2 Samuel 14:7 - Nobonob Baibel

⁷ Am gemu da gamulnu aab ikki laa oh ag ahan uɗin, ag da amelppa, ‘Ig nug qepput mauhkkunu amu, na bekkat, nug layag qe mauhom ele amu, na nug ig mekke!’ aon atteb. Ag anam atteb, amge oolagppanab ag ihinig wan aoglagnu oolag hette amunu, ag da bekkal qeppeg mauhkku dayeb amu, ag wan amu aoglag. Ag da bekkal qeppeg mauhkku dayeb amu, kobol amuppa ag heppeg, da dakkanab, ehanittak laa iitta daakkul; aab ottag laippuib qaɗabppa dayebeb, laa nug ukka ottag amu aokku, da qaɗab amubia daakkul. Ag amu hekkulag dayeb amu, da gamul onig Israel ooppa ii daama. Ag amu hekkulag dayeb am, da gamul nug ii dayom bia daakku,” awa aum.

2 Samuel 14:7 ပူးပေါင်းရင်းမြစ်များ

Genesis 27:45

da nai meppi ukkeb doona, eɗun uɗikkut. Aɗinu aa oh deɗ laippuppa mauhkkulah?” awa aum.

Genesis 4:14

Gemu na da wan imuppanu, na noompanu lamiɗttem amunu, da haen oh aben laippuppaib ii daapa; qati qati oikkul. Danab laa da aniɗa, nug duul ob mauhkkul,” awa aum.

2 Samuel 12:17

Dawit nug anam heehe, nug baekkudppan ikki danab ag appeg, nug ahakkunu nuhigppa gona heeg, nug ahakkun uuom. Nug uua, nug ag ele ee lakkulagnu ele uua, ii heum.

2 Samuel 14:6

Da, da am nahip maɗi ah amu, da nid danab aɗit ele. Amu da bekkalaɗ aɗit amu, aa datta oiya, aa nug qeyaya, auntai laa nug aa otiatak iitta daye, laa nug laa qe mauhom.

2 Samuel 14:8

Ah nug anam mattie, King Dawit doya, nug aum. “Na ahan lakka ukke! Da uug imunu nai babaitten medakkul,” awa aum.

Namba 35:19

Hettoɗiak danab ag laa nug layag qe mauhom ele tutukku hettoɗidna malan, danab amu nug doyaya, laa qe mauhom anidna, ag heppeg, danab nug layag doyaya, qe mauhom ele amu, ag nug eɗua, aab digppa ukkeb, laa nug qe mauhak danab nob ma qeeb mauhkkunu daatte amu, nug qeeb mauhkku. Ao, laa nug qe mauhak danab qeeb mauhkkunu daatte amu, nug antta, amu qeeb mauhkku.

Matyu 21:38

Nug me ukkom, amge haen dad uɗat danab ag nid amu anidna, akka akka nai mattina appig. ‘Nid imu nug dimppa mamegnu keeke oh aokku amunu, ahappeg, ig qepput mauheb, ig dad nuhig imu aotu!’ aon appig.

Duteronomi 25:6

Anam amu, aa bekkalah tatamnu, amu gamu mauhom oela qettaglah. Anam dayeb, danab mauhom, nug onig Israel ippa ii qettoɗma, bekka tatamnu ah nug menutte amu, gamu danab mauhom ele, nug bekka aakku daatte.