2 Samuel 15:24 - Nobonob Baibel

²⁴ Amu mana mettak danab Sadok, Abiatar ele, Lewi buɗubppan mana mettak danab iitta, ag appa daappig ele amu, ag Dawit ele oh goppig. Lewi buɗubppan mana mettak danab iitta, ag Kayaknu Tituanak Nainu Kunup kontrak inak ele maoppig. Ag Kayaknu Tituanak Nainu Kunup maon nona, aab okkai dimittim meeg dayeye, Abiatar nug doɗ manatta, Kayak medette, aab okkaippan danab ah gokkulagnu ahappig ele, ag oh gona malaeg, nug amu uuom.

2 Samuel 15:24 ပူးပေါင်းရင်းမြစ်များ

2 Samuel 15:27

Dawit nug anam anan, nug nai tuɗitta mana mettak danab Sadok amegppa inam ele aum. “Na propet danab daattem amunu, na eɗun, aab okkaippa maɗoɗ ele gokkut. Na, na bekkat Ahimas, aria, Abiatar am nug bekka Jonatan ele, ag oh eɗun ukkeg!

2 Samuel 15:35

Mana mettak danab aɗit Sadok, Abiatar ele aa appa daaglah amunu, na kingnu lag enanagnab, na appa nai aɗi dookkut amu, na aa amelahppa akkutnu elele.

2 Samuel 20:25

Sewa nug am nai yaak danab dayom; Sadok, Abiatar ele, aa mana mettak danab daapiɗ.

2 Samuel 6:13

Digma mawakppa amu, danab ag Yawenu Tituanak Nainu Kunup maon, tappa ukkak eblaih laippu ele ukkaeg, Dawit nug makau dawai laippu, makau nag ittag ele laippu ele manata, Yawe mettom.

2 Samuel 8:17

Ahitup bekka Sadok, Abiatar bekka Ahimelek ele, aa am mana mettak danab daapiɗ. Seraia nug nai yaak danab dayom.

1 King 1:8

Aa ehanidkkulahnu apiɗ, amge danab laib laib laa, ag Adonaiya ele oolag laippu ii dayom. Amuam mana mettak danab Sadok, Jehoiada bekka Benaia, propet Natan, amu Simei, Rei, amu King Dawitnu gumak daup, ag ele.

1 King 2:26

Am Solomon nug mana mettak danab Abiatar amegppa inam aum. “Na eɗun, Anatot appa gona, na nahip wanppa daye! Na nahip eheɗ hak amunu amu, na mauhkkutnu elele, amge gemu da na ii nidappi mauhmana. Aɗinu? Na anukka na da mamel Dawit ele daayya, na nuhignu Naɗi Yawenu Tituanak Nainu Kunup maome. Laa ele amu, haen Dawit nug uug laala maottom amu, na nug ele daayya, na ele eheɗ hak amunu uug mawadttame,” awa aum.

1 King 2:35

Amu King Solomon nug Benaia awa, Joap abenppa ban daup ikki anuqak meum. Benaia nug Jehoiada bekka. Am King Solomon nug mana mettak danab Abiatar abenppa, mana mettak danab Sadok otiom.

1 Stori 15:2

Nug amu oh ha malowa, nug aum. “Yawe Nug Lewi buɗub aakkuib ag haen oh Kayaknu Tituanak Nainu Kunup maoglagnu, agib Nug noobppa nuhig ɗo maɗoɗnu uɗat hekkulagnu tituanattom amunu, ag Yawenu Tituanak Nainu Kunup maoglagoitte. Laa iinab maomna,” awa aum.

Esekiel 48:11

Aben amuam Sadok buɗub dilag. Agib ag dahilnu tituana meɗak daan, doɗ main, da meɗaglagnu ehah aoppig daatteb. Agib ag dahil uɗat pehettak hekkulagnu ii uuppig. Agib Lewi buɗub laa oh ag Israel laa oh heppig bia da uuiɗna, piɗe ii goppig.

Namba 4:15

Aria, Aron, bekkod ele ag qaɗab, balal keeke, amu keeke naunau oh dahil mettid haknu peh lag danab ah appa qagmetteb ele, ag peh amu ooppanu keeke Yawenu tituanak daatteb amu hautna malappeg, haen danab ag gokkulagnu bappaidna daanna, amu Kohat buɗubppan danab ag keeke mawadkkulag. Amge ag tuqai aakkuib aɗaglag. Ag keeke dahilnu tituanak daatteb amu iinab lauɗidmana. Ag lauɗidna amu, ag mauhkkulag. Amu Kohat buɗubppan ag keeke amu, mettid haknu peh lag ooppanu mawadkkulagnu daatte.

Namba 7:9

Amge Moses nug Kohat buɗub keeke laa iinab mattom. Ag keeke laa ii mattom diig amu, ag mettid haknu peh lagnu keeke, Yawenu tituanak daatte, amuppa mana mettak danab ag Kayaknu uɗat hetteb, ag keeke amu gukkalagppa maoglagnu daappig. Ahilag uɗat amuam ag hekkulagnu mattak.

Josua 3:6

Josua nug danab ah amelagppa anam a, deɗ amu uue, wagɗe, deɗ amuppa nug mana mettak danab dilag aum. “Ag Tituanak Nainu Kunup kontrak inak ele, ag amu aon, maon anuqna gobeppeg, danab ah dim lamadna ukkeg!” Nug anam a amu, ag anam heppig.

Josua 6:4

Na heppe, mana mettak danab eblaih aɗit ele ag anen anen ag trampet sipsip qeqeɗippa hak mawadna, Tituanak Nainu Kunup noobppa daana, anuqna gokkulag. Aria, deɗ eblaih aɗit amuppa amu, mana mettak danab ag ahilkad trampet amu aɗan iwaladppeppeg, ag, amu ag laa oh ele, ag aab okkai amu laippu tappa ukkak hena talilidppeg, haen eblaih aɗit ele batakku.

Josua 6:6

Yawe Nug anam aum amunu, Nan bekka Josua nug mana mettak danab onilagppa e uɗieg, qagmaatta aum. “Ag Tituanak Nainu Kunup kontrak inak ele maon, mana mettak danab eblaih aɗit ele ag kunup amu nob aon, trampet ele anen anen aɗualadna, anuqppeg gokkulagnu otiadppeg heig!” awa aum.

1 Samuel 22:20

Doeg nug mana mettak danab amu oh aqe mauhppig, amge Abiatar, nug am Ahitup alag, Ahimelek bekka amu, nug Doeg eppegppanu oola, Dawit toppa, nug ele daaglahnu ukkom.

1 Samuel 4:11

Pilistia ag Israel eɗadnana, ag Kayaknu Tituanak Nainu Kunup aonna, ag Eli bekoɗ Hopni, Pinias ele, ag aa ele aqateg mauhpiɗ.