2 Samuel 15:25 - Nobonob Baibel

²⁵ Ag amu hena malaeg, Dawit nug Sadok amegppa aum. “Na Kayaknu Tituanak Nainu Kunup aon, eɗun aab okkaippa ukke! Yawe Nug dahilnu ena dookkun dayeb, Nug heeb, da eɗue ukken, Tituanak Nainu Kunup amu, Nug laug baula anidkkul,

2 Samuel 15:25 ပူးပေါင်းရင်းမြစ်များ

2 Samuel 6:17

Aria, ag Kayaknu Tituanak Nainu Kunup anam aon uɗin, Jerusalem bena, peh lag Dawit nug amunu babaittom ele, ag amuppa Tituanak Nainu Kunup amu aguppa daakkunu aben dayom amu, ag appa meppig. Ag meeg, Dawit nug manaknu ofa, laippu dayaknu ofa ele Yawe noobppa Nug mettom.

2 Samuel 7:2

nug propet Natan amegppa aum. “Gadon, da lag enanagnab, ad sidappa hak, da lag amuppa iikku daattem, amge Kayaknu Tituanak Nainu Kunup am pehppa daatte,” awa aum.

Sam 122:1

Danab ah ag da amelppa, “Ahappe, ig Yawe laugppa tetu!” aeg, da ool gamag ahom.

Sam 122:9

Yawe, ihinig Kayak, Nug laug Jerusalem ippa ina daatte amu, da lag amu ena daakkunu dabmak anuqak awen, da attem attem hepput, Jerusalem ena daakkunu dabmein, da amuib hekkul.

Sam 26:8

O Yawe, da na laut, na appa daattem ele amu, da nahip lag amunu ool huananab hette. Ao, da nahip lag, binag amahlak oppiaawak ele nahip appa ana daatte amu, da lag amunu ool huana hette.

Sam 84:10

Deɗ laippu na guguitta dayaknu am enanag. Deɗ 1,000 atu laih adekku dayaknu am enanag iitta! Da Kayaknu mettid lag, da amuppa od gumak danab aakkuib daakkul am enanag. Da nau hak danab ele daat, keeke ena ena ele aɗat oignig, amuam eheɗ, am nau.

Eksodas 15:13

Na nahip oo mauhaknab kobol dim lamidnana, na ig Israel, ig Isip dilag begbeg maɗi nidnu qagaiettakppanu eɗua uhuqak hen mekkana, na ig eleleib omaigkkut. Ao, na nahip ɠagattag, na amuppa na ig omaigppe, ig aben nahip, aben amu nahipnu tituanak daatte, ig amuppa gokkunig.

Eksodas 33:12

⌊Amge Moses nug qaukoppa dayeye, Yawe Nug Moses danab ah amu anuqa omalatta ukka, wan laappa tekkunu a⌋ amu, Moses nug Yawe amegppa aum. “Na da amelppa da danab ah imu anuqen omalatte, ahilag wanppa gokkulnu attem, amge na da aun nug da ehaniɗeb gokkunig amu, na amunu da amelppa ii ame. Na amunu ii ame, amge na, ‘Da na dooitte aute awe, am da nahipnu ena doottem,’ ame

Eksodas 33:13

amunu, na dahilnu ena doottem dayeb, aria, na nahip dabmakppa aɗi daatte am appe, da doye, geha da nahipnu tutukkunab dooppi, na heppe, da haen oh kobol na oot daatte aakkuib, da hekkulnu oɗ medattem. Am laa amu, danab ah imu amu, ag am nahipad danab ah, na amu ele dabmekkutnu oɗ medattem,” awa aum.

Aisaia 38:22

Amge tatam Hesekaia nug Aisaia inam oɗ mettom. “Yawe Nug da geha eɗue bau mein, nuhig mettid lakka gokkulnu aum amu, nug geha at aɗi, da nai amuam genab bekku dookkulnu meɗakku?” awa oɗ mettom. ⌊Nug anam oɗ mette, Yawe Nug he, lokko adqaɗppa dayom, lokko amu aben dayomppanu eɗua teum.⌋

Jeremaia 25:30

Amu Yawe Nug anam awowa, Nug tuɗitta, da amelppa aum. “Na danab oh amelagppa uug ahilagppa beeb anidkkulagnu propet nai imu appe doyeg! ‘Laion ɠagattag nug doɗ laa mattia aokkunu dabma aha, huana gaatte, amubia Yawe Nug nuhikkud danab ah bu madakkunu babaittak anam daatte. Ao, Nug nuhig dayak aben oppiaawak ele, Nug amuppa dayaya, hakkaɗ huana qe, gu nekkunu daatte bia, Nug danab ah nuhikkud bu madakkunu babaittak daatte. Ge, Nug nuhikkud danab ah bu madakkunu laion huanaknab gaatte bia aakku babaittak daatte. Danab ag grep meu leppu aoglagnu tappanna, huana etteb, amubia Nug heeb, ban haknu ewak okkai daakku. Ao, nug wan atu ohppan danab ah bu madatta, anam hekku.

Jeremaia 7:4

Laa ag, ‘Yawenu mettid lag, lag amunu keeke oh ele ig oonigppa daatte amunu, uug laa ihinigppa ii bema,’ ge iitta mattin oitteb amu, ag nai amuppa hambubutteb. Ag laa ag nai amu dabmenana, ag nai amunu aib oolagppa genab dooppig.