2 Samuel 15:2 - Nobonob Baibel

² Nug anam ha, nug ele haen oh buttuanab aha, aab okkainu aɗ od guguittak ib giginppa daattom. Dayeye, laa nug layag nuhignu eheɗ heumnu dabmaama, king nug nai am doya bappaidkkunu uɗieye, Apsalom nug danab amu antta, amegppa, “Na atteg ted?” awa oɗ mette, danab amu nug aab diig, Israel dilag huu okkai attenppa dayom amu, nug Israel dilag huu okkai amu onig diia, “Da am nahip uɗat nid, da Israel dilag huu okkai imuppan danab,” awa nob ma attom.

2 Samuel 15:2 ပူးပေါင်းရင်းမြစ်များ

Genesis 34:20

Ahe amu, Sekem nug mameg ele aa ahilah aab okkaippa ikki danab dilag qagmak aben aab odppa daatte, aa appa aa lailti ele nai mattiglagnu gopiɗ.

2 Samuel 19:8

Joap nug anam aum amunu, King Dawit nug aha ukka, aabnu aɗ odppa dayom. Nug appa dayeye, laa ag nuhikkud daup amelagppa, “King nug aabnu aɗ odppa daatte,” aeg doon, ag oh uɗin, nug noobppa daappig. Dawit aɗi ag anam heppig, amge ag anam heegeg, Israel laa ag Apsalom dim lamidppig ele ag oolna, ag laulkadppa teppig.

2 Stori 10:7

Aria, nug anam oɗ matte amu, ag nug amegppa inam appig. “Amu na danab ah amu dilagnu oo bodoettak doon, ag na aɗi hekkutnu oolag daatte ele dabmettan, na amunu nai ena ag amelagppa akkut amu, ag geha nahipad maɗi nid daanna, na waatppa hanhan daaglag,” aon appig.

Job 24:14

Aam no, gatatu ne, qe mauhak danab ag ahan, daɗek danab aqaeg mauhtteb; tuqan ag yabhok danab hetteb bia ahan, qinonob qinonob oitteb.

Eksodas 18:14

Moses nug danab ah ehanadkkunu uɗat anam he, Jetro antta, amunu elele ii doya, Moses amegppa aum. “Ehe, na danab ah imu dilagnu uɗat huan hettem. Na nakka uɗat anam hettem am aɗinu? Antte! Danab ah oh ag na ele nai mattiglagnu buttua uɗin daaegeg ukke, uudoum. Na anam aɗinu hettem?” awa aum.

Eksodas 18:16

Am haen danab aɗit laa aa keeke laanu nug aidya, diig amunu aa da gumiɗya uɗieh amu, da ahilah nai amu oh elele epeɗiatten, nai atten am tutukku, da ai dooeh, da aa Kayaknu ɗo iɗu iɗu ele ai doottep,” awa aum.

Eksodas 18:26

Nug otiatte, ag hanhan epeɗiak uɗat amu gumappig. Eheɗ hak, am nai nakok amu ele agib bappaidppig, amge eheɗ hak okkai amu, ag danab ah amu omaladna, Moses gumidna ukkaeg, nug babaittom.

Prowerb 4:16

Aɗinu? Nau hak danab ag eheɗ laa ii heppig dayeb amu, ag niiglagnu elele iitta daaeg ukke, ag eheɗ hewona niitteb. Ao, danab amu ag eheɗ ii heeg, danab laa ii na qeum dayeb amu, ag paha ii niimna.

Daniel 11:21

Wan yawalti uɗitteppanu king amu nug anam mauheb, laa nug abenabppa ta king daakku. Nuhignu amu, danab kuɗum ag, ‘Nug am keeke hamu, binag iitta’ dooglag. Nug am king tiigppan iitta. Nug aha, wan yawalti uɗitteppanu daatte dilag king daakkunu, nug wan amuppan danab ah ag maɗoɗ daappeppeg, hambuppuak kobolppa haaha, king abenppa ta, king daakku

Matyu 27:1

Wakkaɗe buttua mana mettak danab okkai oh, amu Juda dilag ikki danab ele ag Jesus qeppeg mauhkkunu nai qagappig.

Duteronomi 17:8

Amu hettoɗiakppa nai laa aheb, babaittaknu uug ele, ag aabppa hekkulagnu elele iitta dooglag dayeb amu, ag aon, aben Yawe, ahilag Kayak, Nug epeɗikku, ag amuppa ukkeg! Nai amuam laa nug layag qeum, o makkuɗe, guittak awom, o nai laa babaittaknu uug ele.

Rut 4:1

Aria, Naomi, Rut ele aa amunu mattiya daaeheh, Boas nug ikki danab dilag qagmak aben aab nuhig odppa daatte, nug appa ta dayom. Dayeye, danab laa, nug Elimelek ele aa tiig laippunab, Rut ehanidkkunu anuqak dayom, Boas nug tatam nuhignu Rut amegppa aum ele, nug uɗiom. Uɗie, Boas nug onigppa eum. “Ne lai, inam doppe daaɗu!” awa aum. Boas nug anam a, nug do daapiɗ.