2 Samuel 16:10 - Nobonob Baibel

¹⁰ Nug Dawit amegppa anam aum, amge King Dawit nug nob ma aum. “O Seruia bekoɗ, ahilah dabmak am dahil ele laippu iitta. Yawe Nug danab amu amegppa, ‘Wana, Dawit eheɗ laa awaknu anak waappa dayaknu nai a!’ aum dayeb, diig amunu ele nug hette dayeb amu, aun laa nug nuhignu, ‘Aɗinu na anam hettem?’ anaknu elelete? Iitta. Laa iitta,” awa aum.

2 Samuel 16:10 ပူးပေါင်းရင်းမြစ်များ

Genesis 50:20

Anukka ag da eheɗ aokkulnu heppig, amge Kayak Nug ig ena, bau daagnig, gemu ig daattem, amubia, Nug amu dabma he, eheɗ hak amu eɗue, amuppa keeke ena beum.

2 Samuel 19:22

Nug anam a, Dawit nug aum. “O Seruia bekoɗ, ahilah dabmak, am dahil dabmak ele laippu iitta. Gemu aa da uug meɗattep. Ig gemu hepput, Israel oolagppa danab laa mauhkku am enate? Iitta! Gemu da king daattem doottem amunu, laa nug ii mauhma,” awa aum.

2 Samuel 19:23

King Dawit nug anam awowa, nug eɗua, nuhig nai ɠagattag qetta, Simei amegppa aum. “Na ii mauhmana,” awa aum.

2 Samuel 3:39

Kayak he, da goɗen gokkaɗakppa tituanak, da amuppa gemu king daattem, amge da am ɠagattag okkai iitta. Seruia bekoɗ imu aa am ɠagattag okkainab ele. Aa eheɗ hepiɗ amu, Yawe Nug eheɗ hak amu andatta, Nug eɗua ahilah eheɗ hak eleleppa nob matakkunu ool daatte,” awa aum.

1 King 17:18

Aakku ah nug Elaiya amegppa aum. “Kayaknu danab, na aɗinu dahilppa kobol imu heme? Na uɗin heppe, Kayak Nug dahil hipunin eɗua daugppa dob heeb, nid dahil imu oɗe awa, mauhkkunu uɗimete?” awa oɗ mettom.

1 King 2:5

Am laa ele, Solomon, na doottem, Seruia bekka Joap nug kobol nau heehe, amuppa da uug okkai, kobol nug heum amuppa da anidmi. Nug Israel dilag ban daup ikki aɗit aqatom. Aa am Ner bekka Apner, am Jeter bekka Amasa ele. Ban haenppa danab laa nug laa qe mauhtte bia ii aqate mauhpiɗ. Iitta. Nug ban haenppa helo bia ban iitta haenppa, am maɗoɗ haenppa, nug aqate mauhpiɗ. Nug danab aɗit amu aqattom, hak nau amunu aab am nug beɗuppa daatte.

2 King 18:25

Keeke laa amu, Yawe Nug iite a, da banelag uɗien, wan imu eɗitten, heppi nauhkkulagnu uɗimi? Nug a, da amu hekkulnu aakku uɗimi,” awa aum.

Job 9:12

Nug keeke laa danab eppegppanu aɗitta aokkunu heebeb amu, laa nug ii aomanu akkunu elelete? Iitta! Ao, laa nug Nug amegppa, ‘Na attem hena aottem,’ akkunu elelete? Iitta!

Sam 39:9

O Yawe, na, laa iitta, na, na da bu meɗattem amunu, da na noomppa bakkum daattem; da nai laa ii madittem.

Eklisiastis 8:4

King nug aɗi ab, nuhikkud danab ah ag aakku hekkulagoitte. Laa nug king amegppa, “Na aɗin hettem,?” akkun elele iitta.

Gayak Nai 3:37

Naɗi Nug keeke laa bekkunu ii aum dayeb amu; laa nug ab bekkute?

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Matyu 16:23

Pita anam awa a amu, Jesus Nug eɗua Pita amegppa aum. “Satan, na dimulppa gona, da ippulppa aib daame! Na Kayaknu dabmak ii dim lamidttem; na danab dilag dabmak dim lamidttem,” awa aum.

Matyu 8:29

Aa uɗiya, huanak eya apiɗ. “Kayak Bekka, na ihinihppa attem hekkutnu hettem? Guittak haen ihinih ii uɗiom, amge na paha guittak nau metakkutnute uɗime?” eya apiɗ.

Jon 18:11

Anam he amu Jesus Pita amegppa aum. “Na nahip qep elab eɗun abenppa me! Attemu? Le mua kap-ppa daatte, Mame meɗom ele amu, da iite lapa?” awa aum.

Rom 9:20

Amge o danab, na am aɗi danab amunu na Kayak amegppa a ona a doak nai madittem? Wan hinai nug danab nug hette ele amu, nug amegppa, “Na aɗinu inam heiɗttem?” oɗ medattete?

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.

1 Samuel 26:19

O naɗi dahil, na am king daattem, da am nahip maɗi nid, na dahil nai dookkutnu ool daatte. Amu Yawe Nug he, na ahan, da aɗailkkutnu lamiɗttem dayeb amu, da doɗ laa mane, Nug medappi, Nug dahilnu oo ena daakkunu ool daatte. O iitta, danab laala ag heeg, na ahan aɗailkkutnu oittem dayeb amu, am geha ag Yawe noobppa eheɗ laa awaknu anak waappa daaglagnu ool daatte. Aɗinu? Ag kobol hetteb, kobol amuppa ag da lamiɗna, da inam oiyeye, da Yawenu mettid haknu peh lag appa ukken, Nug noobppa dup noin binag mekkulnu elele iitta. Kobol ahilag amuppa amu, ag aakku da amelppa, ‘Na gona, kayak laa binag me!’ atteb bia hetteb.