2 Samuel 16:5 - Nobonob Baibel

⁵ Siba, Dawit ele aa anam mattieh ukke, King Dawit nug ukka ukka, Bahurim guguitta ukke, danab laa, nug Saul ele aab ikki laippu, nug aab amu nakok uua ukka, Dawit eheɗ laa awaknu anak waappa daakkunu nai mattiom. Nug am Gera bekka Simei.

2 Samuel 16:5 ပူးပေါင်းရင်းမြစ်များ

2 Samuel 16:14

Amu King Dawit aɗi ag gona, Jodan leppa tena, ag beɗulag bodoettom. Ag anam doon, Dawit, ⌊laa oh ele ag⌋ aguppa hik aoppig.

2 Samuel 16:4

Siba nug anam a, Dawit nug aum. “Keeke oh Mepiboset eppegppa dayom am, gemu nahip daatte,” awa aum. Awa a am Siba nug aum. “Na dahil okkai, dahil king. Da am nahip maɗi nid. Na dahilnu ena dookkutnu ool daatte,” awa aum.

2 Samuel 16:6

Nug nai amu mattiaya, nug men naunau akke, Dawit nuhigppa, nuhikkud ehanittak anuqak danab dilagppa ele goppig. Dawitnu daup ag nug gumappig ele, ag oh Dawit heqo laih laih daappig, amge Simei nug amu ii dabmeum. Iitta. Nug nug, amu nuhikkud ehanittak anuqak danab ele men naunau akke ukka aqom.

2 Samuel 17:18

Amge nid laa nug Ahimas, Jonatan ele anatom amunu, nug ukka, Apsalom amegppa aum. Ahimas, Jonatan ele aa anatom dooya, aa paha ahaya, Bahurim goya, appa danab laa laugppa tepiɗ. Danab amu laug haɗap-ppa le moɗ laa dayom, amu nid aɗit amu aa moɗ amuppa nopiɗ.

2 Samuel 23:31

Araba ted onig Abialbon; Barhum ted onig Asmawet;

2 Samuel 3:16

Ag Mikal aɗidna aon goppig, amge Paltiel nug waunu oo doye, nug dim lamitta gayaya ukkom. Gayaya ugekke, ag Bahurim tena, Apner nug aum. “Na eɗun, lakka ukke!” awa aum. Nug anam aum amunu, Paltiel nug eɗua ukkom.

Esta 2:5

Amu aab okkai Susa ooppa aben aɗ ɠagattagnab ele appa, Juda danab laa onig Mordekai dayom. Nug am Israel dilag huu okkai Benyamin amuppanu, amu Nug am Jair bekka. Jair am Simei bekka, amu Simei nug am Kis bekka.

Job 30:11

Gemu da Kayak Nug he, da gai-iitta, beɗul ele nauhak daattem amunu, ag dagattolppa daan, aɗi aɗi kobol hekkulagnu dabmak ahilagppa be, ag aakku hetteb.

Sam 102:8

Dahil kekeɗ ag deɗ oh, amun, tuqan ele aon aon iutteb. Laa ag da aon aon iutteb ele, ag laa eheɗ laa awaknu anak waappa daaglagnu anana, ag da onil aon, da daattembia daaglagnu nai amuppa metteb.

Sam 109:28

Ag da eheɗ laa awaknu anak waappa daakkulnu atteb, amge na da itiɗkkut. Ag deɗ laala da banel uɗiglag, amge ag uɗa nak aoglag. Anam amunu, da nahip maɗi nid, da gamal ahakku.

Sam 69:26

O Kayak, da na dahilad kekeɗ dilagppa anam hekkutnu oɗ medattemnu diig am inam. Na laa bu madattem ele amu, dahilad kekeɗ ag ag eheɗ hattaegeg, guittak tuɗittak, okkai dootteb. Ao, na laa, na ag bu matte guittak dootteb ele amu, dahilad kekeɗ ag amu dilag guittaknu qattag metteb.

Eksodas 22:27

Aɗinu? Nug ulahnu lamen laippu aakkuib. Nug tuqan beɗu ulah qemanu amuib laidtte amunu, ag eɗun ii mettanna, ag aɗaglag dayeb amu, geha nug tuqan aɗi beɗu laitta niikku? Dahil oo bodoetta le mak kobol danab ah oh dilagppa daatte amunu, haen nug da ehanidkkulnu unuqiɗkku amu, da geha nuhig unuqittak amu doyen ehanidkkul.

Eksodas 22:28

Da am Kayak, ag dahilnu dabittak nai aib appig. Amu ag ahilag huuppan ikki danabnu, nug eheɗ laa awaknu anak waappa daakkunu aib appig.

Prowerb 26:2

Danab laa nug eheɗ laa ii heum, me danab ag nug eheɗ laa awaknu anak waappa daakkunu akkulag dayeb, nai amuam meu ii oma; nai amuam ai naunau ag hagagaɗna laih laih gona, aben laippuppa ii daatteb, am amubia, nai amu danab amu, nuhigppa ii daama.

Eklisiastis 10:20

Na oɗenppa aib king aon aon qettame, amge amuib iitta! Dabmakppa ele na anam aib heme! Ge, na danab okkai dilagnu na laut ooppa, niittem abenppa daanna, ag eheɗ laa awaknu anak waappa daaglagnu aib ame. Aɗinu? Ai laa nug doya, nahip dabmak, o nahip nai amu ag amelagppa akkutai. Ge, ai laa hagagaɗa oiyaya doya, ukka mattieb dooglagtai.

Aisaia 8:21

⌊Am genab, danab ah ag ib hambuppuakppa doyak aoglagnu hetteb ele amu,⌋ ag am geha haen nau aoglag. Ag geha oolagppa uug nau doonna, enug aqebeb, wanppa talilin oiglag. Ag anam oinna, ag enug aqakku. Enug amunu ag oppoɗilag beeb, amelag kokoɗ eppeb, ahilag king, amu ahilkad kayak ele ag eheɗ laa awaknu anak waappa daaglagnu nai akkulag. Ag neegppeg habppa teebeb,

1 Samuel 17:43

Nug anam dabmeum amunu, nug Dawit amegppa aum. “Da am qai laate amunu, na ad amuppa da oiɗkkutnu uɗime?” awa aum. Nug anam awowa, nug nuhig kayak hambuppuak onilagppa Dawit nug eheɗ laa awaknu anak waappa daakkunu aum.