2 Samuel 14:30 - Nobonob Baibel

³⁰ Joap nug anam he, Apsalom nug nuhikkud maɗi nid amelagppa aum. “Antteg! Joapnu dad okkai tomppa nug bali eppom ele amu, dad amuam dad okkai dahil heqo laihppa daatte amunu, ag gona, bali dad amu amotppeg ewaɗ!” awa aum. Apsalom nug aum amunu, nuhikkud maɗi nid ag dad amu amoteg ewom.

2 Samuel 14:30 ပူးပေါင်းရင်းမြစ်များ

2 Samuel 14:29

Apsalom nug king nakok laa ii antta, nug Joap ukka, King Dawit amegppa nug king anidkkunu ab dookkunu, Joapnu nai me ukkom, amge Joap nug Apsalom toppa ukkak uua, ii ukkom. Nug ii ukkom amunu, Apsalom nug baula Joap nug gumitta uɗikkunu nai me ukkom, amge Joap nug haen amuppa ele ukkak uua, ii ukkom.

2 Samuel 14:31

Ag anam heeg, Joap nug Apsalom laugppa ta, nug oɗ mettom. “Aɗinu nahip maɗi nid ag dad dahil amoteg, ewa iitta meum?” awa oɗ mettom.

2 Samuel 18:14

Danab amu nug anam a, Joap nug aum. “Uuppe! Da na ele nai laa ii mattimɗa,” awa aum. Nug anam anana, nug ban ewam awa, nug ban ewa, oh Apsalom momoppa ye noppig. Apsalom nug ad okppa aiha bau dayeye, nug anam heum.

2 King 9:33

Jehu nug amelagppa aum. “Ag ah amu aon, buɗippeg naɗ!” awa aum. Awa a, aakku ag Jesebel aon, buɗieg no, Jehunu hos aa gaɗa amu tappaya ukkaeheh, Jesebel tiig ukka, lagnu gilil laitta, hos ele layatom.

Ikki Danab 15:3

Ah mameg nug anam a, Samson oɗeppa awa aum. “Haen imuppa da ag Pilistia danab, ag eheɗ okkai hadakkulnu daatte amunu, da heppi, da beɗulppa aab laa ii daama,” awa aum.