2 Samuel 14:20 - Nobonob Baibel

²⁰ Amge nug amu heumnu diig am, uug gemu daatte, uug am iitta mekkunu heum. Na, na dahil naɗi, na Kayaknu engel nug doyak dabmak ena ele, na amubia daattem. Na anam daanna, na aɗi keeke, aɗi kobol wan imuppa bette amu, na amu ohnab doottem,” awa aum.

2 Samuel 14:20 ပူးပေါင်းရင်းမြစ်များ

Genesis 3:5

Kayak dootte, haen aa ad amu meu lakkulah amu, aa keeke ena, nau ele dooyya, Nug bia daaglah amunu, ⌊Nug ɗo meum⌋,” awa aum.

2 Samuel 14:17

Amu da, nahip maɗi ah, da ele dabmemi. ‘Dahil naɗi, dahil king, nug Kayaknu engel bia, nug aɗi kobol am ena, aɗi kobol am nau amu, nug oo maittak awaknu ehah awom daatte amunu, nug heeb, da oolppa uug iitta, maɗoɗ ele daakkul,’ aakku dabmemi,” awa aum. Nug anam awowa amu, nug nai tuɗitta, Dawit amegppa aum. “Yawe, Nug nahip Kayak amu, Nug na ele daaglahnu ool daatte,” awa aum.

2 Samuel 18:13

King nug hanhan aun nug aɗi heum dookkunu haaha, aakku dootte amunu, da na ame bia Apsalom qelom amu, na dahilnu aɗitai keeke laa hena, ii ehaniɗlom. Amunu king nug da iweb mauhlomtai,” awa aum.

2 Samuel 19:27

Nug anam he, nug na, na am dahil naɗi, dahil king, nug na amenppa da bael qeum. O dahil naɗi, dahil king, nug anam heum, amge na am Kayaknu engel bia daattem amunu, na attem dahilppa hekkutnu ena doottem amu, anamib he!

2 Samuel 19:28

Aɗinu? Na king, dahil naɗi, na heppe, da alal baegppan oh ig mauhlomnu elele, amge na amu ii hena, na hee, da, da am nahip maɗi nid, da nahip balalppa, laa ag iguppa daan, ee latteb ele, da ag oolagppa dayeye, ee lattem amunu, da keeke laa na eppenppa aokkulnu oɗ medakkulnu elele iitta,” awa aum.

2 Samuel 5:23

Ag anam heeg, Dawit nug Yawe, nug aɗi hekkunu oɗ mette, Yawe Nug Dawit amegppa aum. “Tutukku, Pilistia noolagppa tena, ban aib heme. Iitta. Na taliliadna gona, dimulagppa tena, ad balsam kuɗum ag dimulagppa daatteb amunu, na aben amuppa tena, appanu Pilistia gukkuadna goppe, ag ele ban heig!

Prowerb 26:28

Danab nug laa dilagnu hambuppak nai mattiaya, guittak madatte amu, nug amu dilag nau ninig ele dootte; amu laa nug laanu oo eeɗaknu ittag nai maditte amu, laa amu nug nai amunu ena doya aotte dayeb, nug padal mette.

Prowerb 29:5

Aun nug mudippan laippu oo eeɗaknu ittag nai maditte; nug nukka nuhignu pelem mette.

1 Samuel 29:9

Dawit nug anam a, Akis nug aum. “Da ele anam doottem. Kayaknu engel laa nug da ehaniɗlolob, da amunu enanag doolom, amu da nahipnu enanag amubia doottem, amge Pilistia dilag okkai ag, ‘Aib,’ ana malappig amunu amu, na ig ele banppa ii gomata.