2 Samuel 14:26 - Nobonob Baibel

²⁶ Am nug ikki uɗug elabnab dayom. Anam daye ukke, haen atten atten laala, ikki uɗug am uugnab doyom, diig amunu haen amuppa nug haen anen anenppa he, danab otaɗom. Nug otaɗe ukka, ikki uɗug nug otaɗom ele amu, ikki uɗug amunu uug am 2.3 kilogram. Uug amuam king uugnu melemel meum, am amu dim lamittom.

2 Samuel 14:26 ပူးပေါင်းရင်းမြစ်များ

Genesis 23:16

Awa a, Abraham nug nai amu doya, nug 4.5 kilogram silwa Epron aum bia, amu Hit danab noolagppa elele metta, Epron mettom. Keeke laihnu awa dadennu mak danab ag silwa men doɗo amunu, nuhig noob gane doon, maɗi ahilag heppig amu, Abraham amu dim lamitta heum.

2 Samuel 18:9

Amu ban anam heeg ugekke, Apsalom nug miul nuhig attan dayaya ukka, nug ii doyaya Dawitnu daup uɗalag teum. ⌊Nug ag uɗalag ta oolele,⌋ miul nuhig ad ok okkai laa waappa ukke, ad amu eppeg huanak amunu, Apsalom ikki amuppa aihe dayeye, miul baeg ya ii dayom; iitta ukkom amunu, Apsalom nug aguppa aiha dayom. Baeg am wan ii tappom.

Aisaia 3:24

Ag goɗen muttuɗig ena ele bau laa ii laamna amunu, ag beɗulag hiuɗi nau okku. Ag bau laa lamen enanag imualag ii itamna. Iitta. Ag lamen nau maadna, muɗippa imualag qakkaglag. Geha ag ikkilag uɗug kobol digdigppa bau laa hena ii qakkamna. Iitta! Ag ikkilag uɗug iitta meeb, bikkalag ele daaglag. Ag lamen ena ena ele ii takkamna. Iitta. Ag lamen heɗiag ele takkaglag. Ag iɗu tuqak ele ii daamna. Iitta. Kekeɗ ag aen gakkaɗaknab ele ag beɗulagppa kobol mekkulag.

Esekiel 44:20

Mana mettak danab ag ikkilag uɗug oh hoippeg, tutunab aib meum. Ag ele ikkilag uɗug uuppeg, elab aib dayom. Ag ikkilag uɗug hanhan elele otaɗppeg, eleleib dayaɗ!

Lewitikas 19:36

Ahilag skel, nuhig uug doyaknu keeke ele am tutukkunab daakkuoitte. Ahilag keeke inaknu teɗu, keeke qaɗaiettak, o leppu mettak melemel haknu, ag amu tutukkunab hekkulagoitte. Da am Yawe, ahilag Kayak. Da ag Isipnu diie, omalatti uɗippig.

1 Korint 11:14

Am Kayak Nug ig danab ah beɗunig piɗe piɗe aben aben ihinig mekkomppa daagnignu anidttem amu, amuam danab laa nug ikki uɗug elab ele daatte dayeb, amuam eheɗ iite ippunigtte? Nug amunu uɗa nak guittak ele iite dookku?