2 Samuel 15:27 - Nobonob Baibel

²⁷ Dawit nug anam anan, nug nai tuɗitta mana mettak danab Sadok amegppa inam ele aum. “Na propet danab daattem amunu, na eɗun, aab okkaippa maɗoɗ ele gokkut. Na, na bekkat Ahimas, aria, Abiatar am nug bekka Jonatan ele, ag oh eɗun ukkeg!

2 Samuel 15:27 ပူးပေါင်းရင်းမြစ်များ

2 Samuel 15:34

Amge na eɗun, Jerusalem daappe, Apsalom nug eɗua Jerusalem teeb, na nug amegppa inam akkut. ‘O king, da nahip maɗi nid laa daakkul hettem. Da na mamenu maɗi nid daami, amge gemu da nahip maɗi nid daakkulnu ool daatte.’ Na anam appe dookku. Na anam hekkut dayeb amu, na da ehaniɗna, Ahitopel nug ulum nai Apsalom mettebeb, na dabmak amu heppe, na qekkunu hekkut.

2 Samuel 15:36

Sadok bekka Ahimas, amu Abiatar bekka Jonatan, aa ele appa mamelti ele daatteb amunu, na aɗi nai doon heppe, nid aɗit amu aa uɗiya, apeɗ dookkul,” awa aum.

2 Samuel 17:17

Amu Apsalom, nuhikkud ehanittak ele ag dabmak eheɗ aomnanu Sadok, Abiatar ele bekkalti Jonatan, Ahimas ele aa miag atiak, aab okkai ooppa uɗiya, eɗuya laih gokkulahnu elele iitta amunu, nid aɗit amu aa aab dimittim aben laa onig Enrogel, aa appa daapiɗ. Aa anam daaeheh, Sadok, Abiatar ele aa Husainu nai dooya, aa maɗi ah laa nug nid aɗit amu amelahppa ab, aa goya, King Dawit amegppa Husainu nai akkulahnu meeh ukka, amelahppa a, aa goya, Dawit amegppa apiɗ.

2 Samuel 18:19

Am Sadok bekka Ahimas nug Joap amegppa aum. “Na appe, da qaietten ukken, Yawe Nug King Dawit ehanitte, nug nuhikkud kekeɗ eppelagppa ii daatte appi dookku,” awa aum.

2 Samuel 24:11

Dawit nug anam Yawe amegppa a, deɗ amu uue, wagɗe, Dawit nug ii ahom haenppa Yawe Nug nai laa nuhig propet danab Gad, Gad am Dawitnu propet amu, Nug nug amegppa nai laa inam aum.

1 King 1:42

Am Joap nug anam aawo, mana mettak danab Abiatar, nug bekka Jonatan, nug ukka gumatta teum. Te amu, Adonaiya aum. “Inam do! Aɗinu? Na am danab ena amunu, da doottem, na ihinig nai ena laa aakku aon uɗime,” awa aum.

1 King 4:15

Ahimas, nug Naptali buɗub dilag wan gumom. Nug am Solomon aɗeg laa, Basemat awom.

1 Stori 25:5

Amu oh am Heman, kingnu propet danab laa, nug bekkod aakku. Anukka Kayak Nug Heman amegppa Nug binag mekkunu nai anan qakkom, amu Kayak Nug he, ib amuppa nai anam qakkak amu meu oum. Kayak nug nid danab 14, nid ah ewam ele mettom.

1 Stori 6:8

Ahitup bekka am Sadok. Sadok bekka am Ahimas.

1 Samuel 9:6

Saul nug anam aum, amge maɗi nid nug aum. “Antte! Aab imuppa Kayaknu danab laa daatte; danab oh ag nuhignu ena elelenab dootteb. Nug aɗi atte amu, keeke amuam genab bette amunu, i goɗa, nug donkinu oɗ mettagnih. I nug oɗ medapuɗ, nug ag adeppa daatteb ab doognihtai,” awa aum.

1 Samuel 9:9

Amu Saul nug aum. “Am ena! I goɗu!” awa aum. Nug aum amunu, aa goya, aa aab laa amu, Kayaknu danab appa dayom, aab amuam qauko nakok igippa dayom amu, aa aab amuppa tekkulahnu qauko nakok teyaya, aa ah makkun laala ag le itaglagnu uɗippig, aa ag uɗalag tepiɗ. Aa uɗalag teya, aa oɗ madapiɗ. “Keekenu doyak danab nug aabppa, appa ana daattete?” aoya apiɗ. Anukka, Israel wanppa amu danab ah ag propet dilagnu, “Keekenu doyak danab,” adappig; gemu danab amunu am propet atteb. Amunu anukka, haen ag propet anidna, keekenu oɗ mettaglagnu heppig amu, ag, “Ahappeg, ig keekenu doyak danab toppa gokkunig,” adappig.