2 Samuel 16:21 - Nobonob Baibel

²¹ Nug anam oɗ mette, Ahitopel nug nob ma aum. “Na mamen nug wauud amge wauudnab iitta eblaih tanig ele ag iguppa daanna, kingnu lag enanagnab, amu lag amunu keeke ele atognoadkkulagnu a, ag iikku daatteb amunu, na ah amu ele gemuib niippeg, Israel laa oh ag amunu nai doon, ag na hee, na mamen nug nahipnu eheɗ nau dootte dooglag. Ag anam doon, ehanidkkulagnu ɠagattag aoglag,” awa aum.

2 Samuel 16:21 ပူးပေါင်းရင်းမြစ်များ

Genesis 34:30

Anam heeg amu, Jakop nug Simeon, Lewi ele amelahppa aum. “Aa heeh, da onil ippa Kanan, Peres ele danab amelagppa nauha autanab awom. Da dahil daup kuɗum iitta amunu, ag banenig uɗiglagnu qagmena, uɗin iqappeg, ig oh padal mekkunig,” awa aum.

Genesis 35:22

Israel nug wan atu amuppa dayeye amu, Ruben nug mameg wau amge waunab iitta Bilha ele niieh, Israel nug doyom.

Genesis 38:16

Anam ana amu, nug ah amu nug ahipa ii doyom amunu, nug gumitta wa, amegppa aum. “Ahappe, da ele oiɗu,” awa aum. Nug anam a amu, ah nug eɗua nug oɗ mettom. “Da na ele oignihnu amu, na nob aɗi meɗakkut?” awa oɗ mettom.

Genesis 6:4

Haen amuppa, dimppa ele, danab beɗulkad okkai okkai ele, Nepil buɗub atteb, ag wanppa daappig. Aɗinu? Kayak bekkod ag wanppan ah diieg, ag ele oiyegeg, ah ag nid danab menuadppig ele, danab amu ag nai alagppanu danab onilkad okkai okkai ele.

2 Samuel 10:6

Aria, Amon danab ag amu heeg ukke, ag Dawitnu neekkakppa eheɗ nau heppig dooppig. Dawit nug ahilagnu, danab nug uɗig nau noobppa dootte, nug ahilagnu anam doyom dooppig. Ag anam doyona, ag nai meeg ukke, daup laala ag uɗin ehanadkkulagnu daden maadppig. Daup uɗippig am inam. Aramnu am 20,000. Ag am aab onig Betrehop am Sobanu ele uɗippig. Aab onig Makanu amu daup 1,000, ahilag king ele, aria Tobnu am daup 12,000.

2 Samuel 12:11

Natan nug Kayaknu nai Dawit amegppa anam awowa, nug tuɗitta aum. “Yawe nug inam ele atte. ‘Na baenadppa dilagppanab uug naunab beeb dookkut. Da heppi, na amenppanab laa na baenadppan laa nug na waatad diieb, amunppa, danab ah noolagppa ag nug ele niiglag.

2 Samuel 13:5

Nug anam a amu, Jonadap nug aum. “Na nahip niiak abenppa tena, na oɗe meme bia niippe, amu na mamen nug na anidkkunu uɗikku. Nug uɗieb amu, na inam akkut. ‘Da appinal Tamar nug uɗia, nug ee da lakkulnu da noolppa bappaittebeb da anidppippi, nug awa dahilppa uɗia, nug eppegppanab oɗelppa meebeb lakkulnu ool daatte.’ Na anam appe doyaɗ!” awa aum.

2 Samuel 15:16

Ag anam aeg, King Dawit nug wauud amge wauudnab iitta 10 ag daanna, lag enanagnab, ag lag amu, amu lag amunu keeke ele atognoadkkulagnu ana, nug, nug baekkudppa ele ag oh ahan goppig.

2 Samuel 16:20

Husai nug anam a, Apsalom nug eɗua, Ahitopel oɗ mettom. “Nahip dabmakppa, ig attem hekkunig? Ig gemu aɗi ib dim lamidkkunig?” awa oɗ mettom.

2 Samuel 17:7

Apsalom nug anam a, Husai nug aum. “Ahitopelnu nai tatamnu am ena, amge ulum nai imuam enanag iitta bia anidttem.

2 Samuel 2:7

Saul, ahilag okkai, nug aakku mauhom, Juda danab ag da ahilag king daakkulnu goɗen gokkaɗakppa tituaniɗppig amunu, ag ɠagattag daan, ag oolagppa ɠagattag doyeg!” Nug nai amu me ukkom.

2 Samuel 20:3

Am King Dawit nug eɗua, nuhig lag enanagnab, Jerusalem dayom amu, nug appa ta, nug wauud amge wauudnab iitta eblaih tanig ele, nug ag daanna, nuhig lag enanagnab, amunu keeke ele atognoadkkulagnu uuatte daappig amu, nug ag lag laappa, ag lag amu uun oiglagnu elele iitta, nug ag appa maatte, piɗe anam daappig. Dawit nug ag ele baula ii niippig, amge nug he, ag ee keeke, elele daappig, keeke laanu tutu ii daappig. Ag ah qab bia anam daaeg ukke, mauhppig.

1 King 11:25

Reson nug Aram dilag okkai dayaya, haen Solomon nug Israel dilag king dayeye, Reson nug haen amuppa Israel dilag kekeɗ dayom. Uug amuam Hadatnu uug tuɗittom.

1 King 2:17

Nug anam a, aria Adonaiya nug Batseba amegppa aum. “Na gona, King Solomon nug Sunem ah, Abisak, nug dahil ah daakkunu meɗakkunu ool daatte. Aɗinu da na amu hekkutnu oɗ medattem? Da doottem, geha king nug nahip nai amu ii tappeb nema,” awa aum.

1 King 2:22

Am King Solomon nug oɗmak amu doya, nug inam aum. “Aɗinu da Sunem ah Abisak Adonaiya mettaknu, am na da oɗ meɗattem? Am anam dayeb amu, aria na tutukku da oɗ meɗappe, nug da oulppa nug king baɗ! Aɗinu? Nug am tatamnu, da awal. Amu mana mettak danab Abiatar, amu Seruia bekka Joap ele aa nuhig ehanittak daattep,” awa aum.

Lewitikas 18:8

Na aib, na mamen wau ele beɗuppa wanak hepiɗ. Na mamen wau ele beɗuppa wanak hekkulah dayeb amu, na aakku na mamen hunu qelom bia hekkut.

Lewitikas 20:11

Am laa nug mameg wau ele beɗuppa wanak hekkulah dayeb amu, nug mameg hunu qelo bia hekku; danab ah ele ag aa aqatppeg mauhkkulahoitte. Am aa beɗulahppa ag aqatppeg mauhkkulah.

Sekaraia 8:13

O Juda danab ah, Israel danab ah ele, wan laappan danab ag, ag laa nug eheɗ laa awaknu anak waappa daakkunu anana, ag, Juda danab ah, Israel danab ah ele ag eheɗ nau aoppig, amubia na ele eheɗ nau am awe! appig. Ag anam appig, amge da ag Juda danab ah, Israel danab ah ele ehanadppi, ag padal ii mena, enanag daappeg, wan laappan danab ag akka akka nug amegppa nai mattina, Juda danab ah, Israel danab ah ele ag itittak enanag aoppig bia, na ele amu awe! aon akkulag. Anam bekku amunu, ag ɠagattag dayeg! Ag aib baɗappig, Ag ahan, Kayaknu mettid lag babaitteg!” Yawe Nug anam atte.

1 Korint 5:1

Aria, laa ag nai laa aeg doomi amu, ag Korint ag oolagppa gappai kobol nau daatte mattieg doomi. Gappai kobol ag hetteb ele am naunab nau! Genab, iitta aɗi danab ag gappai kobol nau amubia ii hetteb. Kobol amuam danab laa nug mameg wau ele gappai aɗattep.

1 Samuel 13:4

Nai awa ukkak danab ag goppig amunu, Israel oh ag, “Saul nug Pilistia dilag daup Geba daatteb, nug ag banelag ukkom amunu, gemu Pilistia ag ig Israel, ag ihinignu eheɗ nau dootteb,” ag nai amu dooppig. Ag doon, ag ahan gona, Gilgal appa Saul toppa qagmeppig.

1 Samuel 27:12

Dawit nug anam hettom amunu, Akis nug Dawitnu ooppa genab doya, nug am danab nai genabib atte, nug am da layalnab doyom. Nug anam doyaya amu, nug ooppa am inam attom, “Dawit nug heehe, nug laikkud, Israel, ag nuhignu dabmak eheɗ nau dootteb amunu, nug geha hanhan dahil maɗi nid daakku.” Akis nug ooppa nukka nuhignu anam attom.