2 Samuel 17:23 - Nobonob Baibel

²³ Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

2 Samuel 17:23 ပူးပေါင်းရင်းမြစ်များ

2 Samuel 15:12

Amu ag oh Hebron daanna, Apsalom nug mana mettak hattatta, nug Gilo ted laa Ahitopel, nug appag diig Gilonu aha, Hebron uɗia ehanidkkunu nai me ukke uɗiom. Ahitopel nug nuhig aab ikki am Gilon. Nug Dawitnu dabmak mettak danab laa dayom, ⌊amge nug matu lokkuma Dawit dimetta, Apsalom dim lamittom⌋. Apsalom nug anam heehe, danab baubau ag Apsalom nug mameg King Dawit lamitta, king aben awa, king daakkunu dabmak aoegeg ukke, kuɗum ag uɗin, Apsalom dim lamidppig.

2 Samuel 15:31

Ag ukkaegeg, laa nug Dawit amegppa aum. “Ahitopel nug Apsalom ehanidkkunu, nug nug ele daattep,” awa aum. Nug amu a, Dawit doya, nug Yawe unuqitta, “O Yawe, na heppe, Ahitopel nug Absalom dabmak tutukku iittappa ulum nai medakkunu oɗ medattem,” awa aum.

2 Samuel 16:23

Haen amuppa danab ah ag Ahitopelnu ulum nai, ag nai amunu, “Kayaknu uɗitte amunu, nai nuhig am enaib,” dooppig. Dawit, Apsalom ele oh, aa ele anam doopiɗ.

2 Samuel 17:22

Aa anam apiɗ amunu, Dawit, danab ah nug ele goppig ele, ag oh ahan, Jodan le mataɗppig. Ag mataɗegeg, buttua wakkaɗeɗe, laippu laa nug le amu heqo laihppa ii dayom. Iitta. Ohnab mataɗna malappig.

1 King 16:18

Haen amuppa am Simri nug Tirsa dayeye, Omrinu ban danab ag nuhig huu amu eɗadna, aab okkai amu aoeg antta, nug kingnu lag enanagnabnu laih laa aɗ ɠagattagnab ele amuppa noa, kingnu lag enanagnab amu amote, lag amu ewa, nug ele ewe mauhom.

2 King 20:1

Haen amuppa amu, Hesekaia nug oɗe ma, nug mauhkkunu miagnab dayeye, Amos bekka propet Aisaia nug aha, gumitta ukka, amegppa aum. “Yawe Nug atte. ‘Na mauhkkut amunu, na nahip keeke oh bappaidna, na mauhkkut. Na eɗun ena ii daamna,’ ” awa aum.

Job 31:3

Am inam. Nau hak danab ag uug naunabppa daaglag. Ao, laa eheɗ hetteb ele, ag padal mekkulag.

Sam 109:20

Danab ag nai nauppa yaaiɗtteb amu, Yawe Nug ag nob anam madakkunu ool daatte. Ao, laa ag dahilnu nai nau maditteb amu, Nug anam hekkunu ool daatte.

Sam 5:10

O Kayak, na epeɗiadna, ag eheɗ hetteb appe, miag atiak daakkunu oɗ medattem. Ao, ag laa dilag pelem metteb amu, ag pelem amuppa nokklagnu unuqidttem. Ge, ag na waatppa ii daan, tappe nak hetteb amunu, na hipunin ahilag kuɗum, na amunu lamadppe, ag laih gokkulagnu ool daatte.

Sam 55:23

Amge, O Kayak, na nau hak danab hadappe nauhna iitta mekkulag. Laa makkuɗe mauhak danab, amu hambuppuak danab ele, ag danab bau daanna, ag mauhkkulag, amge na da padal mepanu ehaniɗkkutnu oolppa genab doottem.

Prowerb 16:18

Aun laa nug dada kobol hekku amu, nug padal mekku. Ao, danab nug dada ha laa eɗittaknu dabmak aotte amu, nug na qekku.

Prowerb 19:3

Danab nug Kayak dab-ii-maama hak kobol dim lamidtte, amuppa nug he, nuhig bau dayak nauhtte; amge nug, “Yawe Nug eheɗ he, da dahil dayak nau iguppa daattem,” awa atte.

Aisaia 38:1

Haen amuppa amu, Hesekaia nug oɗe ma, nug mauhkkunu miagnab dayeye, Amos bekka propet Aisaia nug aha, gumitta ukka, amegppa aum. “Yawe Nug atte. ‘Na mauhkkut amunu, na nahip keeke oh bappaidna, na mauhkkut. Na eɗun ena ii daamna,’ ” awa aum.

Matyu 27:5

Ag anam aeg amu, Judas nug men doɗo amu Kayaknu mettid lag ooppa mawe ukke, nug ukka, muɗippa aiha mauhom.