2 Samuel 16:17 - Nobonob Baibel

¹⁷ Husai nug anam a, Apsalom nug aum. “Na genab Dawitnu oo mauhaknab doolom amu, na inam helomte? Aɗinu na nug ii dim lamidme?” awa oɗ mettom.

2 Samuel 16:17 ပူးပေါင်းရင်းမြစ်များ

2 Samuel 16:18

Apsalom nug anam oɗ mette, Husai nug aum. “Iitta! Aɗinu? Laa Yawe, amu Israel danab ah imu ele ag king daakkunu tituanak daatte amu, da nuhig ehanittakib daakkul. Da nug ele daagnih.

2 Samuel 19:25

Mepiboset nug Jerusalemnu aha, king uɗa te, King Dawit nug oɗ mettom. “Mepiboset, aɗinu na da ele oh ii gomuɗ?” awa oɗ mettom.

Prowerb 17:17

Aun nug layam genab daatte amu, nug haen oh layagnu oo mauhak dootte; amu awakkud amakkud ele, ag uug haenppa nug ehanittak daaglagnu aakku daatteb.

Prowerb 18:24

Danab laikkud ag nug ele gaɗappaib layam batappig, ag heppeg, nug na qa nauhkkunu elele; amge layag laa, nug am laikkud laa oh eɗattak, nug nug laikkud dabmatta auta autanab aotte.

Duteronomi 32:6

O Israel danab ah, Yawe Nug ahilagnu ena heum. Ag anamppate eɗun noob mekkulagte? Ag am danab ah dabmak tutukku iittappa keeke henan oitteb. Ag doyak dabmak ena ele iitta. Yawe, Nug am ag Mamelag iittate? Nug ag iite hattom? Nug iite ag laippu tamaniattom?