2 Samuel 14:17 - Nobonob Baibel

¹⁷ Amu da, nahip maɗi ah, da ele dabmemi. ‘Dahil naɗi, dahil king, nug Kayaknu engel bia, nug aɗi kobol am ena, aɗi kobol am nau amu, nug oo maittak awaknu ehah awom daatte amunu, nug heeb, da oolppa uug iitta, maɗoɗ ele daakkul,’ aakku dabmemi,” awa aum. Nug anam awowa amu, nug nai tuɗitta, Dawit amegppa aum. “Yawe, Nug nahip Kayak amu, Nug na ele daaglahnu ool daatte,” awa aum.

2 Samuel 14:17 ပူးပေါင်းရင်းမြစ်များ

2 Samuel 14:18

Tekoa ah doyak dabmak ena ele nug anam a amu, King Dawit nug aum. “Da keeke laanu oɗ medappi, na amunu nob ii lokkummnanu attem,” awa aum. Nug anam a, ah nug aum. “O dahil naɗi, na king, na aɗi appe dookkul,” awa aum.

2 Samuel 14:20

Amge nug amu heumnu diig am, uug gemu daatte, uug am iitta mekkunu heum. Na, na dahil naɗi, na Kayaknu engel nug doyak dabmak ena ele, na amubia daattem. Na anam daanna, na aɗi keeke, aɗi kobol wan imuppa bette amu, na amu ohnab doottem,” awa aum.

2 Samuel 19:27

Nug anam he, nug na, na am dahil naɗi, dahil king, nug na amenppa da bael qeum. O dahil naɗi, dahil king, nug anam heum, amge na am Kayaknu engel bia daattem amunu, na attem dahilppa hekkutnu ena doottem amu, anamib he!

2 Samuel 19:28

Aɗinu? Na king, dahil naɗi, na heppe, da alal baegppan oh ig mauhlomnu elele, amge na amu ii hena, na hee, da, da am nahip maɗi nid, da nahip balalppa, laa ag iguppa daan, ee latteb ele, da ag oolagppa dayeye, ee lattem amunu, da keeke laa na eppenppa aokkulnu oɗ medakkulnu elele iitta,” awa aum.

1 King 3:28

Amu dimppa haen Israel danab ah oh ag King Solomon nug hettoɗiakppa ah aɗit hettoɗiatom amu doona, ag kingnu ebehilag oh bodoetta le mettom. Aɗinu? Ag dooppig, Kayak Nug doyak dabmak ena ele Solomon mette, nug nai doya mala hettoɗia epeɗia elele mettak kobol elele hekkunu elele dayom.

1 King 3:9

Anam amunu, da, nahip maɗi nid, da danab ah imu gumadkkulnu, da aɗi keeke am ena, aɗi keeke am nau ele dookkulnu, na da oo maittak awaknu ehah meɗakkutnu ool daye, oɗ medattem. Aɗinu? Auntai nug nukka, nuhig doyakppa danab ah huanak imu ena, elele gumadkkunu elele?” awa aum.

Job 6:30

Da hambuppuak nai laa madittemte? Ao, da keeke laa anttena, da keeke amunu kobol nau, o kobol ena anidkkulnu, da oo maittak awaknu ehah iittate?

Prowerb 27:21

Danab nug gol, silwa ele aab aɗuppa me, huananab gakkaɗe, le me, dubuttid laa daatte dayeb amu, danab nug maute ukke, golppa o silwappa ii daatte; amge binag mak am ma anttak danab metta ha, ib amuppa danab ooppa nau daatte dayeb he, miag atitte

Prowerb 29:5

Aun nug mudippan laippu oo eeɗaknu ittag nai maditte; nug nukka nuhignu pelem mette.

Hibru 5:14

Amge ee ɠagattag am danab kalulag ele, ahilagnu daatte. Danab anam amu, ahilag dabmak am okkai meum, ag dabmak elele aon oitteb amunu, ag kobol ena, nau ele epeɗin dooglagnu elele.

Josua 1:17

Ig haen oh Moses oɗe doota dim lamidmut bia, ig na oɗen doota dim lamidkkunig. Ig oonig keeke laippunu aakkuib niitte. Amuam Yawe, nahip Kayak, Nug Moses ele daapiɗ bia, Nug na ele anam daaglahnu oonig hette.

1 Samuel 29:9

Dawit nug anam a, Akis nug aum. “Da ele anam doottem. Kayaknu engel laa nug da ehaniɗlolob, da amunu enanag doolom, amu da nahipnu enanag amubia doottem, amge Pilistia dilag okkai ag, ‘Aib,’ ana malappig amunu amu, na ig ele banppa ii gomata.