2 Samuel 14:14 - Nobonob Baibel

¹⁴ Le wanppa gokkaɗe, iitta me, danab nug eɗua aokkun elele iitta, amubia ig oh mauhkkunigoitte, amge Kayak Nug haen oh danab mauhkkunu daatte he ii mauhtte. Iitta! Nug heeb, danab ah ag nuhigppanu uma daatteb ag eɗun dona, Nug gumidna daaglagnu ib maditte.

2 Samuel 14:14 ပူးပေါင်းရင်းမြစ်များ

2 Samuel 11:25

Nai awa ukkak danab nug anam mattia male, Dawit nug aum. “Na Joap amegppa inam appe doyaɗ! ‘Na oot uug aib dayom. Aɗinu? Ban hak haenppa laa mauhtte, laa ii mauhtte, o laa mauhtte, laa ii mauhtte. Amunu aib dabmeme! Na aab okkai amu eɗidna, heppe nauhkkunu, amuib na dabmenan, na ban huan he!’ ” King Dawit nug nai awa ukkak danab amegppa anam anana, nug tuɗitta aum. “Na Joap oo ɠagattag qedakkutnu anam akkut,” awa aum.

2 Samuel 14:15

O naɗi, dahil na dahil king, danab ah ag heeg, da baɗami amunu, da na anitten madikkulnu uɗimi. Da, da nahip maɗi ah amu, da inam dabmemi. ‘Da king amegppa uug dahil appi doyeb, da nug aɗi haaha ehaniɗkkunu appi amu, nug anam hekkutai,’ dabmemi.

1 King 11:39

Solomon nug hipunin heum amunu, geha da heppi, Dawit buɗub ag Israel wan oh ii gumamna. Amge haen ohnu am anam ii daamna. Iitta.’ ” Ahaiya nug Jeroboam amegppa anam aum.

Job 14:14

Danab nug mauhowa, nug eɗua bau daakkute? Nug eɗua bau daakku dayeb amu, da haen nau dahilppa daakkunu daatte amu, da haen amu ohppa deɗ laa, da deɗ amuppa eɗuen, ena daakkul, da deɗ amuib ameg mekkulnu elele. Da dahil baoliak haen amu ameg mekkulnu elele.

Job 30:23

Da doottem, na heppe, da mauhkkul; danab ohnab mauhak abenppa gokkulag, amu na heppe, da appa gokkul doottem.

Job 34:15

danab ah ohnab ag mauhlob. Ao, ag mauhna, ag eɗun, gappud daalob.

Job 34:19

Kayak Nug king tiigppan danab, enub danab, daɗek ele oh hattom amunu, Nug laa nug king tiigppanu amunu, nuhignu diig iittappa ena doya, laanu diig iittappa eheɗ ii dootte. Ao, Nug laa am enub danab amunu, diig iittappa nuhignu ena doya, laa am daɗek amunu diig iittappa nuhignu eheɗ ii dootte.

Sam 22:14

Am danab laa nug le gokkaɗe ukkom bia, da mauhkkulnu male daattem. Da ebehilad oh am autak daatteb. Da oolppa ɠagattag iittanab. Ao, uppuh teɗ gakkaɗakppa le mette bia, da ool ɠagattag iitta daatte.

Sam 22:15

Hinai ooppa le qaɗaietta, le nakok laa iinab daatte bia, da oolppa ɠagattag iittanab. Am danab le iittanu mauhkkunu heehe, lemaɗu oɗe qataqette, amubia da mauhkkulnu male daami. Ge, na hee, da danab beɗu gai-iittanab dayaya, gappudppa niiaya, mauhkkunu hette bia, da mauhkkulnu hettem.

Sam 58:7

Na heppe, ag le wan qaɗaiettakppa noa iitta mette bia iitta mekkulagnu oɗ medattem. Ao, na heppe, ag eppelagppa bannu keeke aɗatteb amu, keeke amuam hamu bia daakkunu unuqidttem.

Sam 77:8

Nuhig oo mauhaknab kobol am iitta meumte? Nug keeke hekkunu nai anan qakkom ele amu, nai amuam hanhan meu ii omate?

Sam 79:3

Ag danab ah kuɗumnab aqaeg, tiilag am le bia Jerusalem talilittak, appa neum; auntai laa mauhppig boumattaknu ii dayom.

Sam 90:10

Danab ah kuɗum ag bau daan, maɗ 70 aotteb. Ao, laib laib ag ɠagattag daan, ag maɗ 80 aotteb. Amge ig bau daatta oittem, maɗ amunu binanig maknu keeke oh, keeke amuam uug, ooppan oo doyak ele aakkuib megatte. Aɗinu? Haen elab iitta, ihinig maɗ iitta meeg, ig laih gottem.

Sam 90:3

Aɗinu? Nahipnu amu, maɗ 1,000 am tumai ba ukka malom, am amubia daatte! Ao, maɗ amu oh am tuqan aɗi uɗitte anittak danab nug aua waɗele keeke dayaya, uɗat amu heehe, laa uɗia, nug abenab awa hette amu, maɗ amu oh am, na Kayak, nahip neekkakppa aua amubia daatte. O Kayak, na danab ah amelagppa, “Ag eɗun gappud meig!” attem; amu nai amuppa na hee, ag mauhna, eɗun gappud metteb.

Eksodas 21:13

Amge danab laa nug danab laa makkuɗeb mauhkku, amge nug doyaya ii heum, iitta, da Kayak, da amu bekkunu ib amu oo ii nemi amu, danab layag qe mauhom amu, nug oola ukka, aben da tituane ataɗkkul, nug amuppa wana daakku.

Eklisiastis 9:5

Aɗinu? Danab ag bau daatteb ele, ag mauhkkulag am dootteb; amge danab mauhppig amu, ag keeke laa ii dootteb. Wanppan danab ah ag ahilagnu daulag atiom amunu, ag ⌊wanppa⌋ nob ena baula aoglagnu elele iitta.

Gayak Nai 3:31

Aɗinu nug amu hekku? Naɗi Nug hanhan danab ah di-ii-madatte.

Esekiel 18:23

Da nau hak danab laa nug mauha, padal mekkunu amu, da amunu ool iinab daatte. Da nau hak danab ag oolag eɗueb, kobol tutukku dim lamidna, bau daaglag, da amunu ool daatte.” Naɗi Yawe Nug anam awa atte.

Lewitikas 26:40

Dahilad danab ah ag da oɗel ii dim lamidkkulag dayeb, ag dahilnu, ‘Ihinig kekeɗ,’ dooglag dayeb, diig amunu da ahilagnu ele, ‘Dahil kekeɗ’ dookkul amunu, da heppi, ag ahilkad kekeɗ dilag wanppa gona daaglag. Anam bekku dayeb, dimppa haen kekeɗ ag ag onilag qeppeg neebeb, dahilad ag ahilag hipuninnu bu elele aona, amu ag ahilag hipunin amu, ag mamelkad aɗi ele dilag hipunin, amuam ag da kekeɗ meɗan, da ippunadminu oo metta ii uuak kobol ii dim lamidppig ele, ag hipunin amu miagib madippeg amu,

Namba 35:15

Aab okkai eblaih laippu amu, ag am Israel danab, wan laihnu danab aun aɗi laa ele, ag uɗin, ag oolagppa daatteb, am ag ahilag ii doyaya laa qe mauhomnu ehanittak aab okkai aakku. Aab amuam ahilag ii doyaya laa qe mauhomnu ehanittak aab okkai daaglag amunu, aun nug laa ii doyaya qeeb mauheb amu, nug appa qaietta ukka daakku.

Namba 35:25

Ag amu hena, ⌊genab⌋ nug ii doyaya anam heum ⌊anidkkulag dayeb amu, ag anam⌋ anana, ag heppeg, layag nug qe mauhak danab nob ma qeeb mauhkkunu daatte ele amu, nug aib qe mauhak danab qeum. Ag qe mauhak danab amu, nug laa nug layag ii doyaya qe mauhomnu ehanittak aab okkaippa qaietta ukkom amu, ag heppeg, nug eɗua, appaib ukka, laa nug qe mauhak danab qeeb mauhkkunu dabmette ele, nuhignu awaittak daakku. Ag nug appa meppeg ukka dayebeb, mana mettak ikki danab, Kayaknu tituanak daattenu goɗen gokkaɗakppa tituanppig ele amu, nug mauheb, danab amu nug eɗua appag diigppa dokku.

Namba 35:28

Aɗinu? Laa nug ii doyaya laa qe mauhom, nug ii doyaya laa qe mauhomnu ehanittak aab okkaippa dayebeb ukkeb, mana mettak ikki danab mauhkkuoitte. Nug eɗua aabppa gokkunu amu, mana mettak ikki danab mauheb amu, haen amuppa aakkuib nug gokkun daatte.

Matyu 22:16

Ag anam hena, ag ahilkad ippunittak awak danab, am Herotnu ehanittak danab ele, ag amunu laala maatteg, Jesus gumidna gona appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

Aposel 10:34

Kornilius nug nai mattia male amu, Pita nug inam awa aum. “Amu genabnab, gemu da doottem, Kayak Nug danab mamekkud aɗi am aun dabmaama, diig amunu Nug danab laa awa, laa geɗitta ii hette.

Rom 2:11

Aɗinu? Kayak Nug danab onig ele, nuhignu oo daye, ii epeɗia, laa onig iitta ele amu nuhignu oo ii daye epeɗitte, amubia ii hette. Iitta. Nug danab oh melemel laippuppa ag kobol heppigppa epeɗiadtte.

Duteronomi 10:17

Aɗinu? Yawe, ahilag Kayak, Nug am kayak laa oh eɗadtte, Nug am naɗi laa oh dilag Naɗi daatte. Nug am Kayak naɗinab, ɠagattag okkai ele. Nug am danab Nug antta, ebehi oh bodoetta le maknu Kayak daatte. Nug danab ah ohnab kobol eleleppaib epeɗiadtte. Nug lokkumakppa eheɗ haknu ehanittak ii aoma.

Hibru 9:27

Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,

1 Pita 1:17

Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!