2 Samuel 15:31 - Nobonob Baibel

³¹ Ag ukkaegeg, laa nug Dawit amegppa aum. “Ahitopel nug Apsalom ehanidkkunu, nug nug ele daattep,” awa aum. Nug amu a, Dawit doya, nug Yawe unuqitta, “O Yawe, na heppe, Ahitopel nug Absalom dabmak tutukku iittappa ulum nai medakkunu oɗ medattem,” awa aum.

2 Samuel 15:31 ပူးပေါင်းရင်းမြစ်များ

2 Samuel 15:12

Amu ag oh Hebron daanna, Apsalom nug mana mettak hattatta, nug Gilo ted laa Ahitopel, nug appag diig Gilonu aha, Hebron uɗia ehanidkkunu nai me ukke uɗiom. Ahitopel nug nuhig aab ikki am Gilon. Nug Dawitnu dabmak mettak danab laa dayom, ⌊amge nug matu lokkuma Dawit dimetta, Apsalom dim lamittom⌋. Apsalom nug anam heehe, danab baubau ag Apsalom nug mameg King Dawit lamitta, king aben awa, king daakkunu dabmak aoegeg ukke, kuɗum ag uɗin, Apsalom dim lamidppig.

2 Samuel 16:23

Haen amuppa danab ah ag Ahitopelnu ulum nai, ag nai amunu, “Kayaknu uɗitte amunu, nai nuhig am enaib,” dooppig. Dawit, Apsalom ele oh, aa ele anam doopiɗ.

2 Samuel 17:14

Husai nug anam a, Apsalom, Israel danab laa oh ele ag appig. “Ark danab Husainu ulum nai am Ahitopelnu ulum nai eɗidtte,” aon appig. Ag doon, dabmena appignu diig am, Yawe Nug Ahitopelnu ulum nai elelenab na qeeb, Apsalom nug padal mekkunu dabmak awe ɠagattag eppom daye, Nug Husai ehanittom.

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

2 Samuel 17:5

Apsalom, Israel dilag ikki danab oh ele ag ena dooppig, amge Apsalom nug aum. “Appeg, Ark danab Husai nug uɗia, nug ele nuhig dabmak imunu ab dootu!” awa aum.

2 Samuel 17:7

Apsalom nug anam a, Husai nug aum. “Ahitopelnu nai tatamnu am ena, amge ulum nai imuam enanag iitta bia anidttem.

Job 5:12

Kayak Nug laa ag lokkumakppa kobol kobol hekkulagnu doon autna aotteb ele, Nug ahilag maittak he nauhtte. Amu diig amunu ahilag hakppa meu laa ii bette.

Sam 109:3

Ag da taliliɗna daanna, ag dahilnu nau ninig ele doon, ag nai nau atteb. Ag diig laa iitta, ag da hamu niɗaglagnu banel uɗitteb.

Sam 3:1

O Yawe, kekeɗ dahil am kuɗumnab. Ao, kuɗumnab ag da niɗaglagnu hetteb.

Sam 41:9

Am da layalnab, da nuhignu oolppa genab doyen, ool mettami, i oh ee lamuɗ ele, nug da kekeɗ meɗom.

Sam 55:10

Amun tuqan ele danab kobol nau hetteb ele ag aab okkainu aɗ attan, ⌊ag yabhoi hena, guittak mattaglagnu neegnan⌋ oitteb. Danab ah aab okkai ooppan ag oo aeg bak akka akka ahilagnu henana, guittak nug medatteb.

Sam 55:12

Amu dahilnu amu, kekeɗ laa nug awa awa naunab niɗalo amu, da uugnab ii doolom. Yo, dahil kekeɗ laa beɗuppa tak ha, nug da awa awa naunab niɗalo amu, da lokkumlom.

Aisaia 19:3

Isip danab ah ag anam henana, dabmak kuɗum aoppeg, ag oolag na qeebeb, da geha heppi, Isip dilag maittak keeke laala hekkulagnu kaboliak dayeb, ag anam daanna, ag geha ahilkad kayak hambuppuak dottolkad ag ehanadkkulagnu oɗ mattanna, ag gona, mauhak ele gamag danab, mauhak ele mattiak danab ele gumadna gona, dabmak ahilag aoglagnu ele oɗ mattaglag.

Aisaia 44:25

Da, Yawe, da hei, propet hambuppuak danab dilag nai am kaboliak daatte. Ao, da hei, danab ah laa ag eman danab dilagnu ag dabmak iittanab ele daatteb anadtteb. Da hei, wanppan doyak dabmak ena ele danab dilag dabmak iitta mette. Ao, da hei, ahilag dabmak am hamunab, kaaka bia daatte.

Jon 13:18

Da madittem imu amu da ag oh ahilagnu ii attem. Da danab dahilad, da tituanadmi ele amu, da ag diilag doottem. Amge Kayak nai niitte amu genab meu bekku. Nai amu inam atte. ‘Am da layalnab, i oh ee lamuɗ ele, nug da kekeɗ meɗom.’

1 Korint 1:20

Amunu danab doyak dabmak ena ele nug attemun? Danab doyak okkainab ele, nug ele am attemun? Attemun wannu haen imuppan danab nug oɗe alala eppa elelenab maditte? Kayak Nug wan danabnu doyak dabmak ena ele amu he, nai amu dabmak tutukku iitta iite daatte?

Jems 3:15

Doyak dabmak ena ⌊iitta⌋ ele amuam hab aabppanu ii neum. Iitta. Doyak dabmak ena ⌊iitta⌋ ele amu nug wan imuppan, am Kayak Ouɗi, nuhigppanu iitta. Satan nug doyak dabmak ⌊iitta⌋ ele amu mameg daatte.