2 Samuel 17:16 - Nobonob Baibel

¹⁶ ⌊Amu Apsalom nug dahil nainu ena doyom, amge nug nuhig dabmak eɗueb, Ahitopelnu dabmak dim lamidkku dayeb amu,⌋ King Dawit nug laa nug ele daatteb oh mauhkkulag amunu, aa paha nai awa ukkak danab laa mepeɗ, nug ukka, Dawit amegppa inam anaɗ! ‘Ag atu taɗakppa Jodan leppa, le baag qak daattebppa aib daappig. Ag Jodan le paha mataɗeg! Ag hambuppunna, “Ig niiota, butti le mataɗkkunig,” aib appig. Ag le ii mataɗkkulag dayeb, ⌊Ahitopel aumbia, danab 12,000 uɗin ban hekkulag dayeb amu,⌋ ag ohnab mauhkkulag.’ ” Husai nug Sadok, Abiatar ele amelahppa anam aum.

2 Samuel 17:16 ပူးပေါင်းရင်းမြစ်များ

2 Samuel 15:14

Danab amu nug Dawit amegppa anam a, Dawit nug nuhikkud ehanittak anuqak danab nug ele Jerusalem daappig oh amelagppa aum. “Ahappeg! Ig oolta, laih gokkunigoitte! Aɗinu? Ig amu ii hekkunig, Apsalom nug uɗia, ig ohnab iqeeb mauhkkunig. Ig iguppa nakok daagnig dayeb, Apsalom nug paha aha uɗia, ibppa keeke oo mekka, iqeeb mauhpput, aab okkai imuppan danab ah aqeeb mauhkkulag amunu, ig geha iikku paha ahat gotu! Butti iitta; gemu!” awa aum.

2 Samuel 15:28

Ag gobeppeg, da ukken, atu taɗakppa Jodan leppa, le baag qak daattebppa appa, laa nug ukka, nahip nai ab dookkulnu ameg mekkul,” awa aum.

2 Samuel 15:35

Mana mettak danab aɗit Sadok, Abiatar ele aa appa daaglah amunu, na kingnu lag enanagnab, na appa nai aɗi dookkut amu, na aa amelahppa akkutnu elele.

Sam 35:25

Na uuadppe, ag aɗi dahilppa hekkulagnu oolag daatte amu, ag amu hekkulagnu elele iitta daan, “Ig nuhignu aɗi hekkunignu oonig dayom aakku hemut,” amananu oɗ medattem. Na uuadppe ag doɗ laa, nug doɗ laa aqa ladatte, amubia ag aakku da eɗilppig amananu unuqidttem.

Sam 55:8

Da pahanab hagagɗe ena dayaknu abenppa golom. Aben amuppa uug imu da ii toniɗlob.” Da anam aakku ami.

Sam 56:2

Dahil kekeɗ ag deɗ oh amun tuqan ele da banel uɗin daatteb. Ao, ag am kuɗum, amu ag da banel uɗiglagnu ii baɗatteb.

Sam 57:3

Kayak Nug hab attan daatte, Nug appanu da ehaniɗeb padal ii mepa. Ao, Nug danab ag da heiɗeg nauhttem ele amu heeb nauhkkulag. Sila. Ge, Kayak Nug dahilnu oo mauhaknab doya, Nug ele dahilnu oo metta ii uuak kobol dim lamidkku.

1 Korint 15:54

Amunu haen ig beɗunig beɗatte imu amu geha baolia, laa awa, ena hanhan daakkunu beeb, amu haen ig beɗunig imu mauhtte amu geha baolia, bau hanhan daakkunu beeb amu, haen amuppa amu Kayak naippa, nai laa daatte amu meu genab bekku. Nai amuam inam. “Kayak Nug he, mauhak iitta meum; Kayak Nug mauhak eɗittom.

2 Korint 5:4

Ao, ig peh lakka daatta, ig uug dootta aiqagattem, amge ig wan imuppanu beɗunig imu uut, hamu daagnignu oonig ii daatte. Iitta! Ig hab aabppanu beɗunig, wan imuppanu beɗunig qaɗeppa mepput dayebeb, wan imuppanu beɗunig, ag mauhkkulagnu daatteb ele amu, ag hab aabppanu beɗunig, ag hanhannu daatteb amu, ag oolagppa daanna eɗuna, bauklel hanhannu keeke daaglagnu oonig daatte.

1 Samuel 20:38

Jonatan nug anam ewowa, aria nug baula ewawa, nid bau amu tappaɗittatta aum. “Paha aon maon do! Na pahanab uɗie! Na aib daame!” awa aum. Nug anam e, nid bau lat doɗo awa mawa, Jonatan gumitta uɗiom.