2 Samuel 15:30 - Nobonob Baibel

³⁰ Aa eɗuya goya daapiɗ, amge Dawit nug ugakka, Olipnu Qauko taata gayom. Nug ikki hauta, baeg gaɗa ele ii meum. Danab ah oh nug ele goppig amu, ag ele ikkilag hautna, gonana gaappig.

2 Samuel 15:30 ပူးပေါင်းရင်းမြစ်များ

2 Samuel 15:29

Dawit nug anam aum amunu, Sadok, Abiatar ele aa Kayaknu kunup maoya, eɗuya Jerusalem teya, aa aguppa daapiɗ.

2 Samuel 19:4

Ag anam heppig, amge Dawit nug iɗu hauta, Apsalom mahitta, huana qanana aum. “O da bekkal Apsalom! O da bekkal, da bekkal Apsalom!” awa aum.

2 Samuel 19:5

Dawit nug anam heehe, Joap nug lag Dawit dayom amuppa ukka ta, nug Dawit amegppa aum. “Gemu na he, nahipad daup ag uɗa nak eheɗ dootteb. Danab amu ag aakku na, na begapad, na aɗenad, nahipad ah, amu na waatad amge waatadnab iitta ele kekeɗ eppelagppanu diiatte, ag ii mauhppig.

Esta 6:12

Haman nug anam ha male amu, Mordekai nug eɗua, king laugnu odppa ukkom, amge Haman nug laippun laugppa ukka, nuhigppa kobol beumnu mahiak okkainab heum.

Sam 42:3

Da deɗ oh, amun, tuqan ele gayak naɗi heiyi, amel leb nette. Anam amu, amel leppu am dahil ee bia daatte. Dahil kekeɗ ag da aon aon iun atteb. “Kayak nahip adekku? ⌊Nug aɗinu na ii ehanidtte?⌋” aon atteb.

Sam 43:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

Esekiel 24:17

Nug mauheb amu, na nuhignu qinonob baatppaib aiqakkak he! Nuhignu aib mahime. Na igippan lamen aib uɗame, baeg gaɗa ele aib uɗame. Na laa ag laa mauhomnu mahiak hekkulagnu iɗulag laih akkabɗulag ukka amelag batak haut-tteb amu, na amubia aib heme. Danab ag laa mauhomnu ee latteb amu, na ee amu aib lame,” awa aum.

Esekiel 24:23

Ag igippan lamen ii uɗamna, baeg gaɗa ele ii uɗamna. Ag mahiak, gayak ele ii hemana. Ag amu oh ii hemana, amge ag hipunin heppig amunu, ag ebehilag teeb, ag baalagppaib qinonob aiqakkak hekkulag.’ ” Yawe Nug anam aum.

Sekaraia 14:4

Deɗ amuppa nug na, Olipnu Qauko, qauko amu Jerusalemnu kaɗag uɗitteppanu daatte, Nug appa hibaitta dayebeb, qauko amu oppata, laih laih daakku. Qauko oppateb, gamagppa oolnu noak naɗi laa daakku; oolnu noak amuam kaɗag uɗitteppanu digmeeb ukka, qaban uɗitteppanu gokku. Amu bekkunu diig am, qauko laih am ukka, yawalti uɗitteppanu ukkebeb, laih am ukka, yau uɗitteppanu gokku.

Matyu 5:4

Danab aun aɗi ag oolagppa ⌊hipuninnu⌋ guittak dootteb ele amu, ag itittak ena aoppig daatteb. Aɗinu? Ag oo mak aoglag.

Luk 19:29

Nug ukka, aab aɗit Betpasi, Betani ele, Olipnu Qaukoppa daapiɗ, Nug aab aɗit amuppa tekkunu taata, appa nug he, nuhikuɗ ippunittak awak danab aɗit laa matte gokkulahnu a daaeheh, Nug amelahppa aum.

Luk 19:37

Aria Jesus Nug ukka, ib laih Olipnu Qauko amu eɗitta no, appa nuhikkud ippunittak awak danab kuɗum laa ele ag oh nuhignu gamalag ahom. Aɗinu? Nug kobol danab hekkunu elele iitta kuɗum he anidppig amunu, ag baalag okkaippa enan Kayak binag humappig.

Luk 19:41

Jesus anam ana Nug ukka, Jerusalem guguitta wana, Nug aab okkai amu antta, ameg leb ne,

Luk 21:37

Deɗ oh Jesus Nug Kayaknu mettid lag ooppa ag nai ippuanattatta, tuqan amu Nug ukka, Olipnu qaukoppa dayom.

Luk 22:39

Nug anam awowa, Nug dimittim noa, Nug haen kuɗum hettom bia Nug Olipnu Qaukoppa ukkom. Nug ugekke, nuhikkud ippunittak awak danab ag Nug dim lamidppig.

Aposel 1:12

Aria, ag qauko nakok laa, Olipnu Qauko atteb, ag appanu eɗun Jerusalem wappig. Qauko amuppanu Jerusalem wanak amu miag, 1 kilomita bia. Juda dilag ɗoppa danab nug ahilag Sabat deɗppa tappa ukkak elab amubia gokkunu elele.

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.