, beɗulag bodoette, enug aqe, le baalag ele diiom dooppig amunu, ag ee amu Dawit aɗi ag lakkulagnu aon uɗippig.

2 Samuel 17:28 ပူးပေါင်းရင်းမြစ်များ

Genesis 25:34

Anam he amu, Jakop nug Esau bret, amu bin diig laa onig lentil, amunu lewa ele mettom. Mette, Esau nug lawowa, aha ukkom. Nug nuhig nid danab tatamnu itittak ena anuqak am keeke anuqak dab-ii-mettom.

Prowerb 11:25

Keeke mettaknu oo qak iitta danab, nug am keekenu elelenab daakku. Ao, danab nug laa ehanadtte, nug geha ehanittak aokku.

Aisaia 32:8

Danab nau ag anam hetteb, amge danab ena, kobol tutukkuib dim lamidtte ele, nug hanhan dabmak ena, tutukku ele aakkuib haen oh awawa, enaib hekkunu dabmak aotte. Nug dabmak anam awawa, nug ɠagattag hibaitta daatte.

Obadaia 1:3

Ag Edom danab, ag qauko igippa daatteb. Ao, ag ahilag aab baippa kalatteb. Ag anam daanna, ag dada danab bena daatteb. Ag anam daatteb, amge keeke amu buppualatte, ag eheɗ dabmena, nai mattinna, ‘Aun ig eɗikkeb, ig neta qekkunignu laa iitta,’ anana oitteb, amge iitta!

Matyu 5:7

Danab aun aɗi ag danab laa dilagnu oo gai-iitta doon oolag mattan ehanadtteb ele amu, ag itittak ena aoppig daatteb. Aɗinu? Dimppa ag eheɗppa daaglag amu, Kayak Nug oo gai-iitta doya oo matta ehanadkku.

1 Samuel 25:18

Danab amu nug Abigel amegppa anam mattie, Abigel doya, nug paha aha, bret kunum 200 diia, wain doɗ gaɗappa inak aɗit, sipsip manak tanig ele, 20 kilogram ee aeg manik, grep meu qaɗaiettak batappatak 100, ad fig meu qaɗaiettak batappatak 200 ele, nug ee amu oh diia qagma, donki laala attan maattom.