2 Samuel 17:2 - Nobonob Baibel

² Ig gota, Dawit aɗi ag beɗulag gai-iitta, bodoettak ele daappeg, ig gota tepput, Dawit aɗi ag eheɗ nau baɗan oolppeppeg, da king aakkuib qeppi mauhkku.

2 Samuel 17:2 ပူးပေါင်းရင်းမြစ်များ

2 Samuel 16:14

Amu King Dawit aɗi ag gona, Jodan leppa tena, ag beɗulag bodoettom. Ag anam doon, Dawit, ⌊laa oh ele ag⌋ aguppa hik aoppig.

2 Samuel 17:1

Apsalom nug anam ha male, Ahitopel nug Apsalom amegppa aum. “Na appe, da daup 12,000 epeɗiatten heppi, ig oh tuqan imuppa ahat, Dawit dim lamidkkunig.

1 King 22:31

Amu ban ii digmeeme, Aram dilag king nug nuhikkud ban daup ikki ban haknu karis gumappig ele, ahilag ebqak am 32 amu, nug ag inam hekkulagnunab ag amelagppa aum. “Ig ban hekkunig, amge ag auntai laa, nug daup okkai, o nug daup hamu, ag ag laa amubia ele ban hekkulagnu dabmak anuqak aib dooppig. Iitta. Ag Israel dilag king Ahap, ag nugnab ele ban hekkulagnu anuqak doyeg!” awa aum.

Nehemaia 4:5

Danab aɗit amu aa awa awa qettak nai naunab danab uɗat imu hetteb dilagnu mattiya malapiɗ amunu, na aab aa beɗulahppa daatte daut atimanu, na ahilah hipunin ii uhuqna matamnanu oɗ medattem.” Da anam Kayak unuqidmi.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Matyu 21:38

Nug me ukkom, amge haen dad uɗat danab ag nid amu anidna, akka akka nai mattina appig. ‘Nid imu nug dimppa mamegnu keeke oh aokku amunu, ahappeg, ig qepput mauheb, ig dad nuhig imu aotu!’ aon appig.

Matyu 26:31

Ag gona, Jesus Nug ag amelagppa aum. “Kayak naippa yaak laa niitte am inam. ‘Da sipsip gumak danab qeppi mauheb, sipsip ag oolna matatun gokkulag,’ amunu yaak amubia, gemu tuqan imu ag oh dahilnu uug doon, uuiɗna oolna gokkulag.

Jon 11:50

Ag imunu dabmak iitai aoppig? Ig oh Rom eppegppa mauhkkunig dayeb am ena iitta. Yo, danab ah oh mauhkkulag dayeb am ena iitta, amge danab laippu laa nug danab ah oh abenlag awa mauhkku dayeb, amuam ena amunu, danab umu Nug mauhaɗ!” awa aum.

Duteronomi 25:18

Ag ebehilag bodoettak dayeye, ag gai-iitta mena daanna, ag oolagppanu laa ag qinonob dim uɗiegeg, Amelek danab amu ag banelag uɗin, ag laa dim uɗippig ele aqappig. Amelek danab amu ag Kayaknu baɗak iitta ele heppig.